رواية جميله في قلب وحش (بقلم هاله رجب الهربيطي) الفصل العشرون
انا عارفه انه مش طويل لكن ربنا العالم انا بكتب وانا عامله ازاي ادعولي ربنا يريح قلبي🥺🥺
الفصل العشرون
وما أحبّبتك لأجل شيء ولكن قلبي تعلق بك ♥️
#لاجلها_هي_يخط_قلمى
كانت جميله تجلس بغرفتها: أنا زهقت أنا لحد حالا ساكته
ومبتكلمش معاه وبهزر عشان مبينش وجعي منوا بس هو ولا
معبرني حتي أنا لازم أكلمه لازم ألاقي حل لحياتنا سوا ماهو
أنا مش هفضل كدا ومش هرمي نفسي عليه
مالك دخل الغرفه ووجدها تكلم نفسها: والله البت دي مجنونه
أنا اللي جبتوا لنفسي والله ينتقم منك ياشيخه هتجننيني
ثم قال بصوت عالي: جميله جميله إنتي إتهبلتي بتكلمي نفسك
جميله: لاء متهبلتش بس إحنا لازم نتكلم يامالك حياتنا كدا
مش هتنفع إحنا من يوم ما إتجوزنا وإنت بعيد عني حتى
الكلام مفيش ليه بتعمل فيا كدا ليه يامالك
مالك: أنا مقدر موقفك وعارف إني غلطت في حقك وجرحتك
بس سامحيني ياجميله أنا بجد أسف علي كل حاجه أنا خلاص
قررت إني لازم أبعد عنك جميله إحنا لازم نتطلق
جميله بدموع: نتطلق هي الكلمه سهله عندك أووووي كدا يا
مالك للدرجه دي اللي بيجمعنا ببعض كلمه طب ليه من الأول
إتجوزتني ليه يامالك تعلقني بيك ماترد ثم أكملت بصوت عالي
ليه يامالك ليه علقتني بيك ليه إتجوزتني أصلاً ليه تجرحني ليه
عملتلك إيه عشان توجعني يامالك أنا حبيتك وإنت عارف دا
كويس وعارف إني مقدرش اعيش من غيرك
مالك بدموع: أرجوكي متصعبيش الأمور عليا أكتر من كدا أنا
مش هينفع أكمل معاكي لازم أبعد عنك أنا منفعكيش ياجميله
إنتي تستاهلي واحد غيري تتباهي بيه لما يمشي معاكي مش
مشوه زيي أرجوكي ياجميله إبعدي عني
جميله بصراخ: مش هبعد عنك يامالك فاهم مش هبعد إنت ليا
أنا ملكي أنا إسمك إتحفر جوايا مستحيل حبك يتمحي من
قلبي فاهم يامالك مستحيل إنت إتجوزتني بمزاجك لكن عمرك
ماتسبني بمزاجك لأني مش هسمحلك فاهم مش هسمحلك
وبعدين إنت والله جميل هو جزء منك بس اللي مجروح وأنا
مش فارق معايا أي حاجة غيرك إنت وبس يعنى أنا يامالك لو
كنا متجوزين وعملت حادثه وإتشوهت كنت هتسبني
مالك بسرعه: مستحيل مستحيل ياجميله أنا شايفك بقلبي قبل
عيوني إنتي حبيبتي اللي مقدرش أبعد عنها لكن مينفعش
جميله وهي تمسكه من وجهه: ليه يامالك ليه أنا بحبك والله
العظيم انا بحبك ومش عاوزه غيرك من الدنيا
مالك: هتندمي
جميله وهي تقترب منه: مستحيل
مالك: هتبعدي عني
جميله: مقدرش أعيش من غير روحي
مالك: هت.... قاطعته جميله: هششششش متكملش سيب كل
حاجه لوقتها وإتأكد إني بحبك ومقدرش اعيش من غيرك
وضع مالك يده علي خصرها والأخري علي رأسها ليقربها منه
وقام بتقبيلها فكانت قبله تحكي مابخاطرهم في صمت
وذهبوا في عالمهم الخاص عالم الجمال العالم الذي يري بالقلب
لابالعين فيا عاشق الجسد الجسد فاني وتبقي الروح
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند سيرين بالغرفه كانت ترتدي ملابسها وتستعد للخروج
ودخل والدها: حبيبتي راحه فين حالا
سيرين: بابي حبيبي أنا خارجه شويه أشم هو وأوعدك هرجع
بدرى متخافش أنا إتغيرت خلاص ياحبيبي
عادل: ربنا يسترها معاكي يابنتي ويهديكي يارب
سيرين: يارب ياحبيبي يلا بقا سلام
عادل: سلام
وخرجت سيرين من الغرفه وأيضاً والدها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند جلال وميرفت:
ميرفت: ها فكرت في حاجه
جلال: أكيد متخافيش المره دي هكسره بجد
ميرفت: بس إحنا إتفقنا نخلص منه
جلال: صدقيني هكسره وهيتمني الموت ومش هيطوله هخليه
عايش مزلول ومكسور قدام العالم
ميرفت: إن كان كدا ماشي.. يلا بقا سلام
جلال: سلام... هخلص منك إنتي كمان قريب
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
مازن جالس في غرفته وكان سارح في ملك وظل يفكر بها
