رواية قلوب ارهقها نبضها بقلم نرمين قدري (الفصل الخامس عشر)
الفصل الخامس عشر
مسك /بيجاد الحقني بجد انا انا انا وغابت عن الوعي بيجاد بيضرب عينه لاقي نزيف جامد علي سرير
اتفاجيء بيجاد بالي حصل مخة وقف عن التفكير وفجاءة ماسك التليفون اتصل علي امجد
امجد / ايه يا عريس محتاج استعانة بصديق ولا ايه
بيجاد / امجد ابعتلي ندي حالا بسرعة عندي مسك بتروح مني بسرعة يا امجد
اتعدل امجد من مكانه وقام واقف خير يا بيجاد في ايه في ايه ملها مسك
بيجاد /مش وقت شرح ابعتلي ندي
امجد /حاضر حاضر
ايه يا امجد ملها مسك ايه حصل
امجد /معرفش بس روحي بسرعة علي اوضتهم بيحاد عاوزك ضروري وأضح أن مسك تعبانه
قامت ندي بسرعة لبست الروب عليها
جرت ندي بسرعة علي اوضة بيجاد
فتحت باب من غير ما تخبط من خضة
ندي/ في ايه يا بيجاد ايه حصل
بيجاد/ اللحقي يا ندي معرفش ايه حصلها
ندي / يالهوي اده انت عملت ايه هي بقالها اد ايه غائبة عن الوعي كده
بيجاد /من ساعة ما كلمت امجد وهي في دنيا غير دنيا انا مش عارف ايه اللي حصل
ندي/ دي عاوزة دكتور حالا مسك بضيع مننا
بيجاد/ انا معرفش أكلم مين مش عارف يا ندى مخي واقف كلم امجد ينزل يحضر عربية وتعلي لبسها معايا بسرعة لازم ناخدها علي مستشفى حالا
بيجاد ماسك التليفون
بيجاد/الو يا امجد انزل حضر عربية حناخد مسك مستشفى
امجد /هو موضوع كببر كده
بيجاد/ بسرعة يا امجد مسك بضيع مني
دخلت ندي علي امجد
فتحت دولاب بتغير هدومها
امجد /ماشي بيجاد حاضر. وعنية علي ندي قفل مع بيجاد وقام بيغير بسرعة
امجد /في اية يا ندي ملها مسك
ندي /عندها نزيف جامد و غائيبة عن الوعي خالص انزل انت حضر عربية علي منزلها أنا وبيجاد
طلعت ندي علي اوضة بيجاد وساعدته في لبس مسك
بيجاد شال مسك ونزل وراه ندي فتحتله ندي باب عربية اللي ورا دخل بيجاد مسك ودخل بيجاد وعنية مليانه بلدموع
ركبت ندي جمب امجد واسرع امجد اللي مستشفي
فور دخولها
بيجاد /بصوت مرتفع إسعاف عاوز حد هنا بسرعة عاوز دكتور
اتجمع كل دكاترة علي صوته والكل يعرف جيدا
راحح علي صوته دكتور سامح صاحب بيجاد
سامح/ بخضه في ايه يا بيجاد مين دي
بيجاد /اللحقني يا سامح مراتي بضيع مني اللحقوني يا ناس روحي بتروح مني
سامح/ اهدي بس انا عاوز افهم ايه اللي حصل
ندي /دكتور انهارده ليله دخلته وفجاءة هي جالها نزيف جامد وغابت عن وعي زي ما حضرتك شايف
سامح/ وجه كلامة الي ممرضة وهو بيقيس النبض دكتور عليا من قسم نسا بسرعة اتحركوا
والتفت لبيجاد هي فصيلة دمها ايه
بيجاد/ تقريبا o مش عارف
سامع / بعصبية مافيش حاجة اسمها تقريبا
بيجاد / برعشة مش عارف مش عارف
امجد / بيجاد اهدي شوية يا حبيبي انت متوتر قوي
بيجاد انا السبب انا السبب
سامح/ يابني اهدي عادي بيحصل كده نتيجة ضعف او عندها سرعة ترصيب متقلقش خير ان شاء الله
التفتت الي ممرضات عاوزة تحليل فصيلة ده حالا وتحضير اكياس ده من نفس الفصيلة
دخلت دكتور عليا السلام عليكم خير يا سامح
سامح /اهلا عليا تعالي و التفت ليهم معلش ممكن كلكم برا شويه
ندي/ انا حفضل معاها من فضلك
سامح/ تمام استاذن الباقي برا
بيجاد. /بعصبية سامح مش حقدر اطلع مش حقدر
سامح / اطلع بقي خالي دكتورة تعرف تشوف شغلها
