رواية جميله في قلب وحش (بقلم هاله رجب الهربيطي) الفصل الرابع والعشرون
الفصل الرابع والعشرون
كانت الكارثة كلها في الإفراط.. الإفراط في الامل، في الحب، في التوقعات، في الانتظار، في كل شئ.
_ أحمد خالد توفيق
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
نظر الكل لمالك بدهشه وخرجت جميله من حضنه ونظرت له
جميله بدموع: مالك بلاش هزار في الحاجات دي لو سمحت
مالك ببرود: أنا معنديش وقت للهزار وكل اللي عشته معاكي
تمثيل أنا عمرى ماحبيتك أنا حبيت حبك وإهتمامك ليا مجرد
وسيله لمتعتي وإني أحس بحد مهتم بيا من غير مايكون ليه
مصلحه أو طمعان فيا وخلاص أنا زهقت وكمان كلام الناس
هيكتر وكفايه أوووي إنك أخدتي لقب طليقه وحش الإقتصاد
ياريت من غير مشاكل تشوفي عاوزه كام وأنا هديكي كل اللي
تطلبيه أظن دا عرض ميتفوتش
الجد: إنت واعي لكل دا في إيه يامالك ليه كدا هي ذنبها إيه
مالك: ملهاش ذنب ودا مزاجي خلاص زهقت و...قاطعه ضرب
والدته له بالقلم علي وجهه صدم الجميع من فعلتها
عزه:كان لازم أعمل كدا من زمان من يوم ما ضيعت نفسك
عشان ذنب مش ذنبك كان لازم أفوقك فوق يامالك إنت كدا
هتخسر الإنسانه الوحيده اللى حبتك فوق يابني
مالك بحده:محدش ليه دخل بحياتي فاهمين وعشان ترتاحوا
أنا مسافر ومش راجع تاني هنا.....تركهم مالك وخرج من المنزل
وكان كل ذلك تسمعه ميرفت من غرفتها وكانت سعيده بذلك
وقامت بالإتصال علي جلال وأخبرته بكل شيء
جلال:إنتي متأكده من كلامك
ميرفت:باقولك لسه مطلقها حالا وساب البيت وسافر
جلال:كان نفسي أكسره لما أخطفها قدام عينيه وميقدرش يعمل
حاجه بس أنا متأكد من حبه ليها ولازم أكسره
ميرفت:هتعمل إيه
جلال بشر:هعمل إيه دي الأيام اللي هتقررها
ميرفت:سلام بقا عشان أحتفل
جلال:سلام وأغلق الهاتف وإبتسم بشر..
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
خرجت ميرفت من غرفتها وذهبت لهم
ميرفت:في إيه ياجماعه صوتكوا عالي أوووي حصل حاجه
سيرين بدموع:مالك طلق جميله
ميرفت:ياحرام أنا قولتلك قبل كدا متحلميش كتير أهو سابك
عادل:قسما بالله إن ماسكتي لكون رامي عليكي يمين الطلاق
ميرفت:أووووووف أنا ماشيه عيشه تزهق
مازن:جميله سيبك منها إن شاء الله خير ومالك هيرجع وكل
حاجه هتتحل أكيد مالك لسه مجروح من الكلام اللي سمعه
جميله بدموع:خلاص يامازن أنا ومالك إنتهينا لحد كدا أنا تعبت
وأنا اللي غلطانه من الأول عشان رخصت نفسي وإتعاملت
معاه عادي ولا كأن في حاجه أنا اللي غلطانه عشان رخصت
نفسي وحبي أنا بس نفسي أعرف ليه عمل معايا كدا ليه أنا
ليه يوجعني وأنا عمري ما فكرت إني أوجعه دا أنا حبيته أكتر
من نفسي كان عندي أهم واحد في حياتي عشانه إتنازلت كتير
وبعدت عن أهلي وفضلت معاه إتنازلت عن إني أوجعه وأقدم
فيه شكوي إنه متجوزني غصب لكن رضيت عشان بحبه وكمان
إتنازلت عن حلم أي بنت بالفستان الأبيض والفرح وفضلت معاه
ومطلبتش حاجه طب ليه يظلمني أنا قولتله إني يتيمه وهو
بقي سندي ليه يخليني يتيمه للمره التانيه ليه يامازن ليه أخوك
يوجعني كدا ليه عملت إيه أنا عشان يكسرني بالشكل دا....
