رواية قلوب ارهقها نبضها بقلم نرمين قدري (الفصل الرابع)
الفصل الرابع
نزلت مسك ووقفت جمب مروة و عطر قرب منهم بيجاد و من غير حد ما يلاحظ سحب ايد مسك لورا وشدها واخدها برا البيت في جنية ولكن كانت في عيون مراقباهم
اتفجاءت مسك من حركة بيجاد و معرفتش تتكلم ولكنها فجاءة شدت أيدها منه بعنف
مسك / انت ازاي تسمح لنفسك تمسك ايدي كده و تشدني معاك هو في ايه افهم بجد عيب اللي عملته ده يا استاذ بيجاد افرد كان حد شافنا انا كنت حعمل ايه قدامهم
بيحاد/اهدي بس ووطي صوتك انا بعيد اهو انا بس كنت عاوز اتكلم معاكي ومش لاقي فرصة بصراحة عملت اول فكرة خطرت في بالي و مفكرتش ايه ممكن يحصل بعد كده كل اللي مسيطر عليا هو أن ازاي اكلمك
مسك/انت مجنون صح ما هي ماتجيش غير كده مجنون محدش بيعمل كده غير مجانين ولا انت ايه رايك
بيجاد/الله ينور عليك انا مجنون ومجنون رسمي كمان اتجننت من ساعة ما شوفتك قلبتي كياني كله معرفش انتي عملتي فيا ايه جننتيني بسحر عنيكي مسك أنا بصراحة عاوز اعترفلك بحاجة مهمة لازم تعرفيها
ولسة حيتكلم فجاءة دخلت عليهم عطر
عطر /ااية مش كفايه كد ولا ايه انتم اكيد حصل لمخكم حاجة افرضوا حد شافكن غيري ولا ايه يا استاذة مسك
مسك /يالهوي يالهوي عطر انا حفهمك بس اصبري عليا و حقوالك اللي حصل
عطر /لا تفاهميني ولا افهمك انا شوفت كل حاجة وعيني عليكي من ساعة ما نزلنا من فوق ثم التفتت لبيحاد بس اللي حضرتك عملته ده ميصحش افرد حد غيري اخد باله. ايه حيكون موقف مسك دلوقتي قدام اهلك
يا استاذ بيجاد احنا ناس غلابة و مش حمل كلام ناس و ناس لما بتصدق اي موضوع و يتكلموا فيه وساعتها مش حيقولو انك انت اللي عايزها حيقولو انها هي اللي بتلفت نظرك وانك ابن العمد
وبنت كلاف البهايم بتلف عليك بزمتك مش ده اللي حيتقال
وفجاءة سمعوا صوت من وراهم بيقول صح كلامك يا عطر كل اللي انتي قلتي عليه صح بس صدقيني بيجاد مش كده بيجاد فعلا معجب بمسك واول مرة يعجب بحد بجد
قطعتها عطر انا عارفة يا مروة أنه مش كده بس ناس ليها ظاهرد
أثناء ما هما بيتكلموا مع بعض
بيجاد سحب مسك من وسطهم براحة من غير ما يحسوا و مسك ماشت معاه كالمغيبة وقلبها يكادو يقف من كثره الخفقان
مسك بصوت يكاد مسموع /انت واخدني علي فين عطر حتقلب دنيا علي
حط بيجاد ايده علي بقها يسكتها
بيجاد/بس ممكن تسكتي وانتي معايا عاوزك تنسي دنيا كلها تنسي ناس تنسي حتي اسمك مش عاوز منك غير تفتكري حاجة واحدة بس انا وبس عاوزك تحسيني وبس انا لقيت دنيتي اللي كانت ضايعه مني عمري كله لقيته معاكي مسك أنا كنت زي تايه غرقان اللي مش عارف يرسي علي مرسي وانتي رستيني انا بحبك
وقعت كلمة علي مسك زي قضي و اخدتها في عالم تاني خالص وكأنها ليها مفعول السحر بداء قلبها في سرعة خفقان ووشها احمر بشده و ارتفع صوت نفسها
