رواية قلوب ارهقها نبضها بقلم نرمين قدري (الفصل الثاني)
الفصل الثاني
طلع بيجاد وعلي وشه ابتسامة غريبة مش عارف سببها
دخل بيجاد اللاوضة و عنيه بتلمع من كتر الاعجاب بمسك
بيجاد /ياتري مين دي بجد سبحان من خلق في ابدع بجد تخطف القلب خطف هو في جمال كده
وفي مطبخ وافقت مسك وعلي وشها ابتسامة غريبة مش لقيلها معني
فاطمة /خير يا ست الحسن والجمال لو جاية تدلعي خدي بعضك وروحي احسن مش ناقصين عاطله. شغل فوق راسنا وانتي عمالة توزيعي ابتسامات خير مش ناقصين دلع
دمعت عيون مسك من إهانة فاطمة ليها وتعمدها تحسسها أنها جاية تخدم عندهم
لاحظت مروة تعمد إهانة فاطمة لمسك
مروة / جر ايه يا فاطمة في اية انتي ملكيش نزعقي معاها هي كانت عاملت ايه مسك كتر الف خيرها جاية تساعدنا هي مش مجبره علي كده
فاطمة /خير يا مروة في ايه انتي بدافعي قوي كده ليه دي حتة خدامة لا راحت ولا جت جاية تخدم عندنا في ايه
مروة /بحده انتي مصدقة نفسك مسك مش خدامة يا فاطمة مسك صاحبتي وانتي عارفة ده كويس و اذا وافقت أنها تيجي تساعدنا ده كرم منها مش فرض عليها
ولسة فاطمة حترد عليها
مسك/, خلاص يا ست مروة انا حشتغل اهو الست ام فرح عندها حق احنا جاين هنا علشان نشتغل وبس
وفوق في الاوضة بيجاد غير هدومه. وعلي وشة نفس الابتسامة وخفقان في قلبه غريب
بيجاد/ في نفسة ااايه يا عم بيجو وفوق لنفسك لسة الواد امجد بيحسدك ااايه يا عم السنجله چنتله ولا ايه حتنخ لاء اجمد كده انت كده ملك زمانك بتسافر وتروح وتيجي براحتك
بس بردو البت ااايه ااايه هو في جمال كده. بس لاء ولو حريتي بالدنيا واللي فيها عبيط انا علشان اققع في مصيده دي
غير بيجاد هدومة ونزل وهو نازل حب يرخم عليها عمل حجة اي حاجة ودخل مطبخ
ولسة علي باب مطبخ . وحيتكلم وقف متثبت مكانه
كانت مسك عينها مليانه دموع وبتشتغل في الاكل ومش واخده بالها منه خالص
دخل بيجاد وغمز بعينه لمروة في ايه
غمزت مروة وهي بتشاور يعنيها ناحية فاطمة أنها السبب
اتكلم بيجاد بصوت عالي علشان يلفت نظرها
بيجاد / بت يا مر مر بعتي شاي مندرة لحسن ابوكي حاج لو اتاخرنا عليه انتي عارفة حيعمل فينا ايه
انتبهت مسك لدخوله جرت جابت طرحة بسرعة ولبستها علي رأسها
ابتسم بيجاد لحركتها العفوية وأعجب بيها قوي
مروة غمزت له عارفة أنها حجة علشان يدخل المطبخ
مروة /من زمان يا بيجو وزمنهم شربوا كمان انت لسة فاكر صباحووووووو بقي
بيجاد تمام كده عقبالك يا مفعوصة لما نرتاح منك وعقبال بناتك يا ام فرح
فاطمة/ عقبالك انت يا بيجاد لما ربنا يهديك يا خويا هو انت ايه اللي دخلك هنا مش بعاده يعني تخش مطبخ ايه حصل علشان بيجاد باشا يتنازل ويخش مطبخ
بيجاد /هو ايه اللي مش بعاده يا فاطمة منا متعود انزل اعمل فطاري وشاي بتاعي كل يوم وهو في ايه ولا هو كلام وبس
مروة خلاص يا بيجو بقي عدي اليوم ورح شوف ابوك ليكون عاوز حاجة اطلع يلا بقي وما تشبكش معاها هي شكلها بيتلكك وعاوزة تمسك في خناق اي حد
بيجاد /ماشي يا مرمر علشان خاطرك حعديها ومال عليها وبصوت واطي قولي بقي القطة اسمها ايه
مروة /بعينك خليك كده بس قولي ايه سر الاهتمام غريب ده يخيبك ليكون دق
