رواية قلوب ارهقها نبضها بقلم نرمين قدري (الفصل السابع)
البارت السابع
محمود /تعالوا ياولاد خير. ايه متجمعين عند النبي تعالو اقعدوا حداية انا زهقان
بيجاد /كويس انك لوحدك يا حاج انا عاوزك في موضوع
مهم بس عاوزك تفهمني ومتتعصبش وتسمعني للاخر
محمود / وانت ناوي تتكلم في حاجة تعصب ولا اية
بيجاد سكت وما نطقش
محمود / خير يا ولاد في ايه شكلكم ميطمتش كده وغير كده بيجاد لما يقولي ياحاج يبقي موضوع جد
بيجاد /خير ان شاء الله بصي يا حاج صلي بينا علي النبي
محمود /علية افضل الصلاة والسلام خير يا بيجاد طلما اخدت موضوع جد كده بيقي موضوع ميطمتش
ماجد /اصبر بس يا حاج لما تشوفه عاوز يقول ايه
قام بيجاد وقف وبكل شجاعة وهو مغمض عينة
بيجاد/انا نويت أن شاء الله اكمل نص ديني وأخش القفص برجلي وبكامل قوايا العقليه
ماجد/ أطلق صافرة اعجاب ثم أكمل .
بيجاد حبيبي انت كويس يعني عقلك لسة في راسك وريني كده لتكون سخن ولا حاجة
بيجاد ومازال علي وضع الجديه ولم بضحك علي كلام ماجد
بيجاد /اصبر بس يا ماجد لما اكمل كلامي
استشف ماجد أن اللي جاي بعد كده ميطمتش وان في كارثة حيفجرها بيجاد حالا
محمود /ورسم علي وشه الجد. وتكون بنت مين في البلد اللي قدرت توقع مالك العزوبية علي جدون رقبته بنت حد نعرفه من اي عياله حدانه ولا تكونش مش من بلدنا اصلا وتكون معاك في جامعة
بيجاد/اصفر لونه صوته راح وبداء يتلجلجل في كلام هي أصلها اصل لاء معانا في البلد تكون يعني
محمود /في ايه ما تكلم زي ناس عدل كده علشان افهم البت بتكون من عيله مين من كبار البلد كل كبارات معروفين بنت مين فيهم بقي
بيجاد./بنت ناس طيبين الحمد لله
محمود /بعصبية مين يا بيجاد اخلص مطلعش عفاريتي
بيجاد /بنت فايز وسكت
محمود/فايز مين. فايز انت سمعت عن اسم عائلة كده يا ماجد انا عن نفسي ماسمعتش عن عيله بالاسم ده
ماجد كان في عالم تاني خالص عرف مين فايز مش عارف يرد يقول ايه
محمود/ماجد انطق تعرف مين فايز ده انا مسمعتش عن عائلة بالاسم ده قبل كده فاكرني لاكون ناسي
ماجد / بتهتها اه اعرفه فايز اللي بيشتغل في زريبة عندنا
محمود /اااايه اوعي تكون قاصد فايز كلاف البهايم لا لا اكيد انت فاهمت اخوك غلط استحالة بيجاد يفكر في كده لا طبعا انا ابني يتجوز بنت كلاف البهايم لاء لاء. استحالة ده بيجاد اللي ما بيعحبهوش العجب عاوز تقولي أنه ساب. كل بنات الكفر وكبارتهم وجاي يعجب ببنت كلاف لا اكيد انت فاهمت غلط
بيجاد /وماله كلاف البهايم مش بني آدم زينا يا حاج ولا ايه
محمود / قام وقف و بصوت رج مكان بالكامل
انت بتكلم جد لو انتطبقت السما علي أرض ما يحصل الله في سماه ما يحصل انا جد عيالك يكون فايز حرامي البيض انت حصل لمخك حاجة ولا ايه اكيد انت اتجننت
كل اللي في البيت سمعوا صوت زعيق جاي من مندرة
اشجان/هو ده مش صوت ابوكي يا مروة بيزعق كده ده اول مرة يعملها ويزعق كده اكيد في حاجة كبيرة حصلت هناك