ثم أمسك هاتفه ورن عليها وانتظرها لتجيب
ملك: الو
مازن: إزيك ياملك عامله اية
ملك: الحمد لله بخير انت عامل ايه
مازن: بخير الحمدلله يامنقذتي
ملك: ههههههههههه منقذتك
مازن: أكيد مش أنا فوقت عشانك ولا إيه يامنقذتي
ملك بخجل: اه فعلاً بس المهم إنك بخير
مازن: بتعملي إيه
ملك: كنت بذاكر عشان عندي إمتحانات وزهقانه أصلاً
مازن: من إيه زهقانه مالك
ملك: لاء عادي من المذاكره بس
مازن: طب إيه رأيك نخرج سوا نروح أي كافيه وأهو ترتاحي
شويه من الإمتحانات وأنا كمان أخرج دول ٣سنين
ملك: تمام هقوم اقول لماما وألبس
مازن: تمام نص ساعة وأكون قدامك سلام
ملك: سلام
وخرجت ملك من الغرفه ووجدت أم جميله تجلس تشاهد
التلفاز فكان مسلسل هندي
ملك: ماما أنا نازله أتمشي شويه وبصراحه مع مازن
أم جميله: لك إسكتي ماعم تستحي بدك تخرجي هلا ياسافله
ملك: ااااااه شكلك قلبتي فيلم مدبلج بطلي هندي هتجنني
أم جميله: لك إسكتي قليله حيا يلا إنجرى عا أوضتك
ملك: ماليش دعوه هنزل هه بقا
أم جميله: وحياه أمك ودا من امتا
ملك: مالك ياماما إرجعي مدبلج تاني ونبي شويه وهاجي
أم جميله: ماشي ياختي بس متتأخريش
ملك وهي تحضنها: شكرا ياماما شكرا
أم جميله: ياختي أنا بنزلك عشان أتفرج علي مزاج
ملك: ماشي ياماما ماشي
ودخلت ملك غرفتها ولبست ونزلت لقت مازن
مازن: ماشاء الله قمر
ملك كانت ترتدي دريس أسود به ورد وكان رائع عليها
ملك بخجل: ميرسي
ومشي مازن وملك وبعد وقت نزلوا من العربيه ودخلوا كافيه
مازن أشار للجرسون: تشربي إيه
ملك: كابتشينو
مازن:إتنين كابتشينو..... وذهب الجرسون ثم عاد بالكابتشينو
مازن:مع إنك وجميله متربيين سوا لكن مختلفين إنتي هاديه
جدا وجميله ماشاء الله مجنونه وهتموت عالبوس
ملك لنفسها:الحمد لله ميعرفش إني كنت هموت وابوسه
مازن:بتقولي حاجه
ملك ببراءه:لاء بس أنا فعلاً هاديه ثم بصوت منخفض سامحني
يارب إستغفر الله العظيم
مازن:إنتي جميله أووووي مفكرتيش ترتبطي
ملك:لاء
مازن:ليه إنتي جميله ومؤدبه والف واحد يتمناكي
ملك:عادي يعني أصل أنا ليا مواصفات خاصه
مازن باهتمام:زي إيه
ملك:مش مهم الشكل المهم يحس بيا يحبني يحترمني دايماً
ويفضل جمبي يعوضني عن أهلي اللي إتحرمت منهم
مازن:إن شاء الله تلاقيه وقريب أوووووي
ثم ظلوا يتحدثوا سويا وبعد وقت أوصلها للمنزل
مازن:وصلنا حمدلله بالسلامه
ملك:الله يسلمك تصبح علي خير
مازن:وإنتي من أهل الخير
ونزلت ملك من العربيه وصعدت لمنزلها وذهب مازن لمنزله
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
أما سيرين فكانت جالسه علي البحر تبكي
سيرين:يارب أنا عارفه إني غلطت بس إنت بتسامح ونفسي
هما كمان يسامحوني يارب إهديلي أمي وقربها ليا أنا محتاجه
ليها أووووي نفسي تحس بيا زي أي أم يارب فرح قلبي يارب
وعوضني باللي يستحق قلبي وحبي ليه يارب
كان علي جالس وسمع بكاء فتاه فذهب ليراها فوجدها سيرين
علي:والله لأوريكي ياعرسه ثم غير صوته وإستخبي خلف
صخره:إنتي ليه بتعيطي
سيرين بخوف:مين مين اللي بيتكلم
علي:أنا سمك إبن القرموط حارس البحر وإنتي بتبكي ليه
إنتي صدعتيني ولازم أقتلك
سيرين:ل.لاء لاء ونبي ياعمو سمكه سيبني
علي:إسمي سمك إبن القرموط مش سمكه ولو عوزاني أسامحك
أقفي علي رجل واحده وقولي سامحت الفوس الفوس سامحني
سيرين:إيه
علي بحده وصوت غليظ:قولي يلا
سيرين:حاضر وعملت سيرين كما قال لها
وبعد وقت خرج علي وهو يضحك
علي:ههههههههههه ههههههههههه مش قادر عرسه وكمان هبله
سيرين بصدمه:إنت
علي:أه أنا ولسه هوريكي
سيرين:إنت إنسان زباله ووقح وقامت بصفعه
علي:إنت إزاي تعملي كدا أنا هندمكوالله ما هسيبك وهندمك
علي القلم دا وإفتكري كلامي كويس..ثم تركها وذهب
ثم ذهب كل منهم لبيته وكل من أبطالنا يفكر في مستقبله
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