رواية جميله في قلب وحش (بقلم هاله رجب الهربيطي) الفصل الخامس

الفصل الخامس 

في صباح يوم جديد تشرق فيه الشمس الصافيه بقوه لتجبر الجميع بأشعتها الذهبيه الدافئه علي الإستيقاظ بكل نشاط وحيويه دون كسل ماعدا بطلتنا تلك الجميله النائمه التي لا تشعر بأي شيئ

دخلت الأم عليها الغرفه لكي تيقظها من أجل الإستعداد لتنظيف البيت فاليوم سيأتي لزيارتهم العريس المنتظر 

مني بهدوؤ: جميله يلا قومي بقا بقينا الضهر 

جميله بنعاس: خمسه بس ياماما عشان خاطري 

مني بتنهيده وحزم: يابنتي قومي بقا مش هسيبك غير لما تقومي عاوزين نخلص بقا من التنضيف 

جميله بزهق: حاضر حاضر ياماما قومت أهوه في حاجه القيامه مش هتقوم يعني عشان العريس

مني بقله حيله : يابنتي قومي صلي وبعدين تروقي وتجهزي عشان بالليل إمتا أخلص منك بقا

جميله بتذمر: حاضر حاضر يا مرات أبويا

خرجت الأم من الغرفه بعد أن إطمئنت من إستيقاظها ثم نهضت جميله من علي الفراش بهدوء لتذهب تجاه الحمام لكي تتوضأ وتؤدي فرضها ثم خرجت منه وأدت فرضها ووردها اليومي بخشوع ثم خرجت من الغرفه وتناولت الإفطار مع والدتها ثم إنشغل كل منهم في تنظيف المنزل وترتيبه بعنايه من أجل العريس المنتظر

أما بالناحيه الأخري عند مالك نهض من علي فراشه بهدوء وتوضأ ثم أدي فرضه بخشوع ودعي ربه أن يريح قلبه ثم خرج من الغرفه بهدوء ونزل علي السلالم فنظر أمامه وجدهم جالسين من أجل الإفطار فقال مالك بهدوء: صباح الخير 

عز والده بغضب: وانت بييجي من وراك خير أبداً

الجد بحده: في إيه ياعز مش هتحترم وجودي كمان إنت إتجننت ولا إيه

عادل بسرعه وهو يتدارك الموقف: لاء لاء يابابا هو ميقصدش حاجه إنت الخير والبركه 

مالك بحزن: أنا هريحك مني خالص أنا مسافر كمان شهر ومش راجع مصر تاني والفتره دي هقعد في بيت لوحدي عشان ترتاح 

الجد بثوه: إيه اللي بتقوله دا يا إبني تسافر فين إنت مش هتسيب هنا أبداً وبعدين كل دا ملكك 

عزه بحزن: عاوز تمشي وتسبني يامالك كدا برضو 

مالك بهدوء يشوبه الحزن: سيبوني علي راحتي مش عاوز مشاكل وانا هكلمكوا علي طول واتطمن عليكوا

الجد بهدوء: سيبي إبنك علي راحتوا ياعزه هو عارف مصلحته فين وأنا معاك في أي وقت تحتاج لأي حاجه كلمني ومتترددش أبداً

عزه بحزن: بس يابابا ه....... 

الجد مقاطعا: قولت خلاص يعمل اللي عاوزه أنا 

واثق في كل تصرفاته سيبيه علي راحته

جائت الخادمه وهي تحمل الحقائب بيدها وتقول بإحترام: الشنط يامالك بيه

مالك بإبتسامه: تمام شكرا

عزه بدموع: هتمشي بسرعه كدا طب إقعد شويه

مالك بحزن وهو يقبل رأسهت: هكلمك علي طول واتطمن عليكوا ثم وجه الكلام لوالده وقال بحزن:ياريت تسامحني وترجع من تاني تحبني

عز بقسوه وجمود:أنا مستحيل أسامحك وياريتك مترجعش تاني عشان مش قادر أتقبل وجودك

نظر له مالك بحزن فحديثه صدمه بقوه فهو لم يفعل له شيئاً لكل تلك القسوه نظر لوالده بحزن وإمتلئت عينه بالدموع فنهض الجد وإحتضنه بحنان قائلاً:يلا إمشي إنت ملكش دعوه بحد غيري أنا دايماً هكون معاك ومش هسيبك أبداً ياحبيبي

مالك بحب:تسلملي ياجدي 

عزه قالت بحزن وقهره لعز زوجها:صدقني هتندم عشان ظلمك لإبنك دا والله هتندم 

ذهب مالك من أمامهم بعد أن ودعهم والحزن يفتك بقلبه فوالده لا يحبه ولا يعلم السبب إستقل سيارته وقادها تجاه منزله الجديد الذي سيقيم به حتي يأتي موعد السفر 

أما عند جميله كانت تقف بتذمر وهي تتحدث مع ملك صديقتها التي جائت لتكون بجانبها اليوم