بيجاد/اتصدقي بالله انا غلطان اني بتكلم مع عيله زيك وحعرف اسمها لوحدي بس قوليلي ايه سبب دموع اللي في عنيها دي لتكون البومة مرات اخوكي السبب
مروة / بزمتك هو في غيرها اكيد هيا اكلت البت اكل وحسستها أنها بتشتغل عندنا وانت عارف مرات اخوك لما تلاقي حد ضعيف بتعمل ايه بس للاسف دخلت سكه غلط علشان مسك حد جامد مش ضعيف بس هي اشترت خاطري ومرتضتش ترد عليها
بيجاد/ينهار هي قطة اسمها مسك يالهوي علي روايح جنه يالهوي حتي اسمها مميز شبها
مروة /هو انا اندبيت كالعاده صح
بيجاد هز راسه موافق
فاقوا علي صوت فاطمة وهي بتزعق لمسك بصوت عالي
فاطمة/ انتي يا زفتة يا مسك انتي اااايه مش بتفهمي مش عارفة تشتغلي جاية ليه ولا هي بلاوي وبس حاجة تقرف بجد اوووف
مسك /جابت آخرها بقولك ايه يا ام فرح انا لو سكاتلك ده مش ضعف مني ولا قلت حيله انا بس عاملة احترام للبيت اللي انا فيه لكن أقسم بالله كلمة كمان مش حتعجبني مش حسكتلك اولا انا مش جاية هنا خدامة والكل يعرف كده انا هنا جاية شارية خاطر مروة مش اكتر
والتفتت مسك تكمل شغلها و هي بتغلي من غيظ
فاطمة /بحده ولا عشنا وشوفنا خدمات بقا ليهم حس يتكلموا بيه
التفتت ليها مسك تاني وعنيها فيها دموع محبوسة
مسك /. بعصبية مبالغ فيها أن خرج العيب من اهل العيب ما بيبقاش عيب
وسابت اللي في اديها وعدلت طرحتها علي رأسها
يلاذن يا مروه والف مبروك لاخوكي متزعليش مني مش حينفع اقعد اكتر من كده علشان مشكلة ما تكبرش
مروة /. بحده شديده جري ايه يا فاطمة أنتي مالك ومال مسك من ساعة ما جت وانتي مش عتقاها في ايه
هي كانت عملتلك ايه ولا انتي لازم اي حد تطفشي يالهوي اللي حيدور وراكي حيليكي مش طايقة نفسك اصلا.
فاطمة بسخرية /وانا بردو حطت راسي براس شغاله في ايه يامروة هو خلاص حتنزل مستويا لكده
مسك بصت لفاطمة بقرف بلاذن باجماعة
بيجاد. اتكلم فجاءة آنسة مسك ثانية من فضلك لو سمحتي
مسك والدموع تكاد تنهمر من الاحرج وطت راسها لتحت خوف أن يري دموعها نعم استاذ بيجاد
بيجاد / بلهفة واضحة في صوته اولا بعتزلك من اللي حصل وياريت ما تمشيش وانتي زعلانه كده حقك علينا كلنا
ثم التفت لمروة
خديها علي اوضتك يا مروة لحد ما تهدي وبعدين تشوف هي عاوز. ايه تمشي ولا تكمل اليوم معانا
مسك/لاء معلش استاذ بيجاد انا لازم امشي
ببحاد بحده وانا قلت تطلعي فوق مع مروة لحد ما تهدي
رفعت مسك رسها فجاءة بتحدي والتقت عيونهم لأول مرة وقد تناسوا من حولهم لعشق العيون لغه لا يفهما سوي العاشقين
لا حظت مروة انجاذبهم وكأن عيونهم بها مغناطيس انجذب كل منهم الآخر بدون اراده منهم
مروة /ااحم ااحم ها قلتي ايه يا مسك حتطلعي معايا فوق ولا ايه
انتبهت مسك لنفسها
مسك /هاه بتقولي ايه يا مروة
مروة /اهلا حمد الله على سلامة انتي وصلتي لا يا قلب مروة مش بقول حاجة كنت بكح حتعملي ايه حتطلعي معايا ولا ايه
مسك /لاء لاء انا حروح شكرا يا مروة بس انا لازم اروح حالا
مروة بضحك علي منظر مسك المرتبك وعلي شده احمرار وشها من الخجل
مروة ماشي يا مسك روحي احسن حالاتك صعبة
جرت مسك بسرعة برا السرايا حتي ناسيت تبلغ مرات ابوها أنها مروحة وعلي وشها ابتسامة وقلبها بيخفق بشده وشها من كتره الخجل شديد الحمره