بيجاد /مسك مالك في ايه انتي اتحولتي كده ليه كل ده علشان قلتلك بحبك امال لو قلتلك انا كمان تخطيت مرحلة الحب حتعملي ايه ومساكها من ذراعها يلفها نحو
بيجاد /مسك اقسم بالله العظيم انا ما عارف انتي عملتي فيا ايه بس كل اللي اقدر اقولهولك انك ملكتي حياتي كلها روحي بقت في ايدك بجد روحي في ايدك
مسك مرتبكة و وشها شديد الحمره مش عارفه تتكلم
بيجاد /ممكن اسمع صوتك اتكلمي قولي اي حاجة ايه لازمة كسوف ده كله مسك أنا حبيتك قوي وحاسس انك انتي كمان بتبدليني نفس الشعور ولا ايه
مسك / بخجل شديد بيجاد بس انت شايف أن ده صح محدش حيعترف للحب ده معركتنا تكاد تكون خسرانه
بيجاد /اسمعها منك بس وانا مستعد احارب دنيا كلها لاخر نفس فيا بس قوليها قولي كلمة اللي حتخليني احارب علشانها ولازم تصمدي لان حرب صعبة
مسك /قطعته حربه صعبه بس تستاهل المجازفه
اتفاجيء بيجاد من كلامها
بيجاد / يعني افهم من كده انك انتي كمان صح
ابتسمت مسك في خجل شديد وبصت في الأرض من كسوف
بيجاد /ياوعدي يادين النبي شكلها حتخلو معاك ياببحو يا جااااااااامد وشلها ولف بيها
مسك /بيجاد بس نزلتي انت بتعمل ايه بس نزلني حد يشوفنا
بيجاد/ياقلب بيجاد وعمر بيجاد هو انا اسمي حلو قوي كده وانا معرفش يخرابي ياولاد علي جمال بيجاد من شفايف دي
مسك / بس بقي واللهي بتكسفني بس ونبي
بيجاد / بسيت اهون ياقلب وعقل بيجاد نفسى اقعد اسمع منك كل حاجة عنك عاوزة اعرفك قوي
مسك /ماشي بس مش نهارده انا زمان عطر قالبه عليا دنيا يلا بقي نروح عندها ونبي
بيجاد /يلا يا مسكي ويا احلي حاجة حصلتلي
بصتله مسك باستغراب علي كلمة
بيجاد ايه بتبصي بعنيكي اللي مدوخاني ليه كده أيوة أنتي مسكي انتي مسك من جنه بتاعتي و ملكي وحياتي وانا من انهاردة مش حتنازل عنك مهما يحصل وحنجح قد حرب اللي حخشها ووعد مني لاخليكي ملكه متوجه فوق عرش قلبي يا حته منه
مسك /بلاش كلام اللي يدوخ ده ويلا بقي علشان عطر
بيجاد/مش حتمشي غير لما اسمعها منك مليش دعوة أن شله نقعد للصبح
مسك /هي ايه بس يلا ونبي علشان عطر
بيجاد /كلمة اللي غيرت حياتي كلها كلمة اللي حترد الروح لقلبي قوليها بقي
مسك /بيجاد بس بقي ويلا. وششها احمر بشده
قاعد بيجاد علي الارض وادي قاعده خلينا قاعدين للصبح انا عن نفسي مواريش حاجة
مسك /بطل غلاسة بقي ويلا نمشي اتاخرت واللهي
هز بيجاد راسه بالرفض تؤتؤ مش متحرك غير لما اسمع كلمة اللي بتحيني
مسك/ بيجاد بس بقي سماح ونبي خلاص
بيجاد ابدا مش حتنازل واسمعها
مسك / فجاءة بحبك
قام بيجاد واقف بسرعة ايه انتي قلتيها صح انا سمعتها صح انتي قلتيها يا مسك قلتيها يا حببتي قلتي بحبك
انا اللي بحبك وبعشقك و بقيتي حته من قلبي يا نور عيني من جوا يا عشق قلبي وجداني
مسك مش عارفة ترد عنيها بقت تنزل دموع لوحدها من كتر الاحساس اللي هي حساه مش مصدقة نفسها
بيجاد لمع دموعها
بيجاد / اوعي عنيكي تنزل دموع حتي لو كانت دموع فرحة فاهمة اوعي يا مسك دموعك بتدبحني ووعد مني يا حببتي لحارب لاخر نفس فيا بحبك يا مجنناني