مروة/اه ياماما ده بابا اللي بيزعق كده ليكون بيزعق مع ناس بتوع الأرض الشرقية هما اللي كانوا عنده
اشجان /لاء ناس دي مشاشت من ساعة ياتري في ايه
خرجت فاطمة من مطبخ بسرعة
ف
اطمة /اده مش ده صوت أبا الحاج ولا ايه يزعق كده ليه ولمين
مروة/ هو احنا لسة حنخمن بيزعق لمين انا رايحة اشوف في ايه شدت طرحتها ولبستها وخرجت نواحي مندرة
سمعت ابوها
محمود/. اقسم بالله لو عملتها ياببحاد لاكون متبري منك واحسبك أن ربنا ماخلقكش من اصله
حاطت مروة أيدها علي بوقها وشهقت بالهوي عليك يا بيجاد مش قادر تصبر شوية ده وقته كان يحصل ايه بس لو صبرت شوية كمان
سمعت بيجاد /ماشي ياحج انت مش عاوز مسك وانا يكون في معلومك يا مسك يا مش متجوز خالص
محمود / يكون احسن أن شلة عنك ما تههببت ولا تجوزت احسن بردو من فلحتك قوي
دخلت مروة في ايه بس استهدو بالله كده وكل حاجة وليها حل اهدي يا حاج علشان صحتك و حنحلها باذن الله
محمود/ انتي كنتي عارفه يا مروة المصيبة اللي اخوكي عاوز يعملها اكيد عارفة ما انتو راسكم في رأس بعض طول نهار
مروة /اهدي بس يا بابا اهدي كده واسمع مني الاول
محمود /مروة متخوليش البت لا ليها اصل ولا فصل ابوها كلاف ياهايم شغال عندنا بالأجرة وامها ولا مرات ابوها دي بتيجي تخدم مع امك في مطبخ تيجي بقي ازي مش لكل مقام مقام ولا ايه
مروة /وانت من امتي بتبص للناس بطبقية دي طول عمرك بتقول الناس سواسية يعني احنا من غير. فلاح مش حناكل من غير الفران مش حناكل العيش. النجار و البواب والمزارع وكل شغلنات البسيطة دي. من غيرها مش حنعرف نعيش ،
انت يا حاج اللي علمتنا أن عمر شغل ما يعيب صاحبة مدام حلال .
ليه بقي دلوقتي باصصلها من ناحية الأمير والغقير انت عمرك ما كنت كده ولا حتكون كده وانت كمان معلمتناش نكون كده دايما تقولنا من تواضع لله رفعه مش ده كلامك ولا ايه يا حجوج يا قمر
وكمان البنت ياتيمة وغلبانه وعاوزه تعيش صدقني يا ابويا العيلة واسمها ومركزها المادي مش كل حاجة
المهم شخص نفسة يكون كويس .
ومسك مشاء الله عليها جمال وأدب و علم كمان البنت في جامعة يعني مش جاهلة .
محمود /انا البت معلش عليها اعتراض بس ده مبدأ انا مش بجوز عيالي غير لعاءلات كبيرة قضي الامر
رد ماجد بعصبية غريبة
ماجد /ماشي يا حاج وبعضين يعني اخرتها ايه
محمود / هو ايه اللي وبعدين يا ولا مش فاهم حاجة
ماجد /وبعدين لما يتجوز من عيله كبيرة حيعمل ايه يجي يقعد جنبي نحكي لبعض عن خبيتنا انا وهو
يمكن بيجاد طلع اجراء مني ودافع عن حبه انا استاهل اللي انا فيه انا اللي خفت واستسلمت
وكنت فاكر أن لما ارضيك واخد اللي انت اختارتها حعيش متهني وضحيت بالبنت الوحيدة اللي قلبي دق ليها وكل ده ليه علشان مستواها الاجتماعي مش زينتا احنا كبارات البلد ابونا العمده وهي كانت يادوب بنت حتة مزارع غلبان طبعا ميصحش اش جاب فاطمة بنت الحسب والنسب .لبنت ابوها بياخد رزق يوم بيوم علشان يصرف عليهم .