جميله لحنق: أنا نفسي أفهم في حد يتقدم لواحده العصر دا إيه العريس البارد دا

ملك وهي تضع يدها بسرعه علي فمها تمنعها من التحدث: يابت إسكتي بقا أمك هتضربنا

جميله بحنق: إتزفت سكت يارب نخلص بقا

بعد وقت جاء العريس وإستقبلته والدتها ثم ذهبت ملك لتحضر جميله لتجلس معه

ملك بهدوء:يلا تعالي عشان تتعرفي عليه

جميله بزهق:حاضر حاضر

خرجت جميله من الغرفه بغضب ثم ذهبت وجلست ولم تعيره أي إهتمام وكأنه غير موجود

العريس حمدي بهدوء: إحم إحم عامله إيه

جميله ببرود: كويسه في حاجه 

حمدي بهدوء: طبعاً عارفه إني متقدملك

جميله بسخريه: لاء متقدم لأمي

حمدي بدهشه: نعم؟؟ 

جميله بسخريه: هو إنت تعبان ماعارفه إنك متقدملي أومال قاعده معاك ليه يعني حب إستطلاع مثلاً ولا أكون عاشقاك مثلاً

حمدي بغضب: باين عليكي هتتعبيني المهم إنتي هتشتغلي بعدأما تكملي دراسه ومعنديش مانع لكن في شرط 

جميله بسخريه:والله شرط وإيه هو بقا الشرط

حمدي بهدوء:جوازنا هيفضل مده معينه يعني مثلاً ست شهور ومفيش خلفه طبعاً هو دا الشرط

جميله بحده وهي تنهض: نعم ياروح أمك جواز مين اللي مده يالاورحمه أبويا لوريك إنت مش شايف نفسك ياعره ولا إيه 

أمسكت جميله المزهريه من جانبها وقامت بإنزالها علي رأسه لتتهشم بقوه لتدخل الأم هي وملك بسرعه ليروا ماذا حدث 

حمدي بصراخ: ااااااااااااااااااااااااااه دماغي والله لوديكي فى داهيه 

مني بصدمه: إيه دا يابنتي اللي عملتيه دا حرام عليكي الراجل هيموت

جميله بغضب: سيبيني ياماما عليه والله ماهسيبك ياعره الرجاله بقا أنا تقولي جواز ست شهور ومفيش خلفه ليه تامر حسني عشان تتشرط

نظرت لها ملك وأمها بصدمه من هذا الحديث

حمدي بصوت عالي: تصدقي أنا غلطان إني عبرتك يابايره داحنا عندنا لو البنت عدت 18ومتجوزتيش تبقي عانس ياعااااانس

ملك بصدمه: نهارك إسود داحنا لسه 22سنه ثم نظرت لجميله وقالت أنا همسكه وكملي 

جميله بفخر وقون: جدعه يابت تربيتي إمسكي دراعه إمسكي ياماما

قيدوه جميعاً لتستغل جميله ذلك وتقوم بعضه بقوه فصرخ حمدي بقوه: ااااااااااااااااااااااااااه والله لوديكي فى داهيه يابنت العضاضه ااااااااااااااااااااااااااه  منك لله والله لسجنك

مني بهدوء وكأن شيئاً لم يكن:خلاص يا إبني إمشي بقا منك لله إنت وهي

حمدي بغضب:مش همشي غير لما تعتذر ياهسجنها

مني بغضب:تسجنها لاء بقا دانا سكتالك من الصبح جميله خدي راحتك معاه إنتي وملك

نظرت له جميله وملك بشر ولم يتركوه حرر نفسه منهم بصعوبه وخرج وهو يسبها بأفظع الشتايم

حمدي بدعاء:منكوا لله منكوا لله

جميله بحده:برطم أووووي يابن القرعه عشان أنزلك

نظر لها حمدي بخوف ثم ركض علي السلالم

أما عند مالك فقد وصل لمنزله الجديد وصعد السلالم فسمع صراخ أحدهم ولم يكن سوي حمدي فوقف مكانه يستمع لهم 

مالك بضحك عالي: مش قادر بجد إنتي مصيبه والله

حرام عليكي موتي الراجل في إيدك ولا شكلوا وإنتوا بتضربوه بجد حرام بهدلتوا الراجل

جميله بضحك: هو أنا أي حد ولا إيه قال إيه يتجوزني 6شهور ومفيش خلفه راجل ناقص صحيح مش مقدر جمالي

مالك بعصبيه:إزاي يقولك كدا أنا مش هرحموا أن.....

قاطعته جميله:خلاص إهدي مفيش حاجه وبعدين إنت جاي ليه هنا في حاجه ولا إيه

مالك بتوتر:أااا أنا سبت البيت وأخدت شقه هنا

جميله بمواساه:متزعلش كل حاجه هتتحل بأذن الله

مالك بأمل:بأذن الله

كانت أمها وملك ينظروا لهم فحمحمت الأم بهدوء لتنتبه جميله وتقول بتوتر: ااااا ما....ماما مني ودي ملك صاحبتي بس إحنا إخوات ودا مالك قابلته لما.......وحكت جميله عن مقابلتها بمالك

الأم بهدوء وترحاب:إتفضل يا إبني إدخل بيتك إستريح وسيبك من جنان بنتي أصل عرفاها بتجنن اللي قدامها 

مالك بضحك: لا لا دي عسل خالص

جميله بتفاخر:مبحبش أتكلم عن نفسي والله بس أعمل إيه بقا الشهره عاوزه مني إيه

ضحك الجميع علي حديثها

فقالت مني:يلا بقا ندخل تصبح علي خير يا مالك يا إبني وإنتي ملك هتنامي معانا بدل ماتنامي لوحدك

.ملك يتيمه وعايشه لوحدها.

ملك بهدوء:حاضر ياماما 

مالك بإبتسامه:تصبحوا علي خير

رد الجميع وقالوا:وإنت من أهل الخير

ودخل كل منهم لمنزله ونام الجميع لكي يستعدوا ليوم جديد......

الفصل القادم من هنا