رواية جميله في قلب وحش (بقلم هاله رجب الهربيطي) الفصل الثامن عشر
الفصل الثامن عشر
نزلت البارت أهوه مع ان اللي فات مجبش 100فوت حتي مع ان المشاهده عاليه🥺🥺لو مش عجباكوا اوقفها🥺🥺🥺🥺🥺
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
كام واد وبت اتقابلوا عبر السنين
كام لمسه لمسوها وهمسة حنين
من فجر عمر الكون لحدي انا.. كام بوسة لزمت لأجل ما أصبح جنين
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺الجد: مالك إحنا كلنا عارفين حكايه جوازك إنت وجميله وكمان
إن كل واحد فيكوا بينام في مكان والحال دا مش هينفع
جميله لنفسها: والله الراجل دا بيقول حكم إديلوا ياجدو ياجامد
الجد: الجواز مش لعبه يامالك ولازم جميله ترجع لأهلها وإحنا
نروح نطلبها منهم والعالم كلوا يعرف إنك إتجوزت وكمان أنا
نفسي في حفيد لازم يامالك يتعملكوا فرح قدام الدنيا كلها
مالك: بس ياج............ قاطع كلامهم دخول علي فحمد مالك ربه
لأنه ليس مستعد لتلك المواجهه وبالأخص مواجهه جميله
علي بسعادة: أنا جييييييييت
مازن: ضلمت البيت
علي جرى عليه وحضنه باشتياق
علي: تصدق وحشتني ووحشتني رخامتك والله
مازن: وانت كمان والله وحشتني
مالك: إنت إيه اللي جابك هو إنت مش قولت هتيجي تتغدي
إيه اللي جابك حالا يابارد
علي وهو يجلس علي الكرسي: لاء ماهو أنا كلمتك عشان أتغدي
عندكوا وقولت بقا إيه ألحق اليوم من أولوا وأفطر معاكوا
ثم نظر لمازن ناولني الجبنه دي يابو المزاميز
مازن: ولا اللي بيتكوا دا إنت رخم خد ياخويا الجبنه
علي: شانك لو شانك لو
مالك: إيه
علي: بقوله شكراً شانك لو الله
مازن: كل ياحبيبي كل ربنا يهديك وأخلص منك
علي والطعام في فمه: يارب يارب
مالك: الله يقرفك إسكت
وتناول الجميع الفطار ثم خرجوا للحديقه
نزلت سيرين من غرفتها ووجدت جميله علي الدرج
جميله: صباح الخير ياقمر
سيرين بحرج: صباح الخير أنا أسفه لو كنت دايقتك قبل كدا
صدقيني والله أنا مش وحشه ولا شريره لكن غصب عني
جميله: أولاً أنا مش زعلانه منك ثانياً إنسي الماضى وإبدأي من
جديد إيه رأيك نبقي صحاب
سيرين بابتسامة: ياريت وقامت بحضنها ولكن وجدت من يقوم
بإبعادهم بالقوه وكانت أم سيرين
ميرفت: إنتي إزاي تحضنيها كدا إنتي ناسيه إنتي مين ولا إيه
إياكي تقربي من بنتي تاني فاهمه
سيرين: مامي لو سمحتي في إيه لكل دا أنا وجميله بقينا
صحاب سواء وافقتي أو لاء
ميرفت: ماشي ياسيرين أنا هعقلك تاني وتركتهم ونزلت
سيرين: متزعليش منها يا جميله عشان خاطري
جميله: أنا مزعلتش بس مكنتيش تكلميها كدا
سيرين: صدقيني هي اللي خلتني كدا ظلمتني وعلمتني الكره
والقسوه وبعدتني عن أهلي اللي بيحبوني نفسي تحس بيا
نفسي تاخدني في حضنها وتسمعني نفسي أوووي ثم بكت
جميله: خلاص بقا متعيطيش تعالي نخرج برا في الجنينه
سيرين: ماشي يلا
وخرجت جميله وسيرين للجميع في الجنينه
علي: إمتا يارب أتجوز بقا ومراتي تقولي ياقره عيني
عامر: ههههههههههه دا كل همك
علي: أيون وكمان تدلعني ونبي ياجدو إدعيلي ثم قام وغني
الواد قلبوا بيوجعوا وعاوز حد يدلعوا الواد بيقول ال... قاطع
غناءه خروج ماكس الكلب علي وهو يجري الاااااااااااااااه
إبعد ياعم الله يخربيتك هش ياعم يالهوااااااي حد يوقفوا تور
هايج في عنبر سبعه ياجدعان ونط في حمام السباحه
ضحك الكل علي منظر علي لأنه يخاف الكلاب ثم أمسك مازن
ماكس وأدخله مكانه وخرج علي من حمام السباحه
علي:شفتوني وانا جامد وواقف زي الأسد هه هخاف من كلب
مالك:خلاص ياماكس
علي:ياماااااااا وجري نط عالكرسي ولكن لم يجد شيئ فمالك
كان بيضحك عليه
علي:أبو شكلك عيل بارد
مازن:يلا ياخويا تعالي معايا أجبلك هدوم ومشي هو وعلي
وقابلوا سيرين وجميله
جميله:إيه دا هي الدنيا كانت بتشتي عليك ولا إيه
علي:لاء كنت ببلبط مع السمك في المايه ثم نظر لسيرين:مش
معقول إنتوا الإتنين سوا أنا قولت هتموتوا بعض
سيرين:لاء طبعاً جميله زي أختي ومالك أخويا أنا اللي دخلت
نفسي في حاجه مش ليا
مازن:ما يلا بقا عشان متبردش
