رواية نبضات القلب (بقلم دنيا صابر) الفصل الرابع
نبضات القلب
الفصل الرابع
يوم الفرح او نقول وقت ما هتروح وتين لبيت امير
جيت وعد بتخبط ع اوضه وتين و دخلت
وعد :وتين يلا البسي الفستان بسرعه
وتين :حاضر و دخلت لبست و خرجت :ها اي رايك
وعد :وااااو روعه يلا تجهزي عشان امير باعت كوافيره تضبطك و مستنياكي برا
وعد بتوتر :هاا طيب
و خرجت وعد تنادي الكوافيره من بره و خبطت ف ......
وعد :اااااه
ادهم : معلشي اسف
وعد وهي بتتوجع من الخبطه : مش ملاحظ انك بتخبط فيا كتير
ادهم :انا اللي بخبط فيكي و لا انتي
وعد و هي بتتخصر و تحط ايديها ف وسطها : يا سلام و انا اخبط فيك ليه ان شاء لله انت طبعا اللي مستقصدني
ادهم :وحياه عبد السلام انتي اللي مستقصداني اكمني حليوه و طويل و عضلات و كل البنات بتموت فيا
وعد بضحك :طب بس بس انت واخد ف نفسك مقلب اوي بيموته فيك ع اي يا حسره لا شعر اصفر و عيون خضرا زي مهند و بغمازات زي شاروخان روح روح بس اتفرج ع نفسك ف المرايه قال يموتوا فيك يا شيخ اوعي كدا ابقي البس نضاره
ومشت و هي عماله تضحك
ادهم و هو مصدوم منها و من رده فعلها دي حرجته :اي البت دي انا مش حلو دي عاميه دي
و مشي و هو عمال يسقف بايده البنت شككته ف نفسه
.........................................................
ف بيت امير
ايمان قاعده مع هدي بنت خالت امير
ايمان :خلاص يا هدي اهدي بقا
هدي بعياط :انا مش مصدقه يعني خلاص ضاع مني دا امير دا بتاعي انا ازاي يتجوز انا بحبه بعد كل اللي عملته عشانه و عشان الفت انتباهه يروح يتجوز الجربوعه دي , (بشر )مستحيل الجوازه دي تتم
ايمان بعدم فهم :تقصدي اي
هدي :يعني هموتها قبل ما تاخده مني
ايمان بخبث :وانا معاكي انا كمان مش عايزاه يتجوز البت المعفنه دي انا اصلا مش عارفه هي شايفه نفسها ع اي
فون هدي رن
هدي بتافف :يوووه ودا عايز اي دا
ايمان :مين دا
هدي :دا واحد غتت و لزقه
هدي ردت من غير نفس :الو هااي حبيبي
_مش بتردي عليا ليه
هدي :معلشي يا بيبي كنت مشعوله و معرفتش ارد
_طيب هنتقابل امتي
هدي و هي اصلا متعرفه عليه ك تسليه و معتبراه بنك فلوس تاخد وقت ما هي عايزه :هشوف يا روحي واقولك
_لا يا حياتي مفيش هشوف دي انتي حددي الوقتي عشان بقالك 5 شهور عماله تقولي هشوف
هدي بقله صبر :خلاص اوك نتقابل ف كافي اسمه ......