مالت مروة علي بيجاد اللي كان في عالم تاني
مروة /بيجو بيجو هالوووو انت يابني سافرت لحد فين
بيجاد/ اااااايه يا مروة في ايه اقسم بالله انتي فصلان خير نعم عاوزة ايه انطقي
مروة /بضحك اهدي شوية يا عم بابور انت في ايه حالك اتشقلب كده ليه ايه ياعم اجمد كده امال ايه السنجله چنتلة وكلام اللي قرفنا بية وتريقت علي امجد أنه حيتجوز خير يا ابو عموا ايه اللي حصل بس
ببحاد /والله منا عارف يابت مرمر معرفش ايه حصلي اول ما بصيت في عينيها كان كهربه لمست جسمي كله رعشة غريبة كده ايه تفسيره ده
التفتت مروة ليه وسندت عليه وامتزجت الجد مع سخرية
مروة /بغمزة من عنيها يكونش يكون اسمة ايه ده اللي بيخلي القلب ينبض ولا انت رايك ايه بيجو
بيجاد /وهو في حاله هيام مش عارف والله يا مفعوصة انا اول مرة يحصلي كده انا بيجاد اللي لفيت دنيا اول مرة يحصلي كده بجد شعور غريب مش لاقيله معني
الاتنين نسوا أن في بومة واقفة بتسمعهم فاقوا علي خبط علي ترابيزة
فاطمة /ااااايه ااايه منك ليها فوقوااااا انتو عارفين بتكلموا عن مين دي بنت كلاف البهايم يعني لو قفت علي تراطيف صوابعك ابوك الحاج استحاله يوافق فوق كده يا بيجاد افندي وخليك في سنجله بتاعتك بدل ماتفوق وانت واقع علي جدور رقبتك كده
بيجاد / الله ينكد عليكي يا بعيده انتي علطول منكده علينا كده
مروة /مالت علي بيجاد صدق ماجد لما سماها بومة
ضحكوا الاتنين مع بعض
فاطمة/اضحكوت اضحكوا انتوا فاكرني بهزر بس كلام ده بكرة افكرك بيه وبكرة تقول ام فرح قالت
دخلت عليهم عواطف وهي حاملة العيش اللي خبزته
عواطف / اده امال فين اللي تنشك في قلبها البت مسك راحت فين البت دي مشفتهاش يا ام فرح
فاطمة/انا روحتها يا عواطف البت مش بتاعت شغل
عواطف/يخيبك بت من دون البنات عملت ايه منيله دي اكيد كانت بتدلع ماهي وش فقر زي امها.
فاطمة /بصراحة. مش نافعة في شغل خالص انا مش عارفه انتي ايه اللي خلاكي تجبيها معاكي واقفة ترغي مع الكل وخلاص غير مياعه بتاعتها بصراحة يا عواطف مكنش ليكي تحبيها والبيت في شباب و انتي عارفه مياعتها
مروة بعصبية /فاطمة ايه كلام اللي انتي لتقوليه ده عيب عليكي والله
التفت فاطمة ليه و ببرود تام
فاطمة /ليه هو انا بكدب ولا اكتش بكدب و التفت لبيحاد
متقول اللي حصل يا بيجاد قول انت اللي حصل لعواطف علشان مروة محسساني أن انا الساحرة الشريرة اللي يفتري علي بت
بيجاد/هو ايه يعني اللي كان حصل لكل ده يا فاطمة انا مش فاهمك بصراحة
فاطمة بتعجب انت كمان دي لسة قالبه عليك صنية العصير كلها ايه محصلش ده كمان
خبطت عواطف علي صدرها
عواطف /بالهوي البت مسك قالبت العصير عليك سامحني يابني امسحها فيا انا دي بت مايعه وانا حعرف شغلي معاها لما اروح ونبي ومن نبي النبي نبي لبيتهالك مضروبه علقة ما اخدهاش حرامي في جامع
بيجاد انتفض من مكانه /حيلك حيلك هو في اايه وتضربي مين وليه
عواطف /حضرب اللي تنشك مسك علي قلت حياها معاك
بيجاد /ومين قالك انها هي اللي غلطانه أنا اللي غلطان الست ام فرح كانت هنا ماشفتش اللي حصل الانسة مسك كانت خارجة من مطبخ وشايله صنية عصير و كانت تقيله وانا كنت داخل مطبخ مستعجل ماشوفتهاش انا اللي خبط فيها مش هي علي فكرة
