رواية جميله في قلب وحش (بقلم هاله رجب الهربيطي) الفصل العاشر
الفصل العاشر
كانوا جالسين سوياً في صاله البيت يضحكوا سوياً
جميله بضحك: ماما مالوكا شوفتوا الرقاصه لورديانا
جاامده إيه دا دا ولا صافينار
الأم بحده: يابت إتلمي عيب كدا
ملك بضحك: لاء بصراحه جميله عندها حق جامده
جميله بإبتسامه: ماتشغلوا مهرجان إخواتي كدا ونرقص كدا بدل الهم
الأم بغضب: مهرجان إيه ربنا يهديكم أنا نازله تحت لخالتك أم فاروق
ملك وجميله بخبث: أم فاروق شكله عريس جديد
جميله بهدوء: ريحي دماغك ياماما مش موافقه
الأم بدعاء: ربنا يهديكوا يارب وأفرح بيكوا أنا نازله
خرجت أم جميله من المنزل ونزلت عند جارتها وملك قامت بتشغيل المهرجانات وجميله ترقص بسعاده وضحك ونسوا إغلاق الباب
جميله بصوت عالي: إخواتي إخوااااااااااتي
مصاحبش الفرافير حتي لو راكبين فيراري أصاحب
التقدير حتي لو هلعب أتاري أخوااااااتي
ملك بتلجلج: ج.. جج.. جميله خلاص بطلي رقص بصي
جميله بضحك وصوت عالي: مالك يابت ماتفكي كدا وإرقصي معايا
ملك وهي تشير بعينيها: يابت إهدي وبصي وراكي
جميله بضحك: مالك يابت قلبتي كدا زي بوحه وهو
عندو مرض كلابي
....: إحم إحم
جميله بضحك: لاء وبتقلدي صوت مالك المز كمان
إمتا كدا يحس بيا وأنا أقلبله لورديانا علي صافينار
علي جوهره كوكتيل عسل أنا والله يابخته بيا
مالك بضحك: مكنتش أعرف إني شاغلك أووووي كدا ياجميله
جميله بصدمه وهي تلتفت للصوت: يالهوي إيه دا إنت بتعمل إيه هنا إزاي تبص عليا وأنا برقص كدا عيب إحترم خصوصيه الرقاصه أقصد إحترم خصوصيتي
مالك بضحك عالي:إهدي أنا كنت جايلك عشان أعرفك ميعاد الإجتماع بكرا ورنيت موبايلك مقفول فاجيتلك ولقيت الباب مفتوح أنا مالي بقا
جميله بهدوء:أه صح عاوز إيه بقا أقصد الإجتماع إمتا
مالك بهدوء:بكرا هيكون الإجتماع الساعه 11والساعه 9هنروح
مطعم.........نمضي العقود زي نظام عشوه عمل
جميله بهدوء:تمام ماشي هكون جاهزه فى الميعاد
ملك بإبتسامه:إتفضل الكيك دا جميله اللي عاملاه
أخد مالك قطعه من الكيك وأكلها بهدوء ثم قال بإبتسامه: تسلم إيدك جميل
جميله بسعادة: بجد طب خدوا كلوا ليك
مالك بضحك: لاء لاء مينفعش
جميله بضحك: خدوا بس فيه تاني مش هنقول مفجوع
مالك بإبتسامه: ماشي تصبحوا علي خير
جميله وملك بهدوء: وانت من اهل الخير
وخرج مالك ودلف إلي بيته وظلت جميله وملك يمرحوا سوياً وبعد وقت دلفت الأم إلي المنزل وبعد وقت ليس بقليل ودخل كل منهم غرفته للنوم
مالك وهو ينظر للسقف: يارب مش عارف أعمل إيه عاوز أبعد بس مش قادر أنا حبيتها أووووي بس إزاي أوافق أتجوزها وأنا كدا هي جميله أووووي وأنا مشوه أعمل إيه بس يارب وخايف أعمل العمليه ومتنجحش أنا مش هقدر أعشمها بحبي لازم الأول أتعالج عشان لو فضلت مشوه مستحيل أتجوزها
مستحيل أخليها تضيع عمرها وجمالها عشاني أنا لازم أبعد عنها مش لازم تتعلق بسراب ووهم أيوا هو دا الحل الوحيد يارب حلها من عندك يارب.... وبعد وقت نام مالك وذهب في ثبات عميق
أما في الفيلا كان كل منهم منشغل بنفسه وكان عزيز جالس في غرفته يتوعد لمالك
عزيز بحقد: مستحيل تتهني يامالك مستحيل تعيش مبسوط إنت السبب بضياع مازن لازم تتعذب زي ما إنت معذبني من يوم متولدت وإنت بتاخد مني أعز الناس وأخيراً لقيتلك نقطه ضعف يامالك مش ههنيك أبداً
عند جميله....
