رواية قلوب ارهقها نبضها بقلم نرمين قدري (الفصل العاشر)
البارت العاشر
محمد/ما علينا يلا بينا ننزل تحت زمانهم علي نار ربنا يستر من عواطف وام فرح ميكونوش ماسكوا في بعض لسة مكملش كلامه
سمع صوت زعيق جامد جاي من تحت
بيجاد/هو ده اللي كنت خايف منه يلا بينا بسرعة
نزلوا كلهم يجروا علي تحت
عواطف/ انا بردو مش فاهمة انتي عاوزو ايه ام فرح نعمل ايه علشان يرضيكي
فاطمة / وانتي تكوني ايه علشان ترضيني ولا ما ترضنيش انتم يادوب تشتغلوا عندنا وبس اكتر من كده ماتحلميش ومش معني أننا اتنازلنا واخدنا بنتكم يبقي حتيجوا وترحوا في أي وقت لا يا ماما احنا خدنا خدامة ببلاش بدل ما كنا بندفعالكم علشان تيجوا تخدمونا دلوقتي حندفعلكم ونشتريها تخدم عندنا ببلاش
دخل بيجاد بعصبية
ببحاد /خير يا ام فرح هي مين دي اللي حتشريها علشان تخدم انا حاخد مسك زوجه مش خدامة واظن كفايا لحد كده .
ماجد تعالي علشان حنقعد قاعده رجاله وتقرا الفاتحة
فايز /اتفضلوا معايا برا في مندره نقعد قاعده رجاله
طلع ماجد وبيحاد و محمد وفايز
دخلت مروة و عطر ومسك قاعدو
ميلت مروة علي امها
مروة /خير ايه اللي حصل وصوتكم كان عالي ليه
اشجان /يعني انتي مش عارفه فاطمة واستفززها
مروة / أيوة يعني عملت ايه علشان تخلي عواطف تخرج عن شعورها كده وكلنا عارفين عواطف عمالة تطبل علشان جوازة تمشي باي شكل .
اشجان /كالعاده فضلت تدوس علي حتة النقص اللي عندهم وانهم مش حيدفعواو ابيض ولا اسود وجوازه سهلة وكده يعني وانهم داخلين على طمع
مسك / هو ايه اللي حصل هنا صوتكم كان عالي ليه من فضلكم حد يفهمنا ايه اللي بيحصل
عواطف/خلصنا يا مسك المهم انتم اتفقتوا علي ايه انتي وبيجاد
فاطمة/ باستفزاز حيكونوا اتفقوا علي ايه يعني المسرحية ماشية زي ما متخطط ليها بلظبط
لسة مسك حترد ماسكت عواطف أيدها وغمزت لها تسكت .
اشجان / ما بزياده بقي يا فاطمة محدش جبرك تيجي معانا انتي اللي صممتي تيجي يبقي تقعدي وتحترمي البيت اللي انتي فيه
عواطف بصت لمسك كأنها بتقولها شوفتي ولسة
فاطمة ساكتت ولكنها متغاظه من زعيق حماتها ليها قدمهم وبتستحلف لمسك
دخل محمد الف مبروووك يا جماعه. قرينا فاتحة وكتب كتاب ودخله اخر الاسبوع جاي يوم الخميس أن شاء الله
خبطت عواطف علي صدرها يالهوي هو احنا حنلحق نعمل حاجة لا صعب طبعا احنا مجبناش حاجة خالص
اشجان / ما تشيلش هم يا عواطف كل شورها وحاجتها تعتبر خلاص جات وزمان الاوضة بتاعتهم ببتفرش
وقفت مسك بس انا مش موافقة يا حاجة انا حاجتي حاجبها بنفسي لو سمحتي الحمد لله ابويا قادر يشورني انا واختي
فاطمة/ في نفسها ولكن بصوت مسموع ونبي ايه شوف البت وكهنها حتعملهم علينا صدقناكي يابت
وش مسك احمر من غيظ ومش قادرة ترد عليها
مروة نقظت موقف بسرعة
مروة / وماله يا مسك زياده الخير خيرين انزلي وهاتي كل اللي نفسك فيه انتي عروسة ومن حقك تنزلي تختاري حاجتك بنفسك ولا ايه يا حاجة مش دي الأصول
اشجان /طبعا يا بنتي وربنا يباركلك في ابوكي
دخل بيجاد عليهم ايه ياحاجة مش حنلبس عروستنا شبكتها ولا ايه .