الجد: حقك عليا أنا يابنتي وإن شاء الله كل حاجه هتتصلح
جميله وهي تمسح دموعها: خلاص ياجدي معتش فيه حاجه
هتتصلح هطلب منك حاجه ياجدي ممكن أفضل شغاله في
الشركه لحد ما الاقي شغل تاني
الجد: ولا يهمك دي حاجتك ياجميله ومفيش شغل تاني إنتي
هتفضلي في الشركه معانا
جميله: شكراً بعد إذنك هدخل أخد حاجتي عشان أمشي
عز: ليه يابنتي خليكي معانا
جميله: معلش سيبوني علي راحتي
ودخلت جميله الغرفه وظلت تنظر لها فها هي ستودع غرفه
حبيبها بل حياته بالكامل ووجدت ملابسه ملقاه علي الأرض
فأمسكت جاكت له وظلت تحتضنه وتبكي
جميله: اااااااااااااااه ليه يامالك ليه تعمل فيا كدا هونت عليك
قلبي هان عليك توجعه طب ليه عملت إيه دا أنا فضلت جمبك
وعشانك مستعده أخسر العالم اااااااه ياوجع قلبي منك يامالك
بس خلاص إنت موت جميله اللي جوايا جميله اللي بتضحك
ومش هاممها حاجه إنت كسرتني بس وحياه كسره قلبي وذله
لأندمك يامالك ودا وعد مني
وأحضرت جميله شنطه واخذت كل شيئ لها وخرجت
سيرين: هتوحشيني ياجميله أوووي عشان خاطري إوعي
تبعدي عني أنا حبيتك كأنك أختي
جميله إحتضنت سيرين: وأنا كمان بحبك وهنتكلم في الفون
وسلمت جميله علي الجميع وخرجت من الفيلا ومعها مازن
فهو قرر أن يوصلها إلي المنزل.... وبعد وقت وصلوا
جميله: هنصحك بحاجه متضيعش حبك من إيدك عشان هيجي
يوم واللي حبيته يندم إنه فكر فيك وحبك لأنك إتخليت عنه
حافظ على حبك ودافع عنه بس إوعي ترخص نفسك لأن أهم
من الحب الكرامه وإفتكر قبل كدا دا إن كان الشخص اللي
بتحبه ومستعد تحارب عشانه يستاهل ولا لاء عشان متندمش
مازن بدموع: حاضر يا أحسن أخت بالدنيا
جميله: سلام
ونزلت جميله من العربيه وصعدت لمنزل والدتها وفتحت لها
ملك الباب وتفاجأت من هيئه جميله
ملك:جميله مالك ياحبيبتي في إيه ياماما تعالي بسرعه
جاءت الام:يالهوي مالك يابنتي حصل إيه
إترمت جميله في حضن أمها وظلت تبكي بانهيار وحكت لهم
كل شيئ منذ البدايه إلي الأن
الأم ببكاء:منه لله منه لله يتكسر قلبه زي ماكسرك أنا ه...
جميله مقاطعه والدتها:بلاش ياماما تدعي عليه عشان خاطري
ملك بحده:بعد كل دا وخايفه عليه
جميله:اه خايفه عليه عشان حبيته ومقدرش أشوفه موجوع
أنا جربت وجع وكسره القلب وبتمني ميجربهاش ولو حد دعي
عليه فيكوا والله ما هقعد هنا ثانيه ومش هتعرفولي مكان
الأم:إنسيه يابنتي
جميله وهي تقوم تدخل لغرفتها:ياريت كان بإيدي
الأم:ربنا يريح قلبك يابنتي وترجعي من تاني تضحكي
ملك:يارب ياماما يارب سيبيها في الأوضه لوحدها وأنا هنام
معاكي عشان أكيد محتاجه تبقي لوحدها
الأم:ماشي ياملك يلا ننام ونشوفها الصبح
أما جميله فدخلت غرفتها وظلت تفكر في مالك حتى نامت
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
عند سيرين بغرفتها كانت تبكي وتذكرت علي فقامت بالإتصال
علي:ألو
سيرين ببكاء:ألو علي ممكن أتكلم معاك شويه
علي:أكيد طبعاً مال صوتك الأول
سيرين:أنا مخنوقه أوووي مالك طلق جميله وهي صعبانه عليا
أوووي ياعلي حرام والله دي حبت مالك أووووي طب ليه يعمل
معاها كدا ويوجعها حرام عليه الله يكون بعونها
علي بحزن:فعلاً والله عندك حق دي بتعشقه مش بتحبه إن شاء
الله خير وكل حاجه هتتحل بأذن الله متخافيش وأنا هحاول
أرن علي مالك وأكلمه وأعرف ليه عمل كدا
سيرين:ياريت ياعلي طب رن عليه حالا وهستناك
علي:ماشي...رن علي علي مالك ولكن هاتفه مغلق ورن علي
سيرين لكي يخبرها
علي:قافل الفون
سيرين:خلاص ماشي أسفه إني أزعجتك
علي:لاء ولا يهمك ياستي أزعجيني براحتك ميهمكيش
سيرين بخجل:سلام بقا تصبح على خير
علي:وإنتي من أهل الخير
وإنتهت المكالمه وذهب الجميع في النوم
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
وفي المطار كان النداء الأخير لطائره مالك فذهب وصعد
الطائره وإنقلعت بالهواء لتودع تلك البلاد بمن فيها
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
متنسوش الفوت والكومنت
دمتم بخير 🌺🌺🌺🌺