امجد/ ماسك ايده يلا يا بيجاد نستني برا خليهم يسعفوها
خرج بيجاد وقلبه حيخرج من مكانه و مبقاش قادر يسيطر على دموعة اكتر من كده
قفل سامح باب الاوضة وأجرت علياء الكشف عليها وتم تعليق ليها اكياس الدم لتعويض ما فقدته
خرجت علياء ليهم برا
جري بيجاد عليها خير يا دكتورة بقت كويسة طمنيني
علياء/ بابتسامة انت جوزها صح
بيجاد / اه طمنيني الله يكرمك فاقت
علياء / اهدي هي فاقت وبقت زي الفل الحمد لله
بيجاد/هو ايه اللي حصل لها أنا مش فاهم حاجه
علياء/ ما تقلقش اللي حصلها ده نتيجة ضعف واضح انها بقالها مده ما اكلتش و مجهود كان كبير عليها علشان كده ما يتحملتش هي بقت تمام تتعذي بس كويس و شهر عسل سعيد ان شاء الله
بيجاد /يعني احنا ممكن نفضي شهر عسل عادي يعني طبيعي
علياء /عادي خالص بس سبها انهاردة ترتاح و بكره و تخليها تشرب لبن كتير علشان تعوض الدم اللي فقدته وصبح أن شاء الله حتكون كويسة
بيجاد /تمام حاضر انا ممكن اخشلها بقي
علياء/ بضحك اتفضل يا عريس براحة عليها
دخل بيجاد لقها نايمة علي سرير و ندي جمبها اول ما شافت بيجاد وشها احمر من كسوف
بيجاد غمز لندي علشان تطلع
ندي / قامت وقفت حمدالله على سلامتك يا مسك حروح انا اشوف امجد واخليه يحضر عربية علشان نروح
طلعت ندي من الاوضة
قرب منها بيجاد ورفع وشها
بيجاد /ممكن اعرف حلو مكسوف ليه في حد بيتكسف من نفسة وانتي نفسي يا حببتي
مسك /بصوت واطي لاء انا مش مكسوفة
بيجاد/لاونبي عيني في عينك كده
مسك بيجاد بس بقي بتكسفني والهي
بيجاد اموت انا في اللي بيتكسف و وشه شبه فراولة ده اموت فيكي يا فرولة قلبي
مسك / احنا حنخرج أمتي عاوزة اروح ارتاح في البيت
بيجاد/حالا امجد بيخلص الإجراءات. الخروج برا يلا بقي علشان اساعدك تقومي يلا حببتي اسندي عليا
وبدون مقدمات خطف منها بوسة فجاءة
لسة مسك بتبصله وحتعترض
بيجاد/ ايه في ايه مراتي وحبيبتي عاوزة حاجة
ضحكت مسك علي طريقتة وأنه بيعاملها زي طفله المدلله
ركبوا السيارة مع امجد كان نهار طلع دخلوا السريا كلهم الكل كان صحي من النوم
لمحتهم فاطمة وهما داخلين
فاطمة / بسخرية هو في ايه فينكم من وش صبح كده و لا عروسة مش عجبها وضعنا ولا ايه
امجد /في ايه يا فاطمة عصبح متقولي ياصبح بقي انتي ما ببتعبيش
فاطمة/ وانا ايه اللي حيتعبني بقي أن شاء الله
اشجان /خير يا أولاد صوتكم عالي ليه
فاطمة/ تعلي ياحاجة شوفي عروسة ليله صبحيتها كانت فين لسة راجعة زمان ناس شافتها واكلت وشنا لما عروسة تخرج وترجع وش صبح طول الليل كانت فين
قرب منها بيجاد بعصبية
بيجاد/انتي عبيطة ولا بتستعبطي ولا انتي ايه حكايتك بلظبط هي مش داخلة مع جوزها وأخو جوزها ولا مش ملين عينك
امجد ماسك بيجاد
امجد/بيجاد اهدي امسك اعصابك بقي شوية ميصحش كده علشان خاطر ماجد بس
بيجاد/ هي عملت اعتبار لجوزها ولا اي حد في البيت
مروة /اده بجد انتم كنتم فين عصبح كده ومسك مال لونها مخطوف قوي كده ايه حصل يا بيجاد
ندي /لا يا مروة مافيش حاجه مسك بس تعبت بليل واخدنها مستشفي وبصت للحاجة اشجان تلاحقها
اشجان/خير ان شاء الله يلا بقي علشان نفطر سلامتك يا بنتي اطلعي ارتاخي وحاجبلك الفطار فوق وبصت لندي أنها عاوزها شاورت ندي برأسها موافقة
