رواية جميله في قلب وحش (بقلم هاله رجب الهربيطي) الفصل الثاني عشر
الفصل الثاني عشر
ولكنها القلوب ياعلي :إذا صفت رأت
عمر ابن الخطاب..
كان الصمت هو الشئ الوحيد السائد بينهم حينما قال مالك بهدوء: انا وجميله إتجوزنا
الأم وملك بصدمه: إااااااااااايه
الأم بحده وغضب: إنت بتقول ايه يابني انت اتجننت إتجوزتوا ازاي
مالك ببرود عكس النيران داخله:أنا خارج علي ماتتكلموا وهرجع أخد مرااااتي
الأم بغضب: لا لا مستحيل دا يحصل ماتنطقي ياجميله ردي قولي كدب
ظلت جميله صامته ولا تتحرك ولكن تبكي فنظرت لها الأم بصدمه وقالت بجفاء: ماشي ياجميله إنتي من النهارده بالنسبه ليا ميته حرام عليكي والله العظيم حرام عليكي ليه تعملي كدا ليه تدمري
اليوم اللي كنت بحلم بيه يوم ما أشوفك عروسه بالفستان ليه يابنتي ليه تعملي كدا ليه
جميله ببكاء: والله ياماما غصب عني انا بنتك تربيتك ومستحيل أعمل حاجه من غير ما اقولك ومستحيل أوجعك سامحيني
ملك بحزن علي صديقتها: إهدي ياجميله وإنتي ياماما اهدي قولي ياجميله إيه حصل خلاكي توافقي تتجوزيه عملك إيه
جميله ببكاء:اللي حصل إن..................وحكت جميله كل شيئ
الأم بصدمه وحده:إزاي الحيوان دا يعمل معاكي كدا هي سايبه ولاإيه إزاي يتجوزك غصب عنك
ملك بهدوء:دلوقتي هي مراته ومنقدرش نعمله حاجه
الأم بتساؤل:إنتي بتحبيه ياجميله
جميله بتوتر:ااا..هو..هو يعني اااا
الأم بتذمر:خلاص خلاص دانتي واقعه بس ياجميله يعنى هو إنتي فاهمه يعني وشايفه
جميله بهدوء:عارفه ياماما إنك تقصدي وشه بس أنا حبيته هو مش الشكل المهم القلب وهو طيب وأنا ميهمنيش غير كدا
ملك بتساؤل:وناويه علي إيه معاه
جميله بتوعد: اللي حصل حصل وأنا لازم أربيه
ملك بتوتر:ناويه علي إيه يامصيبه
جميله بخبث:كل خير بأذن الله
الأم وملك بضحك:يبقي ربنا يرحمك يامالك
جميله بإبتسامه:يلا بقا تعالوا معايا ألم هدومي عشان لما ييجي
الأم وملك:يلا
دلفن جميله إلي الغرفه بهدوء ثم أخذت حقيبه للملابس ووضعت بها ملابسها وخرجت من الغرفه لتنتظر مالك وبعد وقت وصل مالك ودلف إلي المنزل
الأم ببرود: ما لسه بدرى يا جوز بنتي
مالك ببرود: معلش بقا
الأم وهي تقترب منه: إنت عارف لو فكرت بس تزعلها أنا هموتك فاهم يلا ولا مش فاهم
مالك بصدمه: يلا أنا يتقالي يلا
الأم بتحدي: اه عندك مانع يلا
مالك بضحك: لأ ياحماتي بس هو إنتي مالك قلبتي علي عبده موته
الأم بحده: موته أما تاخدك يابعيد
جميله بسرعه: بعد الشر عليه ياماما حرام عليكي
ملك ببرود: محن كلاب والله
الأم بسخط: حرمت عليكي عيشتك ياشيخه أنا غلطانه إني بعملك قيمه يلا ياختي مع السلامه إنتي وجوزك هقول إيه حله ولقت غطاها جزمه ولقت فردتها ما.........