وهي بتنزل تشتغل في الأرض علشان تطلع مصارف كليتها .
وطبعا عيلتنا كبيرة مش حتوافق علي نسب اللي من وجهة نظرها مايشرفهاش
أجبرت اكسر قلبها و احط حجر علي قلبي علشان خاطر العيلة العريقة تتشرف بالحسب والنسب
وبص لبيحاد بعيون دموع معلق فيهم
تعرف يا بيجاد مش حانسي ابدا دموعها وانا بقولها إن كل حاجة قسمة ونصيب ومش حينفع نكمل مع بعض عمري ما حا نسي نظرة في عينيها كلها قهر وكسرة
وسمعت كلامكم واتجوزت فاطمة وللأسف معرفتش احبها وهي كمان وحاولتش تحبيني فيها كل همها مظاهر وأنها تبقي احسن واحده وفلانه جابت ده انا عاوزه . ازي مرات امجد عندها طقم الالماظ وانا لاء
لكن تعرف انا عاوز ايه نفسي في ايه دي اخر حاجة ممكن فاطمة تفكر فيها
وانهار ماجد في عياط هستيري قرب بيجاد عليه
بيجاد/ياااه يا ماجد كل ده في قلبك و ساكت ليه يا اخويا بس هون علي نفسك يا حبيبي
ماجد / كنت بحبها قوي يا بيجاد كانت النفس اللي انا بتنفسة كان قلبي بيرقص من فرحة لما كنت يشوفها. كانت دنيتي كلها بتضحكلي لما اكون معاها انا كملت تعليمي بسببها بعد ماكنت واخد قرار مش حكمل بس هي شجعتني وعطتني الدافع
مروة عنيها فيها دموع و حزن علي اخوها وعلي باختة
ماجد اطيب قلب فيهم وطول عمره حظه قليل راحت عنده وحضنته جامد
مروة / وهي فين دلوقتي يا ماجد. يعني راحت فين
ماجد بصوت مخنوق سمعت انها. اتخرجت من كلية الطب.
و اتجوزت وسافرت مع جوزها السعوديه
كسرتي ليها قوتها اكتر. و اجتهدت واتخرجت واثبتتنلي أن مش عائله هي اللي بتعمل البني ادم . الشخص هو اللي بيعمل نفسة بنفسة مش اسم عائلته ولا الفلوس ولكن بالاراده الاسرار والعزيمة و الثقة بالنفس هما اللي بيعملوا البني ادم وفعلا فرح وصلت إلي هي كانت بتحلم بيه من غير مساعدة حد
مروة /كان اسمها فرح علشان كده صممت تسمي بنتك فرح وعملت خناقة يومها مع فاطمة فاكرة أنا هي كانت عاوزة تسميها حبيبة وانت اصريت علي فرح و كنا كلنا مستغربين ايه سبب تصميمك علي الاسم ده بالذات ومحدش كان حاسس بالنار اللي جواك
بيجاد/اتعذبت كتير يا ماجد بس متزعلش مني انت اللي اتنازلت عنها مترجعش تلوم غير نفسك متعاتبش علي حد انت محاربش علشانه علشان نزعل دلوقتي
ماجد /عمري ما أعاتب عليها انا اللي خسرتها انا اللي حسستها أنها ولا حاجة وحبنا ده حاجة تافها قدام اسم عليتنا انا مستهلهاش انا استاهل اللي فاطمة بتعملوا معايا انا اللي معملتش الممكن مع شخص عمل معايا المستحيل علشان ميخصرنيش لكن انا اللي عطتها ظهري ومشيت
محمود/ما بزياده بقي وبطل بكي زي حريم وكل واحد بياخد مصيبة ومحدش فينا حس انك بتحب او انك سبتها خلاص بقي
