رواية جميله في قلب وحش (بقلم هاله رجب الهربيطي) الفصل الخامس والعشرون
الفصل الخامس والعشرون
أنا دائماً بخير، أعرف كيف أتجاوز كل شيء وحدي، أعرف كيف أنام وفى قلبي ما يكفي من الألم.
أحمد خالد توفيق
♥♥♥♥♥♥♥♥♥♥♥♥♥♥♥♥♥♥
في صباح يوم جديد يحمل العديد والكثير من الألم لبعض
المجروحين وأيضاً الكثير من السعاده للعشاق بعد مرور يومين
تستيقظ جميله ولكن ليس كما السابق فقد إنطفأت ولا يوجد
للفرح مكان بقلبها المنكسر فهي لم تعد ترغب في شيئ
جميله: يارب قويني وخليني أنسي يارب ريح قلبي مش عشاني
والله عشان أمي وملك اللي تعبانين بسببي كفايه وجع قلب بقا
لازم أقوي وأرجع أضحك من تاني نفسي أرتاح مع إن مستحيل
خلاص الراحه والفرحه إختفوا من حياتي
دخلت ملك الغرفه عند جميله
ملك: صباح الخير ياقلبي يلا عشان نلحق الإمتحان مذاكره
جميله: أه الحمدلله
ملك: ماشي ياقلبي
وقامت جميله وجهزت هي وملك وفطروا
الأم: ربنا معاكوا ياحبايبي ويريح قلبك ياجميله يابنتي
جميله وملك: يارب
ونزلت جميله ومعاها ملك ووصلوا الجامعه ودخلوا الامتحان
وبعد وقت خرجوا من الامتحان
ملك:عملتي ايه ياقمر
جميله:الحمدلله يلانروح عشان مصدعه
ملك:ماتيجي نروح أي كافيه ونتمشي شويه
جميله:خلاص ماشي
وقفت ملك تاكسي وجلست جميله ووضعت الهاند فري في
أذنها وكانت سارحه مع الكلمات ولم تلاحظ دموعها التي تنزل
وكانت ماتسمعه هو
اه حبيته
والعقل مالوش في الحب نصيب
كان مالي عنيا بشكل غريب
ومسكت إيديه
ومشيت وبدآت
قولت المايل نعدله بالوقت
قولت المكسور
يتصلح حب وحنيه
كنت بجيب الغلطه عليا
كنت مصوبه يمُه عنيا
كنت مرتبه عُمري بحاله
لعنيه ولوقته واشغاله
كنت في دنيا مالوش فيها اصحاب
الصاحبه الحلوه الباقياله.. قصيده طلاق للشاعر عمرو حسن
وكانت تبكي فهذه الكلمات كانت تعبر عن حالها
رأتها ملك وهي تبكي: جميله حبيبتي إنسي حرام عليكي نفسك
جميله بدموع: ياريت كنت أقدر أنسي
ملك: بتسمعي إيه ياختي وبتعيطي قوليلي ونبي أصل جوايا
مشاعر مدفونه وعاوزه أخرجها
جميله بإبتسامة بسيطه: بسمع قصيده طلاق للشاعر عمرو
حسن بجد إبداع وموهبه
ملك: ياااااه إنتي لسه بتسمعيه دا أنا فكرتك نسيتيه
جميله: في حد في الدنيا دي ينسي الشاعر عمرو حسن دا بس
كفايه كلامه اللي بيحيينا ويوصف اللي جوانا بجد الشاعر دا
يستاهل لقب الملك بتمني ربنا يشفيه ويرجع المسرح من تاني
لأن إحنا خلاص إتعودنا علي كلامه اللي بيوصفنا
ملك: ربنا يشفيه يارب ويرجع من تاني أحسن من الأول
جميله: يارب
وقف التاكسي ونزلت ملك ومعاها جميله ودخلوا الكافيه
وطلبت كل منهم مشروب وجلسوا
ملك: ها ياجميله هتفضلي كدا حرام عليكي نفسك
جميله: خلاص ياملك أنا إتكسرت قلبي واجعني أووووي
ماكنتش أتخيل أبداً إن مالك يوجعني كدا أنا يقولي الكلام دا
أنا يقولي عاوزه كام ياريتني كنت موت قبل ما أسمعها منه
ملك: بعد الشر عليكي ياحبيبتي متقوليش كدا خير إن شاء الله
وبينما كانوا يتحدثون وجدوا شخص قادم إليهم
جلال بخبث: مدام جميله إزيك عامله إيه ومالك فين
جميله: الحمدلله يا أستاذ جلال وحضرتك لو عاوز مالك تقدر
ترن عليه وتعرف مكانه عن إذنك يلا ياملك
خرجت جميله وملك من الكافيه