_تمام يا قلب قلبي مستنيكي ع ناار
**************************************
راحتهدي ع الكافي اللي حددته عشان تقابله بعد ما ضبطت نفسها و اتمكيجت
اختارت طربيزه و قعدت عليها و رنت عليه
هدي :الو
_ايوا يا روحي انتي فين
هدي :انا خلاص وصلت انت فين
_اهااااا خلا شوفتك
وجي من وراهااا و مسك دراعها جامد وحشتيني يا حبيبتي خمس شهور عشان اقابلك بس تصدقي و هو بيبص عليها من فوق لتحت صبرت و نلت
هدي و بدات تخاف من نظراته :ااااي انت ماسك دراعي اوي كدا ليه سيبني
_و هو بيشدها اوي و بيخرج و هي وراءه و عماله تقاوم سحبه ليها :سيبني اسلام سيبني بقولك سيبني انت واخدني ع فين
ركبها العربيه و مشي بيها بسرعه و هو بيقول
اسلام:اي يا حبيبتي انتي مش واثقه فيا ولا اي
هدي و هي بتحاول تستعطفه :اسلام عشان خاطر اغلا حد عندك سيبني امشي نزلني
اسلام و هو بيتصنع الحنيه :من عيوني يا حبيبتي انتي قلقانه ليه دا انا عملك مفجاءه هوريهالك و بعدين اروحك
هدي بخوف :مش عايزه حاجه نزلني وبس
وقف عربيته عند عند بيت مهجور و شدها و نزلها بالعافيه وهي عماله تصرخ و تقاوم و هو قال بتهديد
اسلام :اخرسي بقا
هدي بعياااط :لا لا الله يخليك سيبني امشي
اسلام خبطها ف دمغاها و اغمي عليها
اتصل ع صاحبه
اسلام :بقول لك اي يا عماد تعالي انت و الشله عندي ليكوا مفجاءه هتعجبكوا بس بسرعه متتاخروش
..................................................................
ف فيله امير ايمان قاعده مستني هدي عشان يروحوا الزفه
ايمان :يووووه يا هدي يا تري روحتي فين
*******************************
عند وتين بعد ما الكوافيره ضبطتها
حلا بنت عم امير : الله الله ع عروستنا اي القمر دا انتي هتهبلي امير بحلاوتك دي
وتين بكسوف :مرسي انتي احلا
حلا: تسلمي,حبيبتي يلا عشان الزفه
وتين بتوتر :هاا لا مش لازم
حلا بضحك : دا انتي عايزه امير يتجنن عليا يلا بلا مش لازم
نزلت من السلم و هي متوتر و الستات كلها عماله تبص عليها كل الموجدين مبهوين بجمالها و امير مصدوم و مبام بحلاوتها و اول ما ظهرت راح ناحيتها و باس ايديها
امير :مبرووك عليا انتي
وتين بخجل :الله يبارك فيك
احمد (ابو ادهم):مبروك يا بنتي
وتين و الدموع ف عيونها: الله يبارك فيك
ادهم و هو بيقرب منهم و بيقول :مبروووك يا توتااا مبرووك يا امير مش هوصيك ع اختك تحطها ف عنيك
امير بحب و هو بيبص ع وتين :متقلقش وتين ف قلبي قبل عيوني
و الزفه كملت و اخدها و ركب العربيه عشان يروحوا ع عيش الزوجيه
................................
ببيت هدي من امبارح و هي ف اوضتها مش عايزه تخرج منها و عماله تعيط
صوتها و هي عماله تزعق و تصرخ ع مامتها وصل لتحت ف الصاله مكان ما ابوها قاعد اول ما سمع الصوت طلع ع طول
هدي : ماماااااا بقول لك اطلعي برااه بررررره مش عايزه اتجوز انا مش هتجوزه الا ع جثتي
ابوها اول ما سمع الكلام دا و ان هي عماله تزعق و تتعصب ع امها قال بصوت عالي و عصبيه : انتي ازاي تتجرائي و تعلي صوتكع امك هااااا انا كنت مقرر ناخد رايك لكن بعد اللي عملتيه دا هتتجوزيه و غصب عنك كمان
هدي و هي عماله ترتعش و تعيط عياط هستيري: يا بابا لا الله يخليك مش عايزه اتجوز لا لا
ابوها طنشها و خرج من الاوضه بعد ما رزع الباب
هدي و هي بتترجي مامتها : يا ماما بالله عليكي وحياتي يا ماما اقنعيه انا مش عايزه اتجوز
مامتها و هي صعبان عليها بنتها مش فاهمه اي سبب رافضها لكل عريس يتقدم لها : استهدي بالله يا قلب امك اهدي
دخل عليهم اخوها احمد
احمد : خير مالها دي مالك يا دلوعه اي اللي حصل
هدي : يا ماما مش عايزه اتجوز
احمد : انتي احمدي ربنا ان ف عريس بيتقدملك من اساسه مش عارفه بيعجبهم اي فيكي و انتي مغروره و متكبره كدة
الام : انا ههديها و انت تيجي تولعها
احمد : خلاص يا ست الكل اخرجي انتي و انا هتكلم معاها
......