عواطف /حقك عليا أنا امسحها فيا
بيجاد بنفاذ صبر /مافيش حق علي حد مجرد موقف وعدي وغلط عندي انا
التفت لمروة بزهق
بيجاد/ انا رايح عند ابوكي علشان لو قاعدت اكتر من كده حرتكب جريمة اوووف
وعند مسك دخلت مسك البيت و هي في عالم تاني خالص
لمحتها عطر وهي داخله استعجبت من رجعها بدري
عطر /مسك بت يا مسك انتي اية اللي رجعك بدري
ومسك في عالم تاني وكان عطر هوا مش واقفة قدمها
عطر /شدتها من أيدها بت مالك في ايه هيمانه كده ليه
مسك / بالهوي يا عطر هو في كده
عطر /هو ابه اللي في كده مالك ووشك احمر كده ليه في ايه بقي انطقي ورجعتي بدري ليه
مسك بنفس الحاله / قمر قمر مافيش كده انا مشوفتش كده قبل كده
عطر /في ابه يا هبلة اخواتك هو مين ده اللي قمر انطقي بقي
مسك /تعالي نقعد وانا ححكيلك كل حاجة
عطر /وماله وادي قاعدة
جلست عطر ومسك وحكت مسك كل حاجة لعطر
عطر/بالهوي بتقولي اخو مروة يعني ابن عمده لا يا مسك فوقي بالله عليكي بلاش نبص لفوق
مسك /هو انا قلت ايه يا عطر لكل ده انا بحكيلك اللي حصل انا غلط في ايه بس وايه يعني ابن عمده هو احنا قليلين احنا بنات زي القمر ومتعلمين
عطر/اه يا مسك قليلين احنا ولاد كلاف البهايم يا مسك وهما أسياد البلد فوقي لنفسك بدل ما تمشي ورا عواطفك وتفوقي علي قلم يعلم عليكي وانتي اللي حتكوني خسرانه
مسك /هو انا عملت ايه لكل ده بس
عطر /منا بفوقك علشان متعمليش من اولها كده حطي قدامك كلامي ده كويس وتفكريش في موضوع ده خالص لأنه مينفعش بكل طرق
فاقت مسك علي كلام عطر من حاله اللي هي فيها و هزت راسها لعطر وسابتها و كانت داخلة أوضتها ولكنها وقفت من جملة عطر
عطر /بت يا مسك قلتي للعقربه انك مروحة
خبطت مسك علي رأسها اوووف بالهوي انا نستها خالص يا دي النيله حاتيجي تعملهلنا حافله انا زاي نستها خالص
عطر/ اهلا ناستي مين يا شملوله اشربي بقي اللي حيحصلك لما ترجع دي لما حتصدق بقي وتهيص
التفت ليها مسك
مسك / طظ عارفه يعني ايه طظ اعلي ما في خيلها تركبه خليها بي تقول معايا كلمة وانا ورحمة امي لا طلع عليها القديم والجديد وانا اصلا عفاريت دنيا بتتنطط قدامي لوحدها
في دخلت عواطف عليهم
عواطف اهلا بلغندورة ايه يابت تهاني اللي عملتيه ده انتي ازاي يابت تمشي من غير ما تقوليلي ها وايه المياعة اللي عملتيها مع ابن عمده ازاي توقعي عليه العصير ايه عاوزة تلفتي نظرة ليكي ولا ايه إنما حقيقي بنت تهاني صح بس حتقول ايه اقفي القدرة على فومها تطلع البت لامها
مسك هنا جابت اخرها محستش بنفسها جرت مسك عليها جابتها من شعرها وقعتها علي الارض بحركة غير متوقعة لدرجة أن عطر واقفت في حالة من زهول من اللي عملته مسك
وقعت عواطف علي الارض وفوقيها مسك
مسك كام مرة قلتلك بلاش تجيبي سيرة امي علي لسانك ده يا خرباية و بدأت في شد شعرها وعواطف بتصرخ امي خط احمر فاهمة حسك عينك تاني تجيبي سيرتها امي
امي ماتت وارتاحت من اشكلكم مرة تانية مش حيحصلك خير لو اسم امي جه علي لسانك فاهمة ولا مش فاهمة
دخل ابوهم علي صوات عواطف كل ده وعطر لسة في حالة من زهول
تابعوني في البارت قادم ياتري حيتعمل ايه في مسك
ملكة القلم