رواية قلوب ارهقها نبضها بقلم نرمين قدري (الفصل الحادي عشر)
الفصل الحادي عشر
بيجاد/انتي لا يمكن تكوني بني آدمه انتي شيطانه والله شيطانه
وفجاءة ماجد رفع ايده ونزل علي وش بيجاد بدون سابق انذار
وفجاءة اتكهرب الجو وقفت مروة متنحة و بيجاد سهم وكأن انفاس الكون كلها قد وقت عند هذه اللحظة
نزل ماجد ايده وهو في حاله زهول مما حدث وكأنه مغيب تماما وعلامات انتصار علي وجه فاطمة
اشجان /بصوت عالي ماجد انت اتجننت انت ازاي تعمل كده انت اكيد اتجننت جري لمخك حاجة
سمعوا صوت تصفيق جاي من أعلي
محمود /برافو برافو برافو ولا عرفت تربي يا محمود علي اخر الزمن عيالك بياكلوا في بعض
ونزل وعلى وجه علامات لا تفسر ولكن كان شديد الصرامة والحزم
محمود /بشده ماااجد عاوز نفسير قوي للحصل تفسير يقنعني بعملتك دية وانك جاتلك جرأه تمد ايدك علي اخوك
قطعت فاطمة كلامه
فاطمة /انا ححكيلك يابا الحاج كل اللي حصل وحقولك علي قلت.......
محمود قطع كلامها وبزعيق قوي أنا قلت ماجد أنتي اسمك ماجد وقلت مليون مرة محدش يدخل بين الاخوات كلامي مافهوم اتفضلي عند عيالك وسبينا لوحدينا يلا علي فوق بسرعة
انتفضت فاطمة من قوة صوته وجرت علي فوق بسرعة تجنبا لغضبة الشديد لأنها علي علم بيه عندما يغضب
ماجد/انا غلط يا حاج معرفش عملت كده ازاي اعصابي خانتني وكنت عاوز اوقف زنها بأي طريقة عاملة زي نزناز مش بتفضل وخلاص اعصابي تعبت منها وجري علي بيجاد اللي كان واقف مكانه من ساعتها مش بينطق ولا مستوعب اللي حصل
ماجد/حقك عليا يا اخويا راسك أبوسها انا اسف بجد اسف وحيات ربنا أنا ما اعرف عملت كده ازاي محستش بنفسي بجد ما عرفتش اتحكم في اعصابي
بيجاد/خلاص يا ماجد انت مهما كان اخويا كبير وانا مقدرش ازعل منك وحضنوا بعض
محمود / خلصتوا ولا لسة علشان عندي كلمتين ولازم تسمعوهم كويس جدا
وفجاءة قطعوا كلامهم بدخول امجد بمهرجانه
امجد.بصوت عالي /انا جيت يا قوم ابشرو جأت البهجة والفرحة جأت الابتسامة أبشرووو اناجيت
جرت مروة علية تحضنه
مروة /امجد حمدالله على السلامه ايه انبسطوا في شرم حلوة شرم صح.
ندا /جدااا بجد اسبوع من اجمل ايام عمري بجد انبسط قوي
مروة /حتجنن واروحها بجد نفسي
ندا /أن شاء الله يا حببتي
مروة /انتي تستهلي كل خير حببتي الف مبروك
امجد /بت يا مفعوصة كلام اللي قولتيه ليا في تليفون ده ده صح ملك العزوبية حيتجوز
مروة /هو انت مش شايف الكهربه اللي هناك
امجد/شايف وعامل نفسي مش واخد بالي بس ايه اللي مكهرب دنيا قوي كده
مروة /بلاوي حصلت وختمت بالست الحسن والدلال الساحره شريرة اللي فوق هي سبب كهربه دي
تصور قاعدت تشحن في ماجد لحد ما مد ايده علي بيجاد من غير ما يحس
امجد/يالهوي انا غبت اسبوع بس مش سنه كل ده حصل في اسبوع . وماجد اتجنن ازاي يعمل كده اكيد جري لمخه حاجة
وقوليلي مين بقي بتكون ربه الصون والعفاف اللي قدرت توقع ملك العزوبية في شر أعماله اكيد محصلتش
مروة /هنا بقي بيت القصيد مشكله كلها هنا البت ملكة جمال عندك حق
امجد/طايب تمام في ايه بقي كلنا عارفين أن بيجاد مش حا توقعة غير حورية طالعة من البحر. او جنية من تحت الارض
مروة / هي فعلا حورية من الجنه مش من الماية بس الحلو ما بيكملش عارف انت البت بتكون مين
امجد/ما تنطقي بقي يا مفعوصة. انا فايق اقعد احل فوازير .