بيجاد /عارف ليه ياحاج علشان انكسار القلوب ملهوش صوت كسر القلب بيموت القلب نفسة بس من غير صوت محدش بيسمعوا غير صاحب الجرح نفسة
محمود/بصوا بقي كل كلام انا معرفهوش بالنسبالي كلام فارغ ده كله
وانت يا ماجد باشا بس بقي كلام في موضوع ده اياك اسمع انك اتكلمت في حتي مع نفسك متخربش بيتك ارضي باللي ربنا قسمة وعيش ربي عيالك بلا حب بلا كلام مايع
وبص لبيحاد بتحذير
وجوزاز من بنت كلاف البهايم ده بتنسي وده اخر كلام عندي وغورا كلكم من وشي دلوقتي
قام بيجاد وقف ولسة حيتكلم زقة ماجد لبرا و سحبت ايده مروة
خرج بيجاد وعلي وشة علامات الغضب دخل سرايا شايط مش شايف قدامة من كتر غصب
فاطمة/واد يا بيجاد ابوك كام بيزعق ليه ها انطق يا واد بقي
التفت اليها بيجاد وهو في قمة غضبه
بيجاد/بقولك ايه يا مرات اخويا تحطي لسانك في بوقك وتخفي من قدامي حالا احسن واللي خلق الخلق لحزن عيالك عليكي فاهمة
فاطمة/ بصوت عالي انت بتقول ايه تحزن مين عليا ما تكلم عدل في ايه واعرف انت بتكلم مين انا فاطمة الشربيني بنت الشربيني اكبر تاجر في البلد لا فوق لنفسك ومطلعش قرفك عليا
بيحاد بصوت زي إلرعد في شدته
بيجاد / مااااااجد سكت مراتك احسنلها
ماجد /فاطمة انتي عاوزة ايه بلظبط انتي مالك وماله ما تسببة في حاله بقي وبطلي تحشري نفسك في اللي ملكيش فيه
فاطمة/ انت لازم تجبلي حقي من اخوك دلوقتي يا نا مش قاعدالك فيها وانت حر. وانت ازاي تزعقلي كده قدمهم ايه اتجننتم كلكم ولا ايه
ماجد بنفاذ صبر اعمليها وغلاوت ابوكي يا شيخة اعمليها خليني اكسر وراكي زير مش قله. اووووف بقت عيشه تقرف كل يوم نكد نكد نكد اااايه مش بتزهقي من كتر نكد مش سايبة حد غير لما منكده علية بيصعب عليكي تشوفي حد مبسوط انتي ايه يا شيخة مستحمله نفسك كده ازاي كان يوم ما طلعتطلوش شمس يوم ما عرفتك
و عند عطر ومسك في الاوضة
عطر/بت يا مسك انتي انعبطي أنتي ازاي تدخليه هنا ومحدش موجود . افردي كانت مرات ابوكي شافته ولا محمد شافه كان عمالوا فيكي ايه
مسك /عطر انا حبيته قوي قوي أنا عمري ما عرفت يعني ايه حب غير لما شوفته انا بعدي عنه يعني موتي بجد مش حقدر يا عطر ورحمة امي ما حقدر ابعد عنه حاجة مش بايدي قلبي واجعني قوي وانهارت في عياط
حضنتها عطر لتطمءنها وتهدي من روعها
مسك /انا عارفه أن حبنا ده مستحيل عارفه أن في فرق بين بنت كلاف البهايم وبيجاد ابن العمده بس مش بايدي أقسم بالله غصب عني قلبي حبه من غير قصد هو شخص حلو قوي كل حاجة فيه حلوة مش حقدر ابعد يا عطر وحياتك عندي يا اختي مش حقدر ابعد