مسك /يلا بقي علشان عطر زمنها اكلت مروة
بيجاد/ يلا ياقلب وعقل وروح بيجاد ومسك أيدها وحضنها وكأنه عاوز يثبت لها انها ملكه لوحده هو وبس
دخل بيجاد ومسك علي مروة وعطر
لمحتهم عطر وهما ماسكين ادين بعض جرت بسرعة سحب مسك من اديها
عطر/ مسك بزمتك ده ينفع في كده كل ده تاخير يلا علشان حنمشي حالا يلا بينا
بيجاد طايب اقعدو شوية بس الفرح لسة شغال
عطر /معلش يلا بقي يا مسك وخرجت مسك وعطر من سرايا بسرعة
بيجاد فضل عنيه عليهم لحد ما خرجوا
مروة / ااايه يا اخينا خلاص مشوا و غمزت بعنيها ايه كلام علي ايه ايه سر ضحكة علي وشك دي والبت راجعة وشها احمر و ميتفسرش خير يا دنچوان عصرك
بيجاد / بحبها بحبها بحبهااااااااااااا يناااااس وبيلف فجاءة انخبط في ماجد اخوة
ماجد/ماسكة من هدومة كأنه حيعلقوا هي مين دي ياواد اللي بتحبها انطق مين وبنت مين اخلص
بيجاد / ها لا ولا حد أنا بس كنت بمثل لمروة لما احب حعمل ايه ولا ايه يا مفعوصة انطقي
مروة من كتر الضحك مش قادرة تتكلم
بيجاد / انطقي يلي تنشكي روحي حتطلع في ايده اخلصي
مروة / بضحك اه فعلا بس حماس اخده شويه واتقمص الدور
ماجد / والله شكلكم انتم الاتنين وراكم مصيبة ودقني ايه أن ما كان وراكم حاجة كبيرة ما انتم ما بتتفقوش غير في مصايب و يا خبر دلوقتي بفلوس بكره ببلاش حتشوف بس يارب يستر متكتش مصيبة كبيرة
بيجاد / بصوت واطي زلزال مش كبيرة دي حتعمل زلزال
ماجد / شوفت انا قلت الله المستعان في ايه بقي انطقوا بتخططتوا لايه منك ليها استرها يارب في ايه يا بيجاد ناوي علي ايه
دخلت عليهم فاطمة وهما بيتكلموا سكتوا
فاطمة /انتم قاعدين هنا وسايبني القرف لوحدي اه طبعا منا خدامة اللي جبتوها ليكم وانتم هنا عاملين تضحكوا وصوت ضحكككم مسمع لآخر السرايا
مروه/ يا ساتر عليكي الله اكبر قل اعوذ برب الفلق ياشيخة اايه مبتعرفيش تشوفي حد مبسوط يا ساتر عليكي انا دخله فرح
وبصت لاخوها ربنا يصبرك علي ما بلاك
بيجاد /مرمر استني جاي معاكي والتفت لأخوه وبصوت واطي زلزال مش قلتلك واهي توابع جت سلام يا كبير ربنا معاك وجري علي جوا يحصل مروة
فاطمة/ خير بقي كنتم بتكلموا في ايه ومخليكم مبسوطين كده بقي وتعالي هنا فين طقم الالماظ اللي قلتلك عليه
التفت ليها ماجد وبصوت واطي زلزال زلزال
فاطمة /ايه انت بتقول ايه مش سامعه
ماجد/ بقول زلزال انتي زلزل يعني كارثة طبيعية مش زلزال من كوارث طبيعية انتي كده سلام يا بطوط وعطها بوسة علي هوا و سابها ومشي
وعند مسك دخلت مسك وعطر البيت براحة علشان محدش يصحب من النوم وقت عطر مسك علي الاوضة بتاعتهم
عطر / احكي كل حاحة بالتفصيل الممل علشان ورحمة امي ما حرحمك ايه اللي حصل
مسك /بيهيام بحبه بحبه بحبه يا ناس و مغرمة بيه قوي قوي
افتح الباب فجاءة ودخلت عواطف هو مين اللي بتحبية يا بت تهاني يا محترمة فين ابوكي يغسل عاره