مسك/الله يسلمك يا حاجة انا فعلا تعبانه وعاوز انام
مروه /فعلا شكلك تعبان خالص تعالي اطلعك
ندي /بلهفه لاء لاء انا حطلعها خليكي انتي
استغربت مروة من طريقتها
مروة /هو في ايه ياندي مش عاوزاني اطلع مسك ليه
ندي /بتلجلج وإحراج وانا مش حعوزك تطلعي ليه بس انا خايفة تتاخري علي كليه علشان كده
مروه /لاء لسة عندي وقت تعالي يا مسك
و طلعت ندي ومروة مع مسك دخلت مروة تفتح الاوضة و علشان مسك تخش شهقت يالهوي اده هو حصل ايه انا مش فاهمة حاجة
ندي جرت بسرعة لمت فرش السرير
ندي/مروة انتي مش عندك كليه يلا علشان متتاخربش عليها
مروة / افهم بس ايه اللي حصل لكل ده
ندي /بعدين يا مروة انا حافهمك اللي حصل مش وقته
ردت من وراها فاطمة حيكون ايه حصل اكيد اخد عروسة علي مستشفي علشان يتأكد منها
مروة /يعني ايه بردو انتم بتكلموا بالالغاز ليه
ندي/ انتي انهبلتي يا فاطمة كلام ده ميصحش عيب بيجاد لو سمع كلامك ده البيت يولع استهدي بالله كده وبلاها مشاكل بقي عصبح
والتفت لمروة المصدونة من منظر و يلا انتي كمان يا مروة علي كليتك حتتاخري وانتي يا فاطمة انزلي تحت علشان مسك تعبانه وعاوزة ترتاح
فاطمة/ وهي غندورة عينتك بقي محامي بتاعها وانا مش واخده بالي منا مش حنزل غير لما اعرف كنتم في مستشفى بتعملوا ايه
مروة / بزهق اكيد ما كانوش بيحضروا عرض ازياء يلا بينا علي تحت يافاطمة زمان بابا جه وعاوز يفطر
فاطمة/ ماشي حنزل اهو بس حعرف يعني حعرف هو في حاجة بتستخبي
فاطمة وهي نزله لمحت فاطمة ملاية السرير خبطت علي صدرها يا لهوي ايه اللي حصل لكل ده
غمزت ندي لفاطمة علشان مروة
ندي/ في ايه يا فاطمة. عادي بيحصل يعني و انفضلي بقي علي تحت علشان تفطري ناس اللي تحت
شدت مروة ايد فاطمة يلا بقي يا فاطمة يا ساتر عليكي
ندا/ مروة ونبي وانتي تحت شوفي فطار مسك لازم تاكل
مروة عنيا حاضر
نزلت مروة وفاطمة تحت الكل كان قاعد علي سفره و روحية بحضر فطار
مروة روحية سيبيي انا حكمل مكانك روحي حضري فطار لمسك وطالعيه
بيجاد/ حطلها كوباية لبن كبيرة وحليها بالعسل
محمود/ امال فين ندا
امجد./فوق. مع مسك ونزله حالا
التفت محمد لبيحاد
محمود خلاص يا بيجاد قول لمراتك تنزل تفطر معانا شكلها مش حلو تفطر انت في مكان ومراتك في مكان
بيجاد/معلش ياحاج خليها بكره انا حطلع افطر مع مسك اصلها تعبانه شوبة
فاطمة / بسخرية قال شوية قال البت ماتت
ماجد،/ميل عليها لمي بقي دور كفياكي بقي
محمود خير مراتك مالها ايه اللى حصل
اخرج بيجاد منهم وإخوانه قاعدين
تدخلت اشجان بسرعة وماسكت ايد محمود علشان يسكت
اشجان / خبر ايه يا حاج عرسان بقي ومن حقهم يدلعوا اطلع انت لمرتك ونزل ندي وانا بنفسي حخلي روحية تطلعلكم فطار
طلع بيجاد /لقي ندا غيرت هدوم مسك وغيرت فرش السرير. ونايمتها
بيجاد /مش عارف اقولك ايه يا ندي لحد شكرا
ندي /عيب عليك احنا اخوات يا بيجو
خبططت ندي علي ذراع بيجاد
ندي خليك انت معاها وحنزل انا بقي علشان امجد
بيجاد تسلمي يا ندي
خبط الباب ودخلت. روحية
ندي تعالي يا روحية حطي فطار هنا وانزلي انتي
روحية /الف سلامة عليكي يا ست مسك
مسك/ بصوت ضعيف مسك اسمي مسك يا روحية من غير ست انتي صاحبتي اصلا
ابتسمت روحية وحطت فطار ونزلت
