قصة زوج أختى
انا لى اخت متجوزه بقالها سته شهور واكتر شويه اخر مره جات تزورنا سمعتها بتشتكي لأمي عن حاجه مقلقا ها في البيت عندها ومش عارفه السبب ايه ،انا مأخدتش في بالي وقولت ده كلام بين الام وبنتها ستات مع بعضها يعني واهي بتفضفض لامي وكده ،المهم بعدها بأسبوع واكتر كنت ماشي بالعربيه في شارع قريب من الشارع اللي متجوزه في اختي لان في الاصل جوز اختي كان جارنا واتجوزوا في بيت العيله ،لاقيت راجل جارنا انا اعرفه بيوقفني بالعربيه بليل اوي وقالي خد يا حسام النمره دي كلمني عليها انا عايزك في موضوع مهم ، روحت ولاقيت ابويا قاعد عند دخلت بيتنا فحكيتله اللي حصل قالي خلاص يابني كلمه شوفوا عايز ايه ،قولتله ليه هو لو عايز حاجه كان كلمني وانا اكلمه ليه قمت مطنش الموضوع ،وبعدها بكام يوم لاقيت امي وابويا بيزعقوا مع بعض وامي بتقوله البت مش مرتاحه وابويا بيقولها هي الحامل كده بتبقى مقريفه عرفت انهم بيتعاركوا في موضوع يخص اختي ،فبسأل امي في ايه قالتلي ان اختك حاسه في حاجه غريبه بتحصل عندها في البيت ،حاجه ايه دي قالتله ان حماها لاقيته بيشـتم ابنه ووشه مقلوب فلما نزلت على صوتهم قالولها اصل بيتخانقوا بخصوص فلوس وكده بس اختي مش فاهمه فلوس ايه ده جوزها على قد حاله اصلا والحكايه ماشيه معاه بالعافيه لانه يعتبر عريس جديد عقبال ما جهز نفسه كان شطب على اللي وراه وقدامه ، قولتلها خلاص يا امي متشغليش بالك ده الجواز كده في اوله بيبقى في دربكه ، سبت امي وروحت اشتري حاجه لاقيت الورقه اللي فيها النمره بتاعت جارنا قولت اما اتصل وخلاص، كلمته ولاقيته بيقولي الكلام اللي صعـقـني ......
انه طلق مراته و ان جوز اختى اجوز طليقت جارنا ده بعد ما العدة خلصت ، انا لما سمعت كلامه قعدت مبلم و لما فوقت من الصدمه قعدت اشتم فيه. رجعت البيت و حكيت لابويا كل اللى حصل معايا و الكلام اللى قاله جارنا ، ابويا صعق و قال الكلام ده مستحيل دا لسه متجوز اختك مكملوش سته شهور و اختك حامل و جوز اختك اصلا عليه ديوان الجوازه مستحيل يقدر يتجوز تانى و الحال معاه على الكد يعنى مستحيل يفكر يعمل الجنان ده.
بس الشك دخل فى قلوبنا و ابويا قال خلاص انا هروح له و اسأله هو و اهله و اشوف ايه الحكاية ؟؟ لما ابويا بداء يتكلم فى الموضوع جرى اخوه قفل الباب عشان الصوت ميوصلش لاختى و تعرف احنا بنتكلم فى ايه و اتصدمنا ان كلام جارنا صح و ان جوز اختى اتجوز عليها و اهلوا قعدوا يبراروا انهم بهدلوا و شتموه و هيخلوه يطلقها.
ابويا اتكلم و الصدمه مسيطره عليه قالهم ازاى دى بنتى لسه عروسه جديده يعنى ولا لحقت تنكد عليه ولا تعمل مشاكل معاه .. ليه يعمل كده فيها ؟؟
اتارى البيه جوز اختى قبل جوازه بكام شهر الست دى كانت بتتردد على بيت أمه وهى اللى غوته و وقعته فى حبها و عشان هو جهز لجواز من اختى و معرفش يخلع اضطر انه يكمل جوازته من اختى .. ابويا رجع من عندهم مش عارف يعمل ايه فى النصيبه اللى حصلت دى ؟؟ و رجع من عندهم و حكى لينا كل اللى حصل معاه هناك عندهم. و اهل جوز اختى قعدوا يحلفوا انهم هيخلوه يطلقها بس ميخبرش على اختى دى لسه عروسه و الناس هتقول عليها ايه ؟؟ ده غير ان حاملها صعب و تعبانه منه.
ابويا بقى يضرب كف على كف مش عارف يعمل ايه ؟؟ يفضحهم و يقول لأختى و هى تقرار ايه اللى هتعملوا حياتها ولا يسيبها على عماها معهم و الله و اعلم اهل جوزها هيقدروا يجبروه يطلق الست دى ولا لا ؟؟
انتظروا الحلقة التانية و الاخيرة بكره.