رواية قلوب ارهقها نبضها بقلم نرمين قدري (الفصل الثالث)
الفصل الثالث
دخل ابوهم علي صوات عواطف كل ده وعطر لسة في حالة من زهول من اللي عملته مسك
فايز/ اده اده في اية بت يا مسك اتجننتي يالهوي يا ولاد بت ياعطر اجري خلصي بنهم انتي متنحة كده ليه يا بت
عطر وكأنها فايقة من غيبوبة جرت علي مسك ترفعها من علي فاطمة
عطر / خلاص بقي يا مسك استهدي بالله خلاص بقي علشان خاطري بقي يا مسك خلاص ورحمة امك يا مسك كفايا كده
مسك /لا مش خلاص يا عطر انا نبهتها الف مرة بلاش تجيب سيره امي وكأنها متعمد تجيب سيرتها كله الا امي امي خط احمر يا عواطف ورجعت تشد شعرها تاني
و عواطف مستمره في صوات
فايزة / بزعيق ماخلاص بقي خلاصنا يا مسك احترمي اني واقف بقي عيب كده ومهما كان دي في مقام المرحومة امك
مسك/ بغضب محدش في مقام امي.يا بابا و هي عمرها ما كانت أم لينا
غير كده انا نبهت عليها كام مرة متجبش سيرة امي وهي مصممة بردو تجيب سيرتها كأنها بتقولنا اخبطوا رأسكم في الحيط
فايز /خلاص بقي يابت قومي من عليها حتموت في ايدك
قامت مسك من علي عواطف وفي أيدها باقية من شعرها
قامت عواطف وهي بنظر لمسك نظرات كره و استحلاف أنها مش حتسبها و حتردهلها
عواطف /انت عجبك اللي بنتك عملته ده جزاتي أن استحملت قرفك انت وبناتك وفي الاخر حتة بت ملهاش اي لازمة قليقلة حيا تعمل فيا كده الله في سماه لو مجبتلي حقي منها لكون سيبالك البيت و ماشية وانت عارف لما اطلع في جناني
فايز/ استهدي بالله بقي يا عواطف انتي كمان كام مرة نبهت عليكي بلاش تجيبي سيرة أمهم وانتي مافيش فايده فيكي مصممه بردو تجيبي سيرة تهاني الست ماتت و ارتاحت ليه بقا نجيب سيرة الأموات
عواطف / بقولك ايه يا فايز انا عفاريت دنيا بتتنطط قدامي اتقي شري الساعة دي وهات حقي من مقصوفه رقبه اللي جوا عاوزة حقي منها احسن انا لو قمتلها مش حخلي فيها حته سليمه وتجبها تحت رجلي تعتذر ليا
وفجاءة الباب خبط وكأنه طوق نجاه لمسك
جرت عطر تفتح الباب
عطر/مش معقول مروة عندنا لا ده حدث تاريخي بقي
مروة /ازيك يا عطر عاملة ايه وخطيبك أخباره ايه
عطر /الحمد لله في نعمة
مروة/ ناويتوا تتجوزا أمتي مش قريب إن شاء الله ولا ايه
عطر / بابتسامة خجل لا قريب خالص لو ربنا اراد كمان شهرين أن شاء الله
عواطف / من بعيد انتم حتفضلوا تتكلموا على الباب كده اتفضلي يا بنتي خشي جراية يا عطر ناسيتي الأصول ولا ايه
عطر /الكلام خدنا اتفضلي يا مروة خشي معلش كنتي وحشاني ونسيت اقولك اتفضلي
مروة /ولا يهمك انتي كمان كنتي وحشاني قوي الا هي فين مسك
عطر /جوا حندهالك حالا اقعدي انتي بس ارتاحي
مروة /واللهي يا عطر انا ورايا حاجات كتير جدا و مشغولة جدااا بس جيت اعزمك انتي ومسك علي فرح اخويا امجد
طلعت مسك ووشها احمر من كتر عصبية
لاحظت مروة شكل مسك وعلامات الغضب علي وشها
مسك/نورتينا يا مروة بس ايه خلاكي تسيبي الفرح في وقت ده البيت عندكم مليان ناس
فلاش بااااك