وفي سرايا
اشجان /بصوت عالي باس في ابه هو مافيش. احترام الكبار مش عاوزة اسمع صوت حد فيكم خالص كلكم معندكوش لا حيا ولا خشا ولا هاممكم أن في كبار في البيت ده
وانت بيجاد اخر مرة اسمعك تكلم مرات اخوك بطريقة لو عملتلك حاحة قول لأخوك مش منك ليها هو بس اللي لي حكم عليها مش حد تاني
وانتي يا فاطمة متتحشريش في اللي ملكيش في خاليكي في حالك وانتي بنفسك شايفة بيجاد خارج من مندرة وشكله متعصب كان لازم يعني توقفية وتقعدي تعمليلوا محضر وتحقيقي معاه بصراحة تستاهلي اللي ببجاد و ماجد عملوا معاكي كده
وانت يا ماجد اعتذر لمراتك دي مهما كان أم عيالك واحترامها من احترامك واوعي تهنها تاني قدام حد
وبعد ما تخلصوا حفله دي تعالوا انتم تلاتة وشاورت علي ماجد وبيحاد وأمجد
علي الاوض. عندي عاوزاكم اخلصوا متتاخروش
باس ماجد علي رأس فاطمة وقالها متزعليش بس انتي سألتي بيجاد في وقت غلط ماكنش ينفع كده
مروة / يلا ماجد علشان في شوط تاني جوا عند امك
ماجد / استرها يارب من بركان اللي حينتفحر
فاطمة كالعاده مش بتحرم
فاطمة / ماجد هو في ايه وابوك إلحاج كان بيزعق لمين ليك ولا لبيحاد هو في ايه ها قول بقي
بصلها ماجد باصت ان مافيش فايده وسابها ومشي
دخلوا تلاتة اوضة أمهم
اشجان / اقعدوا كده وعاوزة اعرف حكاية بالتفصيل الممل
اية اللي حصل وخلي ابوكم يزعق كده اكيد حاجة كبيرة حصلت ده عمره ما عملها مين فيكم اللي حا يفهمني اللي حصل بلظبط
كلهم باصوا لمروة بصت استفسار
مروة / أيه بتبصوا عليا كده ليه وانا مالي صاحب مشكل هو اللي يتكلم انا مالي ايه دخلني
بيجاد / مروة انتي اتكلمي وفاهمي ماما احسن مني علشان حتعرفس توصللها مشكله صح
اشجان /اخلصوا بقي حد فيكم ينطق ابوكم ماله عملتوا في ايه
كل ده وفاطمة واقفة علي باب برا تتصنت عليهم وبتحاول تسمع كلامهم ومش عارفة تسمع حاجة ومتغاظه جداا
وجوا نزل سهم الله علي اشجان مش بتتكلم ولا بترد بعد ما مروة حكت ليها سبب غضب ابوها
بيجاد /ماما قولي حاجة ما تسكتيش كده قولي اي حاجة
اشجان /حقول ايه يا بيجاد من واضح انك واخد قرارك ومصمم عليه وابوك لو أنهدت سما علي الارض مش حيوافق وانت كمان وارث نشفيت دماغ وتصميم علي رايك من ابوك وانا حكون في نص بنكم عاوزني اعمل ايه غير اني اسكت
بيحاد /مسك بنت كويسة واللهي يا ماما لو قاعدتي معاها حتحبييها خالص بنت مؤدبة وهادية وجميلة
اشجان / وانت يا شملول عرفت كل ده ازاي
فجاءة باب خبط ودخلت فاطمة
فاطمة / والفضول حا ينط من عينيها حماتي عواطف برا وعوزاكي ضروري .
انتظروني مع مفجاءة عواطف مع ملكة القلم نرمين قدري