علي بصوت أنثوي:يلهوي خايف عليا ياببلاوي
ضحكوا عليه ولكنه سرح مع ضحكه سيرين وأخدت بالها منه
فنظرت له بكسوف وحرج وذهب علي مع مازن ولكنه مال عليها
ولم يشعر مازن أو جميله به
علي:ضحكتك جميله متبطليش تضحكي
ثم تركها وذهب وتركها لتشغل بالها به دخل مازن وعلي الغرفه
مازن:يلا تعالي شوف هتلبس إيه وأنا هنزل
علي:تمام يابرنس ونزل مازن وتركه
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
ملك:وحشني أووي طب أكلمه ما أنا أخدت رقمه لالالا بس هو
كمان أخد رقمي ومش رن عليا معني كدا إنوا عادي مش فارقه
معاه لالا أكيد هيكلمني بس الصراحه الواد عسل لوز مقشر
يالهوي عليه وعلي حلاوته ولا الغمازه ولا الشفايف تتاكل أكل
أم جميله:ها وإيه كمان
ملك بسرحان:نفسي في حضن وبوسه اللي هي هييييييييح
ثم فاقت من كلامها عندما وجدتها وهي تقلع الشبشب
أم جميله:هيييييييح يا صايعه ياضايعه عاوزه تبوسي الواد
ماتشربيه حاجه أصفره بالمره يا بايره مدلوقه عالواد ليه يابت
تكونيش وحشه ومش لاقيه حد يعبرك ولا بايره يابايره
وكانت بتجري وراها وهي ماسكه أبو ورده
ملك:خلاص ياماما خلاص ونبي بلاش أبو ورده الجو ساقعه
والله وبيوجع وأنا لا ليا حبيب ولا قريب يبوس الواواا
أم جميله:يبوس إيه ياعين أمك
ملك:الواواا ياماما
أم جميله:وأنا بقا هعملك الواواا وأبوسها كمان وقامت برمي
الشبشب عليه وجه في وشها
ملك وهي تجرى لغرفتها:ااااااااااه والله دا ظلم كدا حرااااااام دي
أمي مكنتش بتعمل معايا كدا اااااااااه
أم جميله بزعل:إخص عليكي ياملك كدا يعني أنا مش خايفه
عليكي زي جميله بالظبط دا إنتي بنتي حبيبتي
ملك:لاء والله ياماما أنا بهزر والله دا إنتي حنيتك عليا كفايه
أم جميله:ربنا يباركلي فيكوا يارب وأفرح بيكي بس قوليلي
هو الواد حلو للدرجه دي ياختي لدرجه الهيييييح
ملك:أه والله ياماما دا لدرجه الهيهيحات كلها دا يتباس بوس
أم جميله:قومي ياتربيه زباله قومي
جريت ملك ودخلت غرفتها وظلت أم جميله تدعي لها ولجميله
ثم دخلت غرفتها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عامر:أنا مبسوط أووووي ياسيرين إنك إتغيرتي وقاعده معانا
سيرين:وأنا كمان والله ياجدو وأسفه لو دايقتكوا قبل كدا
عامر وهو يحتضنها:متتأسفيش المهم إنك عرفتي غلطك
جميله:هو أنا يعني عشان وحدانيه مش هتحضني
ضحك الجد عليه وإحتضنها هي الأخري
جميله:أيوا كدا يا أبو الجدود إحضني هو لايبقي إنت ولا هو
عامر وهو يضربها علي راسها:عيب يابت إسكتي
جميله:لالالالالالالا إوعي تفهمني صح أنا أقصد حضن شريف
والله حضن عفيف هو أنا بتاعه قله أدب بردو
الجد:لا ياختي أنا
سيرين:ياجدو ياشقي
عامر:ربنا يفرحني بيكي يا أميرتي
إبتسمت سيرين ولا تعلم لما جاء علي بالها علي في تلك اللحظه
جلس الجميع يتكلمون وقام مالك يشوف علي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
علي خرج من الحمام ويكمل لبس ثيابه
علي:ياطالعه من باب الحمام وكل خد عليه خوخه خوخه خوخه خوخااااااا ونبي ياواد ياعلي إنت مز ودمك شربات
ونظر للمرأه بصدمه:إيه دا مش معقول..ببص لروحي فجأه
لقتني إحلويت فجأه وعليت ضحكتي ههههههههههه
دخل عليه مالك وهو يضحك
مالك:بجد والله فظيع ههههههههههه يابني إرحم نفسك هتتجنن
علي:أه ياعم ماإنت إتجوزت ودخلت دنيا وعايش حياتك
جيت يعني علي قرمط الغلبان والجواز يقف وملقيش عروسه
مالك: أهو نبرك دا اللي جايبني لورا وبعدين أنا خلاص قررت
.................... قال ماصدم علي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
استنوا البارت الجاي وياريت متنسوش النجمه بليز
والله حرام نسبه المشاهده تبقي عاليه والفوت ميجييش ربعها
🥺🥺🥺🥺🥺 ياريت تقدروا تعبي وإني بكتب عشان
متزعلوش وعندي إمتحانات ومذاكره لكن بفرحكوا الأول
وياريت تدعولي أنجح بليززززز♥♥♥♥
دمتم بخير ياقمرات♥♥
ملكه القلم♥♥

مالك:في إيه يابت إنتى وهي مبتعملوش النجمه ليه طب والله لنكد عليكوا😂😂😂😂😂😂
اهو مالك زعل اهوه😂😂😂