مروة/خلاص ارتاحتي يا فاطمة طفشتي البت ارتاحي بقي اهو شغل كله بقي فوق راسك انا كمان سيبالك مطبخ وطالعة ومشت وهي بتكلم نفسها الله يكون في عونك يا ماجد يا سااااتر عدوت نفسها اقسم بالله بني ادمة مريض ياربي عليها والله ما تتعاشر انا ما شوفتش كده
خبطت في بيجاد وهي ماشية
بيجاد / ااااايه يا مفعوصة مش تفتحي و ماشيه تكلمي نفسك ليه اتجننتي خلاص الف مبروووك
مروة/ انا بردو اللي افتح وانت كل شوية تخبط في حد مش بتحرم كفايا عصير اللي قلبته مسك عليك ايه مش مكافيك
بيجاد/ااااه ماتفكرنيش بالقمر ونبي اتصدقي بالله وحشتني اااه لو البومة مكنتش زعلتها كان زماني بملي عيني منها اخراااابي يا مرمر
وافقت مروة بتعالي وغرور وراسها لفوق
مروة /واللي يجبهالك تحضر الفرح
ماسكها بيجاد من ايدها ولفها ليه
بيجاد / وحيات امك بتكلمي جد تقدري تجيبها صح تحضر الفرح انطقي حتقدري
مروة/ بضحك امممممم ده الأمور ملك العزوبية وقع ولا حد سمي عليه بقي امال فين السنجله چنتلة و العزوبيه رمز المرجله ولا هي كانت شعارات في هوا وخلاص يا عمونا
بيجاد /تصدقي بالله يا مروة لو اقولك انا نفسي مستغرب قوي معرفش ايه اللي حصلي اول مرة يحصلي حاجة زي كده حالي كلي متلغبط مش عارف اتلم علي نفسي من ساعتها اول مرة قلبي يدق لحد وابقي مشتاق ليه وانا لسه معاه
مروة /بس انت معركتك صعبة جدا يا بيجاد تكاد تكون مستحيلة انت عارف ابوك وتمسكه بالاعراف علي قد ما هو طيب وحنين لكن في حاجات عنده خط احمر ومنهم مساله الجواز لازم عروسة تكون من بيت عيله كبير ويكون عندها مال علشان ما تطمعش وتفرق الإخوات عن بعض
قطعها بيجاد و بعصبية بس ده فكر عقيم بابا تفكيره غلط واكبر دليل عندك فاطمة مرات ماجد من أكبر عيله في البلد وعندهم اراضي و أملاك ولكن هي عينيها مش مليانه و حاقده علي ناس كلها و بتكره حتي نفسها
مروة / بس ده فكر ابوك ومحدش يقدر يقنعة بعكس كده ولا يمكن حيغيره خد بالك انت لو حبتها بجد لازم تحارب علشنها وتبقي واثق من من الانتصار كمان لكن لو مش حتبقي واثق من الانتصار او انك مش حتقدر تحارب علشانها بلاش يا بيجو تعلقها بيك البت غلبانه ومش ناقصة غلب كفايا عليها انها اتحرمت من امها و كفايا قرف عواطف عليها بلاش انت كمان تكون وسيلة ضغط تانية عليها او تكون سبب في كسرة نفس جديدة. ليها ياتكون قد معركتك يابلاش كسر القلوب ملهوش صوت يا بيجاد لكن بيكسر نفس العمر كله ربنا ما يجعلنا من كاسرين القلوب يا حبيبي
بيجاد عنية دمعت من كلام أخته وكان كلام مس قلبه من جوا واتحفرت جواه كلمة كسر القلوب ملهوش صوت وحس أن معركته مش سهله خالص وخايف فعلا مايكنش قدها ويظلم قلب اتعلق بيه لكن لا بايد حيله لقد نفذ وقت ووقع في حبها بجد وقلبه اتحرك ليها
فاق بيجاد لنفسة ومسح دموعه بسرعة قبل متلاحظ مروة
بيجاد /ها بقي قلتي ايه حتعرفي يا مفعوصة تجبيها الفرح ولا اايه وإلا شكلك بوق علي فاضي يا مفعوصة هانم انتي
مروة / بغرور عيبب عليك يا كبير بس مافيش حاجه ببلاش
بيجاد /ايووووووووه بقي انا قلت كده استحالة تعملي حاجه لوجه الله اخلصي عاوزة ايه
مروة /هو طلب صغنوط خالص اد كدهون مش حيكلفك كتير يا بيجو