قاطعها مالك بسرعه قائلاً: خلاص متكمليش ياحماتي انتي بقيتي ماري منضاحكين
الأم بغضب وسخط: نهارك اسود ومهبب أنا مارى منيب ياعبدالفتاح الأصري
جميله بضحك: مش قادره جدعه ياماما ياجامده إديلواااا
ملك بتشجيع هي الأخري: أيوا ياماما عبيلوا وإديلوا إوعي تسكتي
مالك ببرود: أنا ساكت بس عشان بقيتي حماتي غير كدا لاء هيبقالي تصرف تاني
قامت الأم بالإنحناء وأمسكت حذاء قدمها وألقته علي مالك ولكنه تفاداه بمهاره وأخرج لها لسانه وقفز علي الأريكه بمهاره
الأم بصراخ:إنزل ياعجل إنت لسه منضفه يامعفن
مالك بصدمه:أنا عجل أنا يتقالي كدا
جميله بضحك: ونسيت معفن يامعفن
نزل مالك من علي الأريكه وركض وراء جميله قائلاً :وحياه أمك ياجميله ماهسيبك تعالي
ركضت جميله في البيت ومالك ورائها يحاول إمساكها
جميله بصراخ وهي تركض:ياماما إلحقيني
ركضت أمها ورائهم وأمسكت مالك من ياقته
وقالت له بحده:بقا إنت يالا عاوز تضرب بنتي وقدامي كمان
مالك بخوف:في إيه ياحماتي إهدي كدا ليجيلك شوجر
الأم بصدمه:نهارك اسود ومهبب بتدعي عليا داهيه تاخدك
جميله بسرعه:لاء ياماما ونبي ماتدعيش عليه حرام
الأم بصدمه:إنتي خايفه عليه وأمك لاء
خلعت الأم حذائها و تركت مالك وركضت وراء جميله لكي تضربها وبالفعل أمسكتها
جميله بألم:ااااااه خلاص ياماما والله مقصد إلحقني يامالك
ركض مالك بسرعه تجاه منزله وفتح الباب ثم قال بصوت عالي:جميله إجري بسرعه
جميله وهي تجرى:تور هايج في عنبر سبعه
ثم دلفت إلي بيت مالك بسرعه وأغلق مالك الباب
الأم بغضب وحده: والله لوريكوا أنا هربيكوا
ملك بتأني وهي تهدئها:معلش ياماما ما إنتي بردو مسكتيش قويه بردو
الأم بتذمر وحده:نهارك اسود انتي كمان
وركضت وراء ملك في المنزل فركضت ملك إلي غرفتها بسرعه وأغلقت بابها بالمفتاح لكي تفلت منها
الأم بتذمر: ماشي والله لربيكوا ياكلاب
دلفت الام لغرفتها من أجل النوم وظلت تدعي لبناتها بالهدايه والتوفيق فيما هما مقبلين عليه
أما عند مالك وجميله نظروا لبعض وإنفجروا ضاحكين
مالك بهدوء:إنتي جميله اوى ياجميله أنا أسف علي تصرفي معاكي أوعدك إني مش هدايقك ولاهقربلك إلا بمزاجك أنا أسف بس مقدرتش اشوفك بتضحكي مع غيري حسيت إن ضحكتك دي ملكي كلك ملكي ياجميله وتركها مالك وذهب للنوم
نظرت جميله في أثره بصدمه:أحيييه دا سابني إيه دا هو مش هيغتصبني ويبوسني بوسه تقطع الأنفاس أحييييه أومال خطفني ليه ثم أكملت ببكاء:منك لله يامالك بوظت فكره الخطف طب أنا هعمل إيه حالا قالي مش هيقربلي غير بمزاجي فين العنف فين العلقه اللي بقراها في الروايات فييين طب أدخل أرزعه بوسه ولا أعمل إيه منها لله الروايات اللي ضيعتني دي والله أه يانا يابا ياما أنا هدخل أنام وعلي رأي مصطفي شوقي أنا هكتفي بحضن المخده والله في عوني ااااه ياااااني
دلفت جميله إلي غرفتها وجلست قليلاً ثم غفت بهدوء كأن شيئاً لم يكن وكذلك كل الأبطال
والجميع في إنتظار يوم جديد