رواية جميله في قلب وحش (بقلم هاله رجب الهربيطي) الفصل الرابع

الفصل الرابع

قاطعهم ذلك الصوت الذي يعرفون صاحبه جيداً وهو يقول بقوه وحزم: مش لما يبقي بيتك ياعز تبقي تتحكم فيه ومالك مش هيمشي من هنا واللي مش عاجبه يتفضل يمشي

عز بقلق وخوف: بابا حمدلله بالسلامه جيت إمتا في حاجه حصلت

الجد عامر بقوه وصلابه: وأنا لما أجي بيتي لازم يبقا في حاجه 

عز بتوتر وقلق: لاء مقصدش طبعاً إتفضل إرتاح 

دخل الجد ونظر لهم بجمود وقوه وجلس أمام الجميع بكبرياء وينظر لهم جميعاً وكأنه يريد أن يري إنفعالات وجههم عندما شاهدوه فهو يعلم أن البعض لايريد وجوده بينهم والبعض الأخر يحب وجوده

الجد بقوه وصلابه: ممكن أفهم في إيه

عادل بحب وإطمئنان: حمدلله بالسلامه يابابا إرتاح مفيش حاجه إرتاح إنت بس

الجد بحنان : الله يسلمك يابني بس لازم أفهم في إيه ثم أكمل بقوه وإيه اللي سمعته دا إزاي عاوزين حفيدي يخرج من البيت وأنا لسه عايش إيه مالكوش كبير

عز بسخريه وتذمر: هو لحق يشكيلك أنا مش عارف ليه مامتش وقت الحادثه

الجد بنرفزه وصوت عالي: عز إتلم هو عشان ساكتلك ومالك مقاليش حاجه أنا كل أخباركوا بتوصلي بلاش تقسي علي إبنك عشان هتندم

عز بقسوه وحزن: دا مش إبني هو السبب في اللي أخوه فيه لو مكنش شارب يومها مكنش حصل في أخوه كدا أخوه اللي بقالوا تلات سنين في غيبوبه واهو ربنا أخدله حقه وبقي مشوه أنا مستحيل أندم علي معاملتي ليه أبداً يابابا هو يستاهل كل اللي حصله يستاهل يعيش مشوه 

مالك بدموع وحزن بادي علي صوته: والله العظيم ماكنت شارب مازن هو اللي كان شارب وهو اللي حاول يسوق وانا سايق وعملنا الحادثه والله 

مش أنا السبب صدقني

عز بضحك مستفز: أصدقك ليه فاكرني هصدق التمثيليه دي ليه فاكرني مجنون وهصدقك شكل ما الكل صدقك إنت بسببك إبني ضاع مني 

الجد بقوه وحزم: خلاص كفايه كل حاجه هتبان أول ما مازن يفوق مش عايز أسمع كلام في الحكايه دي تاني أبداً إنتوا فاهمين

مرفت بتذمر وعنجهيه: خلاص بقا إنتوا وش صدعتوني من كلامكوا إيه مبتزهقوش

عادل بقوه: إتلمي واعرفي بتتكلمي إزاي وبتكلمي مين يامرفت كويس إنتي فاهمه

مرفت بسخريه وضيق: أوووف أنا ماشيه هروح النادي أرتاح شويه وأريح أعصابي يلا ياسيرين

سيرين بلا مبالاه: أوك يا مامي باي ياجماعه

خرجت مرفت من أمامهم ومعها سيرين إبنتها ولم يعيروا لأحد أي إهتمام وخرجوا من أمامهم بكل برود وعنجهيه نظر الأب تجاه إبنه عادل بحزن وكأنه يخبره أرأيت ماذا حدث لإبنتك عندما تركتها لزوجتك هل أنت راضي عنها هكذا 

الجد بقله حيله: بنتك حالها مش عاجبني يا عادل بس مستني نروق وأنا اللي هقف لها وأحاسبها ثم نظر تجاه مالك الذي يقف حزيناً وقال له بهدوء تعالي معايا يامالك عاوزك في موضوع

مالك بطاعه وحب:حاضر ياجدي

ذهب مالك ناحيه جده وأمسك يده بحنان وأسنده برفق ليصعدوا السلم ببطئ بسبب تعب قدمه

عادل بهدوء:أنا طالع أنام

عز بزهق:وانا كمان هنقعد نعمل إيه في الأرف دا

عزه بحزن ودعاء:ربنا يهديك وتحن علي إبنك

صعد عادل وعز كل منهم لغرفته فتطلعت عزه في أثر رحيل عز بحزن وهي تدعي الله أن يحن قلبه تجاه مالك فيكفي حالته التي بها ثم صعدت تجاه غرفه الجد لتطمئن عليه هو ومالك 

دخلت عزه الغرفه بهدوء وقالت بعبوث: حمدلله بالسلامه ياعمي عامل إيه 

الجد بضحك: عمي ومقولتيش بابا يبقي زعلانه

عزه بدموع: إنت يعنى مش شايف بيعاملوا مالك إزاي والله دا حرام وكمان مش عاوز يعمل العمليه 

الجد بهدوء: كل حاجه هتتحل متخافيش 

مالك بحزن: ماما عشان خاطري بلاش تزعلي وانا قولت قراري بخصوص العمليه ومش هعملها 

الجد بهدوء: ياحبيبي إنت ملكش ذنب فكر في العمليه تاني ليه تعيش في تعاسه 

مالك بطاعه وهدوء: حاضر ياجدي سلام بقا هدخل أنام تصبحوا علي خير

الجد بحب:وإنت من أهل الخير

عزه:وانا كمان خدني معاك عشان أنام تصبح علي خير يابابا يلا يامالك نخرج عشان يرتاح 

نام الجد علي الفراش بهدوء وخرج مالك ووالدته وذهب كل منهم لغرفته ليستريح 

الأم بحب:تصبح على خير ياحبيبي

مالك وهو يقبل يدها:وإنتي من أهل الخير ياقلبي

دخلت أمه الغرفه ثم ذهب مالك لغرفته وجلس علي السرير بهدوء وهو يفكر بجميله:جميله إسم علي مسمي وطيبه قوووي أنا عاوز أتصل عليها محتاج أسمع صوتها لا لا مينفعش هو أنا حبيتهاطب إزاي وانا مشفتهاش غير مره بس عادي بتحصل بس

هي مستحيل تحب مشوه زيي بس منساش إني كنت جميل قبل الحادثه وممكن أعمل العمليه وأرجع تاني زي الأول يارب ريح قلبي يارب

غفي مالك وهو شارد بها وكان يدعوا الله أن يريح قلبه ويلتقي بها مجدداً لكي تكون بجانبه وتساعده علي تخطي كل تلك الصعاب فمن جلسه واحده معها ملكت قلبه وأراحت فكره وأعطته أمل بالحياه أما بالجهه الأخري كانت تلك الجميله نائمه بهدوء فهي لاتشغل بالها بأي شيئ سوي راحه البال فقط فهي مرحه متفائله تحب الحياه وتعشق المرح والسرور 

نام جميع الأبطال منهم المتفائل ومنهم الحزين منهم المؤمن بقضاء الله ومنهم من يدبر المكائد ولا أحد يعلم ما يخبئه القدر للجميع فنحن مجرد بشر

الفصل القادم من هنا