بيجاد / اه فيها بيجو استر اخلصي بقي عاوزة ايه يا مفعوصة
مروة /بضحك كانت عجباني حتة اسورة واحنا بنشتري شبكه ندا كانت حتطلع من عيني صراحة عاوزها بس شوفت أنا طيبة ازاي و قالتها وجرت من قدامة
طلع بيجاد يجري وراها
بيجاد / انتي عارفة لو ماسكتك حعمل فيكي ايه يا مفعوصة
مروة باصة عليه وبتطلع لسنها ليه ولا تقدر تعمل حاجة اصلا
خبطت مروة في فاطمة وهي بتجري وتضحك
فاطمة /في ااايه بصي قدامك ياختي وايه اللي مفرحك قوي كده و الضحكة من الودن دي للودن دي يا ختي
مروة/يا ساتر يارب عليكي انتي يابنتي عدوه نفسك متهيقلي احنا في فرح اووووف هو في كده وش غم
قرب منها بيجاد وحط ايده علي كتف مروة
بيجاد /بقولك ايه يا مرات اخويا ما تفكري كده تضحكي وتفردي وشك عاوزين نشوفه حيشقق ولا حيفضل زي ماهو مكرمش كده من ساعة ما جت عندما و هي وشها كده مش بيتفرد
ضحك بيجاد ومروة في نفس واحد
فاطمة/اتصدقوا انا اللي غلطانه أن بتكلم مع شوية عيال زيكم هيفين
مروة/ بقولكم سلام عندي مشوار لازم اعمله قبل كوافيره ما تيجي و غمزت لبيحاد يعنيها ورمت له بوسه علي الهوا
ابتسم بيجاد وفاهم أخته رايحة فين
فاطمة/و علي فين العزم بقي و انهاردة كلنا شغل فوق راسنا حتهربي علي فين ياختي و تسبيني معكوكه لوحدي
مروة بنفاذ صبر/مش حهرب أنا حروح للبت اللي كسرتي بخاطرها أراضيها و اعزمها علي فرح عرفتي خلاص و سعي بقا كده خاليني امشي
فاطمة /لا واللهي وشوفوا ازاي يا ولاد خلصنا كل اللي ورانا و مبقاش غير أننا نروح نراضي خدامين في بيوتهم كمان
مروة/اتصدقي بالله يا مرات اخويا انتي خسارة كلام معاكي من اصله بجد ربنا يعينك على نفسك و سابتها ومشت
باااااااااااك
مروة /انا مهانش عليا زعلك يا مسك محدش فينا بياخد علي كلام فاطمة كلنا عارفينها كويس وعارفين أنها بتكره حتي نفسها ويلا بقي انا جتلك لحد عندك حتمشيني من عندك مكسورة خاطر
مسك/مجيتك علي راسي من فوق لا طبعا استحالة ارجعك كده انتي غاليه وجيتك عندي اغلي انا وعطر حنكون عندكم بليل أن شاء الله
مروة /لاء انا عاوزاكم معايا من دلوقتي كوافيرة جاية واحنا بصراحة لما تصدق و البت ندا حتلبس عندنا واظن انتي عارفه ندا كويس وعارفة قد ايه روحها حلوة وانتي وهي صحاب كمان من زمان يمكن اكتر معي انا و لا ايه يا مسك حاتكسفيني وانا جاية لحد بيتك
مسك/ بصراحة مش عارفه اقولك ايه الراي راي أبويا هو اللي في ايده القرار
فايز /وانا استحالة اكسر كلمة لست البنات دي مجيتها عندنا فوق راسي والله يوم عيد يو ما دخلت علينا
مروة / تسلم يا عم فايز و التفت للبنات خلاص يلا بقي يا بنات اجهزوا علشان اتاخرنا قوي وزمان كوافيرة علي وصول
إخدت مسك و عطر فساتنهم ومشوا مع مروة
عواطف/ يعني انت يا فايز بتكافء بنتك علي عملتها فيا صح ولا اسمي ايه ده اللي حصل معلش
فايز /بصي يا عواطف مسك صحيح غلطت بس انتي اللي استفزتيها انتي عارفه أن سيرته امها بضايقها وانتي مقصرتيش كل يوم تغلطي فيها وكانك متعمده كده ولا انا غلطان يا عواطف بصلتلوا عواطف و سابته و ماشت
وفي السريا دخلت مروة بصحبة عطر ومسك