احمد : ها احكيلي ف اي
هدي : قول لهم اني مش عايزه اتجوز
احمد : ايوا يعني انتي رافضه سيف بالذات و الجواز من اصله
هدي بارتباك و قلق : هااا لا الجواز الجواز من اساسه
احمد : هدي يا حبيبت اخوكي سيف طيب و كويس و راجل من ضهر راجل و يعتمد عليه و اهم حاجه بيحبك و شاريكي و خدي اللي يحبك ومتاخديش اللي تحبيه
هدي بخوووف: احم د, احمد هقول لك حاجه بس انا خايفه تموتني
احمد بابتسامه حنونه : اقتلك مره واحده لا متتقلقيش قولي
هدي بخوف و متوتره و بصت ف الارض : انا ...اناااا
احمد بقلق : ايوووا انتي اي بقا
هدي و رجعت و خافت : انا مش عايزه سيف
احمد بتنهيده : ممكن اعرف السبب
هدي بعياط : واحده صاحبتي عرفتني ع واحد و اتكلمنا و هو هو
احمد بقله صبر : هو اي انطقي
هدي : هو .......و فضلت تعيط و مقدرتش تكمل
احمد و العصبيه عمت عينه مسكها من دراعهاااو قال .......
احمد :اتكلمي انطقي قولي اي اللي حصل
هدي بعياط و شقاتها كل شويه تعلي :احمد انا استحق الموت انا عارفه موتني انا مستحقش اني اعيش ضيع اغلي ما املك استقوي عليا و انتهك شرفي
احمد و هو مصدووووووم من اللي بيسمعه شدها من دراعها جااامد و زعق و عروق ايده بانت :اي اللي انتي بتقوليه دا انتي فاهمه الي بتقوليه دا يعني اي و نزل عليها ضرب من العصبيه و خرج
سيف و هو سامع صريخ هدي نزل جري ع بيت عمه يشوف حبيبت قلبه بتعيط و تصرخ ليه
احمد فتح له الباب سيف بقلق :
سيف :خير يا احمد هدي مالها
احمد ولسه متعصب :ولا حاجه
......................................................
عند بيت العروسين امير و وتين
امير و دخلها الاوضه و قال
امير :ها يلا توتا غيري فستانك ولا اقولك اساعدك احسن
وتين بكسوف :هااا لا لا انا بعرف اغير هدومي لوحدي
امير بنظره خبث و ابتسامه :يا توتا انا نيتي صافيه انا ك الحكايه اساعدك بدل ما مقلا متعرفيش تفكي سوست الفستان او تفكي الطرحه افك معاكي و انا وانتي نساعد بعض
وتين وهي ع وشك العياط و من كتر الكسوف :لا لا شكرا
امير و بجراءه وهو رايح عند الدولاب :طيب حيث كدا اختارلك انا القميص ع ذوقي
وتين و هي بتشده تخرجه من الاوضه :لو سمحت اخرج انت و انا هساعد نفسي
امير ببضحكه : طيب طيب و لو احتاجتي اي مساعده ناديلي بس وانا هجيلك فوريره انا واقف هنا جمب الباب متتكسفيش
وتين و هي جوا و ف نفسها
هو جرئ اوي كدا ليه ياربي خدي نفس يا توتا و اهدي دا ماهما كان برضوا جوزك عادي متتوتريش دخلت غيرت هدوما و لبست و قميص و روبه و اتبرفنت و حطت لمسات خفيفه من الميكب و فتحت الباب امير اول ما شافها انبهر من رقتها و جمالها و قرب منها و بكل رقه طبع بوسه ع خدها و عشان هو طماع طبع بوسه ع شفايفها و وتين خدودها احمرت و امير اول ما شاف وشها ضحك
وتين و هي بتحط ايديها ف وسطها :خير بتضحك ع اي
امير بضحك و هو بيشلها
وتين بكسوف زياده :اميرررر
امير بحب :يا روح امير يا حيات امير و دخل الاوضه و قفل الباب ...............
..................................................................
هستني رايكوا