ملك: مين دا وكلمتيه كدا ليه
جميله: دا إسمه جلال وداخل مشروع قصاد مالك وبصراحه
مش برتاحله وياما مالك حظرني منه
ملك: اه تمام
وركبوا تاكسي وبعد وقت وصلوا البيت
الأم: ها طمنوني عملتوا إيه
ملك وجميله: الحمدلله تمام
الأم: الحمدلله طيب إدخلوا غيروا هدومكم وأنا هحضر الأكل
غيرت جميله وملك ملابسهم وقعدوا علي الغدا
جميله بتردد: ماما أنا لسه بشتغل في الشركه
الأم: ليه ياجميله مستحيل أوافق إنك تروحي هناك تاني أبداً
كفايه اللي حصلك بسببهم أنا مش هقدر أخسرك يابنتي وهكون
خايفه عليكي طول ما إنتي هناك وبالذات وهو موجود
جميله بسخريه: هه موجود متخافيش ياماما خلاص مالك بح
سافر ومش هيرجع تاني خلاص
أم جميله: ينتقم منه ربنا زي ما.... قاطعتها جميله
جميله: ياماما عشان خاطري بلاش الكلام دا تاني
الأم: لسه بتحبيه بعد ما كسرك ودمرك بعد ما كسر فرحتك
جميله بدموع: أنا داخله أنام ياماما.. ودخلت غرفتها
ملك بحزن: ليه كدا بس ياماما حرام عليكي إنتي عارفه إنها
لسه بتحبه ومستحيل تنساه بالسهوله دي
مني الأم ببكاء: أعمل إيه قلبي واجعني عليها أووووي مش
قادره أشوفها مكسوره كدا يارب حلها من عندك يارب
ملك: يارب.. يلا ياماما قومي وأنا هشيل الأكل وسيبيها شويه
وهترتاح وهترجع أحسن من الأول بأذن الله
الأم بتنهيده: بأذن الله ربنا يفرحكوا يارب
قامت مني الأم ودخلت غرفتها وملك شالت الأكل وجلست
تذاكر ورن هاتفها وكان مازن فأغلقت المكالمه ثم ظل يرن
ملك: الو
مازن: الو ملك عامله إيه وجميله إيه أخبارها
ملك: لو سمحت ممكن مترنش عليا تاني إنسونا بقا وإبعدوا
عننا كفايه اللي حصل في جميله
مازن: ملك أنا ماليش ذنب في أي حاجة ليه تعاقبيني أنا
ملك: لابعاقبك ولا بعاقب غيرك سبني في حالي
مازن: أنا بحبك ياملك والله العظيم بحبك وبموت فيكي أنا
مقدرش اعيش من غيرك متسيبنيش أنا محتاجك جمبي
ملك: خلاص يامازن معتش ينفع ياريت تنساني.. واغلقت
الهاتف
مازن بدموع: مش هسيبك ياملك مستحيل أضيعك من إيدي
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند جميله بالغرفه كانت بتبكي وهي بتسمع قصيدة عمرو حسن وكانت بترددها معاه ببكاء
اصبحنا لا ننفع متصاحبين ولا عدنا صحاب وبقينا برغم إللى مابنا اتنين أغراب..
٩٠% من الأشخاص المكتئبين بيحسوا حنين لقلوب بتحن لناس غيرهم الواحد ضيع وقت كبييييير مع ناس مش شاغل تفكيرهم.... هتروح لطبيب هيبص عليك وهيكتبلك ادويه للنوم ويسيبك تمشى
وهتفضل بردو مابتنمشى
كل الموضوع انك عندك متلازمه حب إللى محبكش💔
عمرو حسن
وظلت تبكي حتي غلبها النوم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
في منزل علي كان بيكلم سيرين
علي: ها عامله إيه دلوقتي
سيرين: الحمدلله بخير
علي: عشان خاطري مش عايزك تزعلي ولا أشوفك متضايقه
أنا مش هقدر أشوفك موجوعه لأني هتوجع عشانك
سيرين بخجل: أحمم أنا هقفل عاوزه أنام تصبح علي خير
على: إتهربي من كلامي أووي وإنتي من أهل الخير
واغلقوا الهاتف ونام كل أبطالنا ليستعدوا لأحداث جديده
🌺🌺🌺🌺🌺🌺🌺🌺🌺🌺🌺🌺🌺🌺🌺🌺
متنسوش الفوت والكومنت
وعارفه البارت صغير بس والله تعبانه مهقدر أكتب ومرضتش منزلوش عشان محدش يزعل♥♥
ومدخلتوش تتابعوا كتاباتي ليه🥺🥺