رواية جميله في قلب وحش (بقلم هاله رجب الهربيطي) الفصل التاسع
الفصل التاسع
كان مالك وجميله يضحكون سوياً وقطع ضحكهم
دخول والده الغرفه وهو يقول بإستهزاء: عال والله واقف بتضحك وإنت السبب في كل اللي حصل لإبني مانت معندكش دم واحد زباله دا مش كفايه اللي ربنا عمله فيك وشوه خلقتك دي دا كان المفروض تروح في ستين داهيه ياريتك كنت موت وخلصنا من قرفك
الجد بحده وغضب:إنت مش محترمني ولا إيه ما تسكت ياعز وتتكلم مع إبنك كويس أنا خارج جاتكوا الهم
عزه بدموع: حرام عليك بقا سيبو في حاله دا إبنك إرحموا
عزيز بحده: إخرسي إنتي دا من يوم مادخل حياتنا وهو نحس ياريتك كنت موت إنت ولا كنت فقدت أغلي الناس لقلبي
جميله بعصبيه وصوت عالي: بااااااااااس بااااااااااس فيه إيه إنت إزاي تكلم إبنك كدا حرام عليك مش شايف حالته عامله إزاي علي الأقل فكر في مازن اللي سامع كل حاجه وبعدين مالك مش مشوه فاهم مالك جميل جداً هو بس محتاج يتابع للعمليه ويرجع أحسن من الأول كمان وبعدين في ناس كتير شكلها جميل )ثم نظرت له باستهزاء) لكن قلوبها سوده أنا مش ندمانه عشان بقول الكلام دا لواحد قد أبويا مع لإن المفروض كان أتكلم بأدب بس حضرتك إضطرتني لكدا نصيحه مني بلاش تخسر ولادك وإن كان علي مالك ألف بنت تتمناه
عزيز بضحك وسخريه: لأ لأ برافو عليكي حلوه أوووي محاضره الأخلاق دي وهو بقا عينك محامي ليه إنتي فاكره نفسك مين وبعدين واحد مشوه ألف بنت تتمناه دا اللي هو ممكن كدا تتخيلي إن واحده تحبه وتتجوزه وهو كدا إنتي توافقي عليه أصلاً توافقي علي واحد مشوه دا مين اللي توافق إنها تكمل حياتها معاه ولا تلمسه حتي أحسنلك لو بتلفي
عليه عشان قرشين خديهم واهربي بلاش تقرفي نفسك وبعدين إنتي جميله جدا تقدري تبصي لواحد زيوا وهو بالمنظر دا
عادل بسخط من تصرفات أخيه:خلاص بقا ياعزيز كفايه لحد كدا إحنا في مستشفي إرحم إبنك وإرحمنا كفايه بقا
جميله بإبتسامه: أنا قولتلك مالك مافيهوش حاجه وحشه وفعلاً مش ألف بنت تتمناه لاء دي بنات العالم كلوا
عزيز بسخريه: يعني إنتي ممكن تبقي من المليون وتسمحي لواحد مشوه يلمسك دا مستحيل إنت.........
قاطعته جميله وهي تتمسك في مالك وتقوم باحتضانه وتقبيله قبله دامت لدقائق كثيره.. إنصدم الكل من فعلتهاحتي مالك شعر بأنه يود إختطافها لعالم أخر لايوجد به سواهم تمني لو يكمل ما بدأته هي تمني أن يختفوا من هذا العالم ليعيشوا بعالم أخر يجمعهم هما فقك
جميله بأنفاس متسارعه: أظن صدقت كلامي وأه نسيت أقولك أنا ومالك هنتجوز قريب سلام يا حمايا
أمسكت جميله يد مالك وهي تخرج وقد ذهب معها دون نقاش نزل مالك وجميله وصعدوا بالسياره ولكن لم يتحركوا
مالك بضحك:إنتي لاء لاء مش مصدق إزاي تعملي كدا إنتي مجنونه والله
جميله بدموع:والله العظيم هو اللى نرفزني وأنا لما بتنرفز مابعرف أنا بعمل إيه أنا عارفه دلوقتي إنك هتقول عليا مش محترمه وهتشغلي أغنيه خبره أنا عارفه بس والله أنا محترمه ونبي يامالك إوعي تسبني متبعدش عني أنا والله العظيم بحبك
مالك بضحك: أشغلك إيه أغنيه خبره لا لا لا بجد إنتي فظيعه أووووي بس إستني كدا إنتي قولتي
بحبك صح أنا سمعت صح والله
جميله بكسوف:لألألأ أنا مقولتش كدا ولو قولتها فعشان صحاب
مالك بخبث:صحاب صحاب بردو دا إنتي إدتيني بوسه خرصت الكل
جميله بكسوف:يلا بقا يا مالك روحني
مالك بهدوء:ماشي ياجميلة مسيرك تقولي كل حاجه
قاد مالك السياره وذهب تجاه المنزل وبعد وقت وصلوا ونزلوا من السياره ثم دلف مالك وجميله كل منهم إلي بيته
جميله بصراخ:ماماااااااا ياست الكل جعااااااااااااااانه
ملك بتذمر:في إيه ياجاموس فضحتينا
جميله ببرود:جعانه يابقره
الأم بحده:إيه يا جميله هو إنتي دايما فضحانا عشان الأكل
جميله بصراخ:أعمل إيه ياماما جعاااااااانه ياناااااس
ملك بهدوء:إستني لسه هنحط الأكل روحي غيري وخدي دش الأول
جميله بإبتسامه:ماشي
الأم بدعاء:ربنا يهديكي يارب ويوعدك بأبن الحلال إنتي وملك يارب
ملك بحب:ربنا يخليكي لينا يا ماما
الأم بحب وهي تحتضنها:ويخليكوا ليا يارب
وبعد قليل خرجت جميله من غرفتها وطالعتهم بإبتسامه وجلسوا سوياً ليتناولوا الطعام