نزلت ندي و سأبتهم
بيجاد/ ممكن بقي نبض قلبي يأكل محتاجين غذا علشان نعوض يومين اللي راحوا عليا دول
ضحكت مسك
مسك/ هو انت دماغك شمال كده علطول انا اعمل ايه طايب
بيجاد /غمز لها انا اللي حموت واعمل يا خرابي كلي بقي الاكل ده كله معنديش صبر بقي يلا يابت و انتي حلوة قوي كده يخربيت حلاوتك
خبط الباب ودخلت اشجان
قامت اتعدلت مسك
اشجان / خليكي مرتاحة يا حببتي الف سلامة عليكي ندا حاكتلي اللي حصل سلامتك يا قمر
مسك / الله يخليكي شكرا لزوقك
اشجان /بيجاد خليك وراها لحد ما تخلص فطارها كله. احمدي كده يا عروسة بكرة ستات البلد جاين علشان يباركه
لسة مكملتش كلامها سمعوا صوت زغاريد جاي من تحت
مسك /اوووف دي عواطف مرات ابويا ونبي ياحاجة اللحقي فاطمة احسن تحكلها حاحة مش عاوزة حد يعرف عني حاجة
اشجان ماشي يلا نزله بسرعة بتضرب عنيها شافت ملاية
اشجان الملايه دي بتعمل ايه هنا خدها يبجاد علي أوضه عندي في سبت غسيل ما تخليش حد يشوفها وانا حلحق فاطمة
نزلت اشجان بسرعة لقت فاطمة
فاطمة / بصوت عالي علشان تسمع مسك خير يا عواطف ايه اللي جابك من غير لا احم ولا دستور وكاله هي تيجي وقت ما تحبي
عواطف/ انحرجت انا انا جاية اطمن علي مسك زي عوايدنا ما بتقول
فاطمة /عوايدكم دي هناك في زريبة اللي جاين منها لكن هنا لاء فاهمة هنا كل حاحة بأذن
عواطف نزلت راسها في الأرض بس انا كنت عاوزة أصبح عليها زي كل عرايس لما أهلها بيعملوا معاهم
اشجان ما خلاص بقي يا فاطمة عديها ووطي صوتك ده
فاطمة هو ايه اللي اعديها يا حاجة العالم دي لو موقفتهاش عند حدها حتسوق فيها وياخدوها حلوانه بقي وتبقي بنتهم حجة يدخلوا وبخرجوا من السرايه علي حسها وتبقي ميغا ونفتحها بقي لعائلة كلاف البهايم
عواطف /ليه كل ده يا ام فرح انا كنت بس مش عاوزة احساسها أنها يتيمة وأنها زي اي بنت امها بتيجي تطمن عليها ليله صبحيتها انا غلط في ايه لكل كلام ده
فاطمة / أيوة أيوة اتمسكني اتمسكني يكون في معلومك العمدة لو عرف انك جيتي من غير معاد حيقوم دنيا
وفجاءة سمعت صوت من وراها
مسك/ وانتي لما اهلك جم يباركلك يوم صبحية العمد.ه قوم الدنيا
فاطمة /انا اهلي يشرفرفوا اي مكان يجوا فيه ومش محتاجين إذن
مسك /ليه مش مخلوقين من طين زينا ولا طينتهم غير اللي اتخلقنا منها
فاطمة /انا بنت كبير البلد لكن انتي بنت مين حياله كلاف البهايم اللي بيخدم عندنا
مسك رفعت راسها لفوق وافتخر أن ابويا كلاف الباهيم بس وصلني انا واختي لحد الجامعة انتي بقي يابنت كبير البلد وصلتي لحد فين .
اقولك انا وصلتي لحد فين اخدتي الابتدائيه بالعافية علشان خاطر ابوكي و معرفتيش تاخدي حتي شهادة الإعدادية ده أخرج واحده معاكي ابتدائه شوفي بقي تبقي ايه
كل ده ومروة وندي واقفين يتفرجوا وفرحانبين في فاطمة
اشجان/ خلاص محدش فيكم عامل احترام ليا ولا كاني الكبيرة وسطيكم من امتي يا فاطمة بنعلي صوتنا كده في سرايا ومن أمتي بنهين ضيف يخش بتنا
عواطف/ حقك عليا انا يا حاجة دي غلطتي انا حا مشي ولما مسك تحب تشوفنا تبقي تجلنا بالعواف متاخذنيش
مسك / مرات ابويا استني انا جاية معاكي مليش قاعده هنا
انتظروني في حلقة قادمة من قلوب ارهقها نبضها ملكة القلم نرمين قدري