الدرس الأول لتعلم الكروشية ( تعلم غرزة البداية وعلم سلسلة )
هنتعلم فى درس النهارده ازاى نقدر نعلم غرزة البداية اللى هى أساس اى حاجه هنعملها بعدين.
يعنى مثلا عشان نقدر نعمل بلوفر او بطانية أو سليبر أو ورد زينة او غيرها احنا ان شاء الله هنتعلم مع بعض كل حاجه لو فى حاجه معينة عايزين نبدأ بيها نتعلمها سيبوا تعليق بأسمها و نعلملها مع بعض .
يلا نبدأ الدرس.
الأدوات
1- لازم يكون متوفر معنا ابرة كروشية و دى بيكون لها مقاسات فأنتى فى كل مرة بتختارى الأبرة المناسبة للحاجة اللى هتعملها.
2- لازم يكون معنا بكرة صوف كبيرة أو صغيرى زى ما تحبوا و ده كمان بيتحدد على حسب انتى هتعملى ايه حاجه هتأخد شغل كتير ولا لا.
كمان لازم تخلى بالك أن الصوف فى منه انواع كتير بس احسن نوع هو الصوف التركى و ده بيكون ناعم و لو انت اختارتى شركة كويسه منه هتلقى انه مش بيوبر على عكس الصوف المصرى هتلقيه فى الغسيل بيوبر معاكى.
خطوات العمل
طيب كده احنا عرفنا الأدوات يلا نبدا الشغل.
أول حاجه بنلف الخيط على يدنا الشمال مثلا ثلاث لفات
■ بعدين ندخل الابرة فى الفتحه اللى عملها فى اللفة ونسحب منها الخيط.
■ بعدين نطلع الخيط زى الخطوة رقم ثلاثة فى الصورة.
■ فى الخطوة الأخيرة بنسحب الخيط من الطرفين ناحية البكرة و الطرف التانى الموجود ناحية الأبرة عشان نديق الغرزة زى خطوة أربعة.
و كده احنا اتعلمنا ازاى نعمل غرزة البداية تانى خطوة ازاى نعمل سلسلة.
■ نسحب بالابرة من الخيط و نطلعه من الغرزة زى الصورة كده فى رقم تلاتة و اربعة و كده تكونت معنا اول غرزة.
لغاية ما نوصل للعدد اللى عايزين نعمله.
ده فيديو توضيحى صغير.
الواجب هنعمل 40 غرزة تكون بيها سلسلة.
اشوفكم الحصة الجاية لو عندكم اى استفسار ابعتوه و انا اجوبكم عليه .. مع السلامة.