انتي حتنقطيني بكلام اخلصي بدل ما اعلقك علي حيطة
مروة /اولا ماقدرش تعلقني علشان ابوك علي اخره ثانيا خد التقيله البت بتكون مسك بنت فايز كلاف البهايم وانت عارف قوانين ابوك في جواز. ازاي
اطلق امجد صافرة اعجاب يخربيت عقلك يا بيجاد البت طلقه الصراحة بس حيعمل ايه مع ابوكي ده وقع في شر أعماله كده
مروة / خد الاتقل بقي ابوك اجبر علي جوزاه وفرحهم يوم الخميس الجاي
امجد / بعتحب وكتاب الله المجيد بتتكلمي جد يا مفعوصة ولا بتسرحي بيا زي عادتك
مروة /وغلاوتك جد انت مش شايف دنيا عاملة ازاي
سمعوا صوت من بعيد بيتكلم بحده
محمود /ااايه حتفضلو حاطين راسكم في رأس بعض كده كتير ولا ايه . وانتي يا ريوتر نقلتي كل الاخبار ولا ناسيني حاجة
مروة / رفعت أيدها حصل يا كبير وبالتفصيل ممل كمان
محمود /طايب تعالو هنا والتفت الي ندا .. معلش يا ندا ممكن ترتاحي فوق من سفر اصل انا عاوز اولادي لوحدهم
ندا /ابتسمت ابتسامة رضا وهي معجبه بشخصية العمده علشان احتواءه لأولاده . طبعا يا عمي عنيا الاتنين وطلعت وعلي وشها نفس الابتسامة . عكس فاطمة اللي بتأكل في نفسها وواقفة علي سلم لتحاول تسمع اي حاجة
طلعت ندا لقت فاطمة واقفه علي سلم بتحاول تسمع اي كلمة بصتلها وهزت رأسها بعدم رضا ومشت . وفجاءة رجعت خطوتين بظهرها وميلت علي فاطمة. وغمزت لها بعنيها
ندا / حاتقفي كده للصبح ومش حتسمعي بردو العمده أخدهم علي مكتب .تصبحي علي خير يا بطه
ازداد غضب فاطمة ودخلت اوضتها تبرطم بغضب وقفلت باب الأوضة بغيظ
دخل محمود المكتب ووراه أولاده الأربعة و اشجان وقفل الباب وراهم
وقفهم جنب بعض وبحده
محمود/ المهزله اللي حصلت برا دي لو اتكررت حتشوفوا مني وش عمركم ما شوفتوا . ماجد كام مرة قلتلك تتحكم في اعصابك وانت زي ما انت مصمم علي كده
ماجد/واللهي يا حاج انا مش عارف عملت كده ازاي
محمود / بعصبية انا مش جامعكم هنا علشان اسمع مبرررات انت هنا تقول حاضر وبس انت غلط في حق اخوك غلطة كبيرة ولازم الأعتذار يكون علي قد غلط مش حاتمشي بكلمة اسف . لو كلمة اسف ترجع اللي راح كانت البقاء لله رجعت اللي مات انت عقابك حا تكتب لأخوك نص الأرض الشرقية بتاعتك وده أقل رد اعتبار لأخوك
وده أنظار ليكم كلكم اي حد منكم يزعل التاني العقاب حيكون من جنس العمل
بيحاد /بس انا خلاص يا حاج مسامح ماجد وقبلت اسفة
محمود/عقاب ده ملهوش دعوة يا انك تسامحه لانك حتسامحة غصب عنك علشان ده اخوك لحمك واللي بينكم دم واحد بيجري في عرقكم علشان كده ما ينفعش تزعلوا من بعض مهما كانت المشاكل كبيرة
بس اللي حيعملوا اخوك رد اعتبار ليك
ماجد/وانا موافق باي حاجة تقول عليها يا حاج انا غلط في حق اخويا