جميله بهدوء:يارب يحس بيا يارب قربني ليه يارب
ونام الجميع وكل منهم يخطط لحياته
في صباح يوم جديد علي الجميع
نزل مالك وجميله للشغل ولكن مالك كان متغير مع جميله وبعد وقت وصلوا الشركه
مالك بعمليه وحزم:قدامك نص ساعة تكوني خلصتي الورق دا
جميله بتساؤل:مالك هو في حاجه زعلتك مني
مالك بحده:أستاذ مالك أنا هنا مديرك
جميله بدموع:ح..حح.حاضر حاضر يا أستاذ مالك
خرجت جميله من المكتب وهي حزينه وجلست علي مكتبها ثم بعد وقت إبتدت عملها
مالك بحزن:أنا أسف بس كان لازم دا يحصل إنتي نقطه ضعفي وعاوز أحافظ عليكي ولازم أبعد عنك يارب العمليه تنجح يارب
جلس مالك علي مكتبه يتابع عمله في هدوء وبعد وقت دخلت جميله
جميله بحزن: أستاذ مالك الإجتماع عشر دقايق ويبتدي
مالك بهدوء: تمام يلا بينا
خرج مالك من المكتب ومعه جميله وذهبوا تجاه غرفه الإجتماع وبعد وقت بدء الإجتماع وظل مايقرب من أربع ساعات وبعد وقت إنتهي
جلال بغيظ: مبروك يامالك دايماً متفوق حتي في الجامعه
مالك ببرود: الله يبارك فيك
جلال بخبث: بس السكرتيره بتاعتك ذكيه أوووي بصراحه أهنيك بوجودها معاك
جميله باستفزاز: شكرا يافندم دا من ذوق حضرتك
مالك بغضب: يلا نمشي
جميله بغيظ: تقدر إنت يا أستاذ مالك تتفضل هفضل مع جلال شويه أقصد أستاذ جلال أسفه عشان شلت اللقب دا بعد إذنك طبعاً ياريت نشيل الألقاب
جلال بخبث: ولا يهمك دا أنا أول مره أعرف إن اسمي حلو كدا
جميله بهدوء: ميرسي يا جلال
مالك بحده وغضب: جميله يلاااا
جميله بعناد: قولت لحضرتك مش همشي
جلال بخبث: سيبها هي مش عاوزه تمشي أنا هبقي أوصلها
أمسك مالك يد جميله بقوه وجذبها لكي تذهب معه فأمسك جلال يدها الأخري يحاول منعه من أخذها
ولكن قبل أن يلمس يدها باغته مالك بلكمه في وجهه بقوه وغيظ
مالك بغضب: عشان متلمسش حاجه مش ملكك
ثم وجه كلامه بغضب لجميله: يلاااااااااااا
نظرت له جميله بخوف ولم تستطيع أن تتحدث وذهبت معه دون أن تعترض لكي لا تنال البعض من غضبه هي الأخري
جلال بضحك عالي: أخيراً هعرف أكسر قلبك
ركض مالك بغيظ علي السلم وبعد دقائق وقفوا أمام السياره فدفعها للداخل وأغلق الباب بعنف ثم إستقل بجانبها وقادها بسرعه العربيه وبعد وقت نزل مالك من السياره في مكان منعزل عن السكان وأنزلها من السياره بغضب ظاهر علي ملامحه.