فاطمة / فجاءة وايه لازمتة دلوقتي مش لما تكتب كتابك اضمن
مسك / بخجل صح ام فرح عندها حق بعد كتب كتاب وانا ما طلبتش شابكه اصلا
اشجان /في ايه يا بنتي ده حقك وليه يعني بعد كتب كتاب دي لاصول .
هاتي يا مروة علبه شبكة من شنطة بتاعتي
ايه مافيش زغروطة للعرسان ولا ايه
زغرطت عطر وعواطف
ناولت اشجان علبه لبيحاد
اشجان / لبس عروستك شبكتها يلا
ماسك بيجاد علبة وفتحها وكانت عباره عن طقم الالماظ زي اللي جه لندا مرات امجد
فاطمة شاهقت اول ما فتحت العلبه وبصت لماجد بصه هو فاهم معانها .
ماسك بيجاد الشبكة ولبسها لمسك وهي في حالة خجل شديدة و مبهورة بجمال شبكة
عواطف مبرقة وفاتحة بوقها عنيها حتطلع من مكانها علي شبكة وجمالها .
عطر /بحب بسم الله مشاء الله ربنا يسعد ايامك يا قلب اختك لمحت نظرة كسرة في عيون محمد
جرت علية وماسكت ايده
عطر /محمد انت عندي اغلي من كل الماظات العالم وهمست جمب ودانه بحبك يا بن عمي وأهلي كلهم
حضن محمد أيدها في حب شديدة وكأنه بيث لها مدي حبه واستياقة ليها وامتنانه ليها
انتهت بيجاد من لبس شبكة لمسك
بيحاد /مبروك يا اجمل عروسة مبروك عليا انتي وبسها من راسها
ماجد /قام وقف طايب الف مبروووك ياجماعة ربنا يكمل بخير تستأذن احنا بقي وبص لولدته مش يلا يا حاجة بينا بقي علشان الحاج لوحده ولا ايه
اشجان / يلا يا بني بينا الف مبروووك يا جماعة وبصت لمسك وانا حخلي مروة تجيلك كل يوم تخلصوا اللي فاضلكم علشان الوقت يادوب يا زينة البنات وحصري نفسك مروة تعدي عليكي بكرة وتنزلوا اشتروا فستان فرح اللي يعجبك
مسك /تمام يا حاجة اشجان والله يبارك فيكي
فاير /شرقتوا نورتوا وربنا يتمم بخير
ماشية عايله العمده وفضي البيت
عواطف / مسك تعالي عاوزة اقولك كلمتين قدام ابوكي وابن عمك وتسمعيهم كويس
مسك خير يا مرات ابويا في ايه مينفعش كلام يتأجل لبكره
عواطف لاء مينفعش ولازم كل يكون شاهد علي كلام ده علشان مارجعيش تقولي محدش قالك تعالي اقعدي جامب ابوكي هنا
فايز خير يا عواطف سيبتي ركبي
عواطف خير. في سلامة و سلامة في خير خالي بالك حرباية اللي اسمها فاطمة مش ناوية علي خير وحطاكي في دمغها جامد وغيرة وأكلها من ناحيتك قوي و البني ادم اللي بيغير ده تحرصي منه جدااا خالي بالك منها قوي. نيتها ليكي مش خير وحتفضل وراكي لحد ما تخرب عليكي اوعي فاهمة اوعي تديها فرصة أنها توقع بينك وبين حماتك لأنها حتحاول وبكرة تقولي عواطف كان معاها حق
مسك /انتي حتخوفيني ليه بس انا رايحة عندهم خايفة خلقة
محمد /مرات ابوكي عندها حق يا مسك الست دي الكره والغل واضح جداا عليها احذري منها و اوعي تبيني ليها انك خايفة منها اوعي تحس في يوم انك ضعيفه وخالي بالك حتحاول تقلب كل اللي في سرايا عليكي
عطر/انتي ما اختشيش بالك شهقت ازاي لما شافت شبكتك وبصت لجوزها حته بصة
عواطف انا اخدت بالي طبعا المهم خالي بالك منها وخلاص وابعدي عن أي حوار معاها يجيب مشاكل لأن متزعليش من كلامي حيكون تقيل بس اسمعية مني احسن ما تسمعية من غيري صحيح بنا مشاكل انا وانتي علطول بس انا مهما كان اللي ربتكم ودخلت عليكم وانتم لية ورد مغمض يعني اللي يجي عليكم أكله بسناني اسمعي مني يا مسك كوبس كلام ده وحطية حلقة في ودانك