محمود /خلاص فضناها سيره اتفضلوا اقعدوا واحكولي ايه اللي حصل في بيت فايز بالتفصيل الممل
وبييت فايز
عواطف /يلا بقي يا بنات خشوا ناموا علشان بكرة ان شاء الله ورانا حاجات كتير تتعمل
عطر /وانا كمان كنت عاوزة اقولكم حاجة قبل ما اخش أنام . محمد قالي أننا بعد فرح مسك علي طول حتنزل اسكندريه علشان شغله حنعمل حفلة صغيرة علي ضيق كده ونتجوز
عواطف/وبعدين بقي احنا حنلاحقها منين ولا منين والعمل دلوقتي ابوكوا حيقدر علي شواركم ازاي انتم الاتنين مع بعض
مسك /ما تقلقيش يا مرات ابويا دهب امي معانا وجه وقته حنزل بكرة انا وعطر حنبيعه ونكمل حاجتنا اللي تفصانا
عواطف /معلش يا بنات انتم عارفين الظروف غير أن لما مسك تتجوز ابن عمده ما فتكرش أن ابوكم حيفضل يشتغل عندهم اظن لازم حيقعد وحلني بقي لما يلاقي شغل تاني
مسك /احنا عارفين كلام ده كويس علشان كده فكرنا في دهب امي الله يرحمها يلا بقي احنا داخلين ننام
دخلت مسك وعطر وعلي وش كل واحده اسءله مش بتخلص
مسك /خلاص يا عطر حتسافري وتسبيني لوحدي
عطر/فين لوحدك بس ما انا سيباكي مع جوزك اللي بيحبك وانتي كمان بتحبية
مسك /بس انا مش عارفه حكمل ازاي وانتي مش جانبي
عطر /مسك ما تصعبهاش عليا ونبي احسن انا ماسكة نفسي بالعافيه وحضنوا بعض كل واوحدو بتبكي
وعند العمده في المكتب
اشجان/هو ده خلاصه الموضوع وده كل الي حصل من ساعة ما نزلنا من هنا
محمود /واتني يا ام ماجد ايه تفسيرك ايه وجهة نظرك بالنسبه البت
اشجان /بص يا حاج انا كنت رايحة ومتحاملة عليها وأنها هي اللي ضحكت علي ابني بس الشهادة لله البت ما تتعيبش جمال وعلام
محمود/يا فرحتي بالجمال و العلام ومافيش اصل ايوه هي من غير اصل ولا فصل
وقف ماجد معلش ياحاج وعملنا ايه احنا باللي ليها اصل
محمود/اوعا تنسي وقفت ابوها معايا في الانتخابات عيله مراتك عيله ليها وزنها مش اي حاجة
ماجد/وانا يا حاج انا مش مرتاح في جوازي مش مرتاح خالص نفعني انا ايه أصلها وعليتها كبيرة دلوقتي
محمود /مااااجد لاده وقته ولا مكانه موضوعك منتهي ربي عيالك واسكت
والبت اللي حتخش وسطنا بنت كلاف البهايم الكل يحظر منها محدش يديها الامان لحد ما نشوف اخرتها
بيحاد /بابا البت دي انا حديها اسمي مسك حاتيجي هنا معزززه مكرمه مش خدامة
محمود/بص يا بيجاد هي حتكون مراتك انت بس انا عمري ما حانسي إنها بنت كلاف البهايم وأنها ورطتك معاها وأنها ملهاش حسب ولا نسب وياريت تنبه عليها لوحابه تشوف أهلها هي اللي ترحولهم هما مايجوش هنا
ببحاد / وبتصميم وتحدي بابا لو تحب اخد مسك ونسكن برا سرايا انا معنديش مشكله
وفجاءة الجو اتكهرب تاني والكل وقف
تابعونا في قلوب ارهقها نبضها ملكة القلم نرمين قدري