في البلكونة فوق كان بيجاد واقف مستنيهم علي احر من جمر و اول ما لمحها ازداد خفقان قلبه هنا اتاكد أنه بيحبها بجد ومستعد يحارب علشنها
طلعت مروة وبنات علي فوق علطول تحاشي أن فاطمة تشوفهم وتزعلهم وفي نفس لحظة فتح بيجاد باب الاوضة بتاعته و خرج
التفت عيونهم لتاني مره و كأن عيونهم بترسل إشارات لكل واحد منهم بتعبر عن الاشتياق
استوووووب
أنها لغة العيون يا ساده اصدق لغة في كلام العاشقين أنها تعبر عن ما بداخل القلب ولا يمكن البوح بيها
قطعة مروة حرب نظرات خوف من افتضاح امر اخوها
مروة / أيه ياعم بيجو معندكش شغل تحت انزل شوف عريس لبس ولا لسة علشان كوافيرة جاية وممنوع طلوع رجاله هنا اظن كلامي ما فهوم ولا ايه
نظر ليها بيجاد نظرة توعد ،،غمزتله بعينها وضحكت
بيجاد / ا بغيظ وهو يضغط علي أسنانه ه اه لا نازل اهو خلاص ونزل جري علي سلم
دخلت مسك وعطر الأوضه وكانت ندي وصلت
ندي اول ما شافتهم مش معقول مسك وعطر وجرت عليهم هما اصدقاء من طفولة مع رغم فرق الاجتماعي اللي بينهم مقدرش يمنع الصداقة الجميلة دي
ندي /برافوووو عليكي يا مروة انك جبتيهم معاكي بجد برافو قاعدو كلهم يضحكوا و يغنوا و يهزروا و لكن مسك كانت في عالم تاني خالص كأنها مش معاهم لاحظت مروة تغير مسك و ابتسمت و فاهمت أن القلوب ارسلت الاشارت لبعض فلمس كل منهما الآخر وبدأ حرب مشاعر بنهم وكان كل قلب ارسل إشارة التاني يطمنه علي قلبه اللي معاه
جات كوافيرة وبدأت بالعروسة وطلعت زي القمر وبعدين مروة وعطر ومسك دخلت فاطمة عليهم و عنيها كلها حقد. وان محدش ندهلها لما كوافيرة جت
فاطمة /هو في ايه محدش يعني شيعلي لما كوافيره جت هو انا مش من ستات البيت ولا انتم زي القرع تمدوا لبرا و الغريب اولى مني هنا ولا ايه وبصت علي عطر ومسك
مروة /الله مطولك يا روح خير يا فاطمة انا كنت حنادي عليكي لما تخلص اللي في أيدها عارفاكي مبتحبش تستني علشان كده قلت انادي عليكي لما هي تخلص
كوافيره علشان تنهي الأمر /انا خلصت خلاص يا ام فرح تعالي اقعدي انا فضتلك خلاص علشان تكوني مسك الختام
فاطمة / بس وحياة ابوكي بلاش مسك دي مش ناقين
وكانت آخر واحدة مسك وكانت شبه الاسطوره هي وعطر وكأنهم اميرتين هربانين من روايات أسطورية من شده جمالهم هما الاتنين حاجة واحده بس اللي بتفرقهم عن بعض مسك عينها لون الفيروز و عطر عينيها رصاصي فاتح غير كده شبه بعض في كل حاجة سبحان من خلق فأبدع
خبط الباب وطلع العريس يا خد عروسته اللي كانت رقيقه وجميلة جدا.
نزلوا وراهم مروة و مسك وعطر وعلي السلم
لمح بيجاد مسك وهي نزله قلبه يكاد يقف من دق و عنيه مبرقه من شده جمالها نسي كل الناس من حوله ونسي الفرح وكأنه مغيب عن واقع التفت عيونهم مرة كمان ولكن المرادي بشكل مختلفة وكان عيون مسك بتجاوب علي كل سؤال في عيون بيجاد نزلت مسك ووقفت جمب مروة و عطر قرب منهم بيجاد و من غير حد ما يلاحظ سحب ايد مسك لورا وشدها من غير حد ما يشوفوا واخدها برا البيت في جنية ولكن كانت في عيون معاهم مراقباهم ياتري مين ده اللي حنعرفه بكرا