انتي داخله عليهم غصب عنهم كلهم وحاتحسي انك اقل واحدة وهما دايما حيحاولوا يفكروكي لتصلك اوعي تباني انك ضعيفة قدمهم أو كلامهم ده بيجرحك عارفه أنه حيجرحك بس من جواكب بس لكن برا عزت نفسك هي اللي بتتكلم جبروتك ورأسك مروفعة واكدلهم أن فخر ليكي ان ابوكي كلاف البهايم عندهم وانتي راسك مرفوعة فاهمة يا مسك اوعي ثم اوعي يكسروكي من حته دي اوعي يا مسك كل اللي يجيب سيرة ابوكي قوليلهك انا فخورة بيه أنه وصلني انا واختي لحد جامعة
مسك وعطر في نفس واحد انتي عارفة أننا كلنا في كلية وساكته
عواطف ضحكت مش بقولكم انا اللي مربياكم عارفه طبعا من اول سنة و اديكم في آخر سنة مش معني اني بتخانق معاكم كل شوية يبقي بكرهكم لاء يا بنات انتم زي بناتي انا اللي رابيت وكبرت المهم لازم تصميمي تخشي امتحاناتك شهادتك معاك هي سلاحك اللي حتحربيهم بيه فاهمة يامسك اوعي تضعفي اللي انا اعرف أن فاطمة معاها اعدادية بس ضربه ليها لما تعرف انك في آخر سنة في جامعة وانتي بنت كلاف البهايم وهي بنت الحاسب و النسب مكملتش حتكون ضاره ليها وحتحارب انك ما تكمليش لازم تصميمي علي رايك ولازم تقولي لبيحاد كده بصي حقولك علي حاجة قوليواو بس رج كلام مش اكتر قولي انك عاوزة تاجلي الفرح لحد بعد الامتحانات وشوفي رد فعله
مسك / قامت وقفت وعنيها فيها دموع انا ما كنتش اعرف انك بتحبيني كده يا مرات ابويا صحيح كان نفسي امي تكون معايا بس كلامك ده علم فيا قوي بجد متوقعتش منك يطلع كلام كده
قامت عواطف وقفت وحضنتها يابت ياهبله الام اللي بتربي مش اللي بتخلف انا ربنا حرمني من خلفه بي عوضني ببنتين مطلعين عيني بس اقسم بالله حبتهم زي عيالي
عطر /وكان ايه لزمته بس جر شكل معانا كل يوم والزعيق ده ما كان الطيب احسن يا مرات ابويا
عواطف وانتم مين قالكم بقي اني خبطل يلا اجري يابت منك ليها علي اوضتكم لتخمدو في شغل كتير لسة ورانا وبصت لمحمد وانت يا نحنوح علي بيت ابوك متعكلناش
محمد/اهلا عواطف رجعت سالمة يابنات شكل اللي كان بيتكلم من شوبة العفريت اللي عليها مش هيا
الكل ضحك في جو جميل
وعند العمده
دخلت اشجان و مروة وفاطمة سرايا وعلي وش فاطمة غضب ربنا
وراح بيجاد و ماجد المندرة بتكلموا
فاطمة /هو انا بقي عاوزة اعرف في ايه لما بنت كلاف بهايم يحلها طقم الالماظ وانا فاطمة بنت كبير البلد متتقدرش
مروة /لمي يومك بقي وقولي يامسا البيت مولع خلقة مش ناقصك الله يكرمك عدي اليله كفابا اللي عملتيه هناك كان ناقص تقومي تضربيهم كلهم
فاطمة بزعيق امال اسكت لحد بنت كلاف البهايم تاخد الجمل بما حمل والله ما يحصل علي جثتي
دخل بيجاد و ماجد علي صوت زعيق فاطمة
بيجاد/انا نفسي اعرف انتي عاوزة ايه بلظبط محدش عاجبك خالص ايه اللي حرقك من مسك كده
التفت فاطنة لماجد
فاطمة /ماهو اللي جوزها يقولها يا كوده يلعبوا بيها كرة
انت عجبك اللي اخوك بيعملوا مش ققدر انك انت كبير ولا عاملك اعتبار خالص وطايح فيا كأني مليش راجل بس حتعمل ايه انت اللي سمحت بكده أن اصغر حد يتكلم معايا كده وانت كبير بس متزعلش هوا الكل شيفينك هوا
بيجاد/انتي لا يمكن تكوني بني آدمه انتي شيطانه والله شيطانه
وفجاءة ماجد رفع ايده ونزل علي وش بيجاد
انتظروني في حلقة قادمة من قلوب ارهقها نبضها ملكة